बङ्गलादेशय् मिँन्वया स्वीम्हसिगु ज्यान वन
लहनान्युज | थिंलागा पंचमी ११४२, पुष ९ शुक्रवाः
![](https://www.lahananews.com/sites/default/files/bangalades.jpg)
बङ्गलादेशय् हाकन मिँन्वया स्वीम्हसिगु ज्यान वंगु दु।
अनया झालकोटी जिल्लाय् मिँन्वंगु दु । स्थानीय अधिकारीया कथं इन्जिन हिउगु थासं मिँन्वंगु धका धाउगु दु।
मिँच्याना घाइते जूपिन्त उपचारया लागि अस्पताल यकूगु दु सा फसे जुयाच्वपिनिगु उद्धार यायेगु ज्याना जुयाच्वंगु दु।
चीनया गान्झोउय् डाइनासोरया खेँय् लुत
लहनान्युज | थिंलागा तृतीया ११४२, पुष ७ बुधवाः
![](https://www.lahananews.com/sites/default/files/ddd_3.jpg)
चीनया गान्झोउ क्षेत्रय् खेँय् दुने सुरक्षित दुगु डाइनासोरया भ्रुण लुगु दु। परिपक्व जुया खेँय् न पिहावयेगु अवस्थाय् दुगु भ्रुण जिवाश्म लुगु दु धका बीबीसीं धाउगु दु।
उगु भ्रुण ६ करोड ६० लाख वर्ष पूलागु धका अनुसन्धातापिन्स अनुमान याउगु दु। उगु भ्रुण वा मदुगु थेरापोड डाइनासोर वा ओभिर्याप्टोरोसस जुइफुगु भलसा काउगु दु।
अनुसन्धाता डा फियोन वासम माले थुगु भ्रुणयात इतिहासय् हे आःतक लुगु भ्रुण मध्ये दकलय् अप्पो सुरक्षित अवस्थाय् दु धका धाउगु दु। उगु भ्रुणया जिवाश्मया अवस्थिति खेँ पिहा वइगु अवस्थाय् थ्यंगु चखू हथे चाःहिउगु खने दु। उगु जिवाश्मया लम्बाइ छेँय् निसे न्हिपंतक २७ सेन्टिमिटर दु धका धाउगु दु।
शेख मोहम्मद व वय्कया तिरि प्रिन्सेस हया दथुया आःतक हे थिकेगु सम्बन्ध विच्छेद
ने.सं. ११४२ थिंलागा तृतिया, २०७८ पुस ७ बुधबाः
![](https://www.lahananews.com/sites/default/files/dubai.jpg)
दुबईया अर्बपति शासक शेख मोहम्मद बिन राशिद अल मकतुम व वय्कया तिरि प्रिन्सेस हया बिन्त अल हुसेनदथुइ सम्बन्ध विच्छेद जुइत्यंगु दु ।
सम्बन्ध बिच्छेदया नितिं मकतुमं तिरियात ५०गु कोती पाउण्ड अथेधइगु थ्यंमथ्यं ८०गू अर्ब तका पुलेमालीगु जूगु दु । थुकिया नितिं बेलायती कानुनी इतिहासय् सम्बन्ध विच्छेदय् दकले उप्वः ध्यबा पूगु कथं न्हूगु रेकर्ड दयेकूगु दु ।
बेलायती उच्च अदालतं प्रिन्सेस हया बिन्त अल हुसेनयात २५गू कोती १५गू लख पाउण्ड बीमाःगु फैसला न्यंकूगु खः । हया जोर्डनया जुजु हुसेनया म्ह्याय् खः । वय्क आः ४७दँ दत । शेख मोहम्मद बिन राशिद अल मकतुम संयुक्त अरब इमिरेट यूएईया प्रधानमन्त्री खः ।
वय्कलं ६म्ह मिसातनाप ईहिपा यायेधुंकूगु दु । बेलायती अदालतं प्रिन्सेस हायायात बीगु ध्यबां निम्ह सन्तानया सुसाःकुसा, सुरक्षा बजेट, बिदा, छम्ह नर्सया तलब, कामदारया ज्याला व वय्क च्वनीगु थाय्या खर्च, छेँजःया नितिं गाडी अले छेँय् लहिनातःपिं जनावरया नितिं खर्च यायेत उलिमछिं ध्यबा पुइकूगु खः ।
कोसोभों डेनमार्कयात कारागार बालं बिइगु
ने.सं. ११४२ थिंलागा तृतिया, २०७८ पुस ७ बुधबाः
![](https://www.lahananews.com/sites/default/files/kosovo.jpg)
युरोपेली देय् कोसोभां थःगु देशय् दूगु कारागारया ३सः कक्ष डेनमार्कयात बालं बिइत्यंगु दु ।
डेनमार्कय् कैदी बन्दीतये ल्याः तसकं अप्वयावनेधुंका कोसोभाें डेनमार्कयात दँय्ुदसं १५गू मिलियन युरोय् कारागार बालं बिइत्यंगु खः ।
बालं बिइगु कारागारया कक्षय् गैर इयु देय्या बन्दीतयेत तयेत्यंगु दु । कोसोभोय् ७ सः निसें ८सः कारागार कक्ष खाली दूगु हुनिं डेनमार्क व कोसोभो दथुइ कारागार लिज सम्झौता जूगु खः ।
थुगु सम्झौता आःयात ५दँया नितिं जूसा नं ई कथं परिमार्जन जुइ फइगु संभावना दूगु न्ह्यथंगु दु । अयेसां थुगु सम्झौतायात संसदया ३ब्वय् निब्वया बहुमतं पारित यायेमाः ।
कोसोभोया राजधानी प्रिस्टिनां ५०गू किलोमिटर तापाक्क खाली दूगु कारागारया डेनमार्कया अधिकारीतयेसं निरीक्षण याइगु जूगु दु ।
थुखे डेनमार्कं कैदीतयेत छेँजःया स्वापूपाखें तापाक्क यंकेगु निर्णय याःगु धका कोसोभो व डेनमार्कय् आलोचना जुइगु न्ह्यागु दु ।
क्रिसमस नखःया ईलय् सचेत जुइत विश्व स्वास्थ्य संगठन इनाप
थिंलागा द्धितीया ११४२, पुष ६ मंगलवाः
![](https://www.lahananews.com/sites/default/files/who_13.jpg)
विश्व स्वास्थ्य संगठन, डब्लू.एच.ओं क्रिसमसया ईलय् सचेत जुइत इनाप याःगु दु ।
थ्व ईलय् सचेत मजुइगु खःसा ओमिक्रोन भेरियन्ट हलिंन्यंकं न्यनेफइगु धासें अन्यागु अवस्था वयेके मज्यूगु धागु दु । डब्ल्यु.एच.ओया प्रमुख टेड्रोस ग्याब्रियसं क्रिसमसया बिदा व यात्राया ज्याझ्वःत रद्द यायेत अपिल तकं यानादीगु दु ।
नखः हनेगु झ्वलय् संक्रमण झं तच्वयेफूगु धासें वय्कलं उखय्पाखे ध्यान बीत न धयादीगु दु । संक्रमणया हुनिं सीगु स्वयां ज्याझ्वः रद्द यायेगु पाय्छि जुइगु ग्याब्रियसया तर्क दु ।
जिन्दगी दुसा थन्यागु नखःचखः यक्व हनेफइगु धासें वय्कलं ब्यक्ति, समाज व देशं ग्वहालि याःसा जक महामारी नियन्त्रण यायेफइगु वय्कया धापू दु ।
जर्मनी, फ्रान्सनापया युरोपेली देशं क्रिसमस लक्षित ज्याझ्वःयात कडाई यानाच्वंगु ईलय् डब्ल्यु.एच.ओया प्रमुखया अपिलयात अर्थपूर्ण स्वःगु दु ।