एन्जेला मर्केल थौंनिसें पदमुक्त जुइगु
थिंला पंचमी ११४२, मंसीर २२ बुधवाः
![](https://www.lahananews.com/sites/default/files/markel.jpg)
जर्मन चान्सलर एन्जेला मर्केल थौंनिसें पदमुक्त जुइत्यंगु दु । न्हूम्ह चान्सलरया रुपं थौंनिसें हे ओलाफ शुल्जं कार्यभार कःघानादी ।
वय्कलं थौं हे पद अले गोपनियताया शपथग्रहण यानादी । सन् २००५ या नोभेम्बर २२य् जर्मनीया चान्सलर जूम्ह मर्केल जर्मनीया इतिहासय् छम्ह जक मिसा चान्सलर खः ।
थःगु कार्यकालय् वय्कः तसकं लोकं ह्वायेत ताःलात । वय्कःया कार्यकालय् प्यम्ह अमेरिकी राष्ट्रपति, प्यम्ह फ्रान्सेली राष्ट्रपति, न्याम्ह बेलायती प्रधानमन्त्री हिलेधुंकल ।
अथेसां थःगु कार्य कुशलताया हुनिं दक्वं राष्ट्रलिसेया स्वापू सुमुधुर दयेकेत मर्केल ताःलात । पदमुक्त जुयाच्वंबलय् मर्केलं न्हूम्ह चान्सलर शुल्जयात न्ह्याबलें साथ व ग्वहालि यायेगु बचं बियादीगु दु ।
न्हूम्ह नियुक्त चान्सलर शुल्जं नं देय् व जनताया हितय् ज्या यायेगु बचं बियादीगु दु ।
ओमिक्रोनयात नं खोप प्रभावकारी : डब्ल्युएचओ
थिंला पंचमी ११४२, मंसीर २२ बुधवाः
![](https://www.lahananews.com/sites/default/files/who_12.jpg)
विश्व स्वास्थ्य संगठनं कोरोनाया न्हूगु भेरियन्ट ओमिक्रोनया नियन्त्रणय् नं आः छ्यलाच्वंगु खोपं हे ज्या याइगु धाःगु दु ।
ओमिक्रोन भेरियन्टया संक्रमण जूसां खोप काःपिं मनूत तसकं विरामी मजुइगु डब्ल्युएचओया अधिकारीतय् धापू दु । दक्षिण अफ्रिकाया ओमिक्रोन संक्रमितय् याःगु परीक्षणं खोपया प्रभावकारिता पुष्टि याःगु खः ।
अथेसां गुगु हदतक्क खोपं ज्या याः धइगु निक्र्यौल धाःसा जुइ ल्यं दनि । डब्लुएचओया डा. माइक रायनं ओमिक्रोन भेरिएन्ट नं खोपया प्रभावकारिता छले यायेत मेगु भेरियन्ट स्वयां चलाख खनेमदुगु धयादिल ।
खोप काःपिं मनूत नं ओमिक्रोनं तसकं विरामी जुइगुलिं बचे जुइगु वय्कःया विश्वास दु । थ्वयां न्ह्यः लूगु कोरोनाया भेरियन्टत स्वयां अप्वः समस्या ओमिक्रोनं महइगु डब्ल्युएचओया लिच्वः दु ।
वैज्ञानिकतय्सं धाःसा ओमिक्रोनय् आःतक्क विकसित खोपत छले यायेफइगु क्षमता अप्वः दुगु धासें सचेत जुयाच्वनेत चेतावनी बियाच्वंगु दु ।
बेलायतय् ओमिक्रोन सक्रमित ९०म्ह थ्यन
लहनान्युज | थिंला तृतीया ११४२, मंसीर २१ मंगलवाः
![](https://www.lahananews.com/sites/default/files/omu-21.jpg)
बेलायतय् कोरोनाया न्हुगु भेरियन्ट ओमिक्रोन समुदाय स्तरय् फैलै जुगु दु। अन छन्हु हे ९० म्हेसित सङ्क्रमित जुगु दु।
उकि मध्ये ६४ म्ह बेलायत, २३ म्ह स्कटल्यान्ड स्वम्ह वेल्सयापि खः। बेलायतय् आः ओमिक्रोन सङ्क्रमितपि ३३६ म्ह थ्यंगु दु।
बेलायती संसदय् सम्बोधन यासे स्वास्थ्य मन्त्री साजिद जाविदं ३ सय ३६ म्हेसित ओमिक्रोनपाखे सङ्क्रमित पुष्टि जुगु जानकारी बिउगु दु।
बेलायतं ’ओमिक्रोन’ नियन्त्रणया लागि छु देशया यात्राय् प्रतिबन्ध तःगु दु। थुगु प्रतिबन्ध निरन्तर खः धका बेलायतया स्वास्थ्यमन्त्री जाविदं धाउगु दु।
बेलायतय् ओमिक्रोन भाइरस समुदायस्तरय् न्यंगु खुलासा
थिंला तृतीया ११४२, मंसीर २१ मंगलवाः
![](https://www.lahananews.com/sites/default/files/uk_3.jpg)
बेलायतय् कोरोनाया न्हूगु भेरिएन्ट समुदाय स्तरय् न्यनेधुंकुगु खुलासा जूगु दु ।
बेलायती संसदय् सम्बोधन यासें अनया स्वास्थ्यमन्त्री साजिद जाविदं ३ सः व ३६म्ह ओमिक्रोन संक्रमित पुष्टी जुइधुंकुगु जानकारी बिउसें इलय् हे नियन्त्रण याये मफूसा थुकिं ग्यानापूगु अवस्था ब्वलंकिगु धयादील ।
बेलायतय् ओमिक्रोन संक्रमितपिं अन्तर्राष्ट्रिय यात्रालिसे सम्बन्धित मजूगु पुष्टी यासें वयेकलं इङल्याण्डय् २सः व ६१म्ह, स्कटल्याण्डय् ७१म्ह व वेल्सय् ४ म्ह संक्रमित लूगु जानकारी बियादील ।
ओमिक्रोन नियन्त्रणया नितिं बेलायतं रेड लिष्टय् तःगु देय्या प्रतिबन्धयात निरन्तरता बिइगु स्वास्थ्यमन्त्री जाविदं उल्लेख यानादील ।
रुसी राष्ट्रपति पुतिनया धापू
थिंला तृतीया ११४२, मंसीर २१ मंगलवाः
![](https://www.lahananews.com/sites/default/files/putin_0.jpg)
भारतया छन्हूया भ्रमणय् झाम्ह रूसी राष्ट्रपति भ्लादिमिर पुटिनं मस्कों भारतयात छगू महान् शक्ति व बाहाँलाम्ह पासाया रुपपय् थुृइकुगु धयादीगु दु ।
भारत–रूस वार्षिक शिखर सम्मेलनया उलेज्या सत्रय् म्हिगः नुगः खँ प्वंकुसें राष्ट्रपति पुटिनं भारतयात छगू महान् शक्ति व परीचित पासाया रुपय् थुइकाःगु धयादीगु दु ।
म्हिगः हे भारतीय प्रधानमन्त्री नरेन्द्र प्रधानमन्त्री मोदीलिसेया भेटवार्ताया झ्वलय् पुटिनं निगू देय् दथुया स्वापू प्रगाढ जूगु व भविष्ययात थःपिन्सं स्वयाच्वनागु विचाः प्वंकादीगु खः । थगुने भारत व रुस दथुया व्यापार १७गू प्रतिशतं कुहाँवंगु तर २०२१ या न्हापांगु ९ ला दुने निगुलिं देशं ३८गू प्रतिशतं व्यापार अप्वःगु अनुभव जूगु पुटिनया धापू खः ।
रुसी नेताया थुगु भ्रमण भारत व रुसय् जुइगु वार्षिक शिखर सम्मेलनया परम्पराया निरन्तरता खः । अथेहे प्रधानमन्त्री नरेन्द्र मोदीं कोभिड–१९ महामारीया हुनिं ब्वलंगु हाथ्याःया बाबजुद भारत–रुस स्वापू च्वन्ह्याइगुलिइ छुं नं हिउपा मवःगु धयादील ।
निम्ह नेतां अफगानिस्तानया लिपांगु अवस्थाया खँय् नं खँल्हाबल्हा याःगु दु । निगू देय् दथुइ मन्त्रीस्तरीय वार्ता नं जूगु खः । निगू देय् दथुइ २०२१–३१ या नितिं सैन्य प्राविधिक ग्वहालि व्यवस्था अन्तर्गत भारत–रसिया राइफल्स प्रालि मार्फत ६ गू लख थान एके–२०३ राइफल खरिद यायेगु सम्झौता नं जूगु दु ।