टोर्नाडों तच्वकं लिच्वः लाःगु राज्यय् ल्हानाच्वंपिनि मालेज्या व उद्धार
थिंला नवमी ११४२, मंसीर २७ सोमबाः
![](https://www.lahananews.com/sites/default/files/us_4.jpg)
अमेरिकाय् टोर्नाडों तच्वकं लिच्वः लाःगु ६ गू राज्यय् भग्नावशेषय् ल्हानाच्वंपिनि मालेज्या व उद्धारया कुतः जुयाच्वंगु दु ।
शक्तिशाली टोर्नाडों ६गू राज्यय् म्होतिइ ९४म्ह सीगु दु । आपालं सर्वसाधारण अझं वेपत्ता दूगु बीबीसीं न्ह्यथंगु दु । उमिगु जीवितय् उद्धारया संभवाना तसकं म्हो जूसा नं उद्धारकर्मीतयेसं कुतः न्ह्यानाच्वंगु धाःगु दु ।
केन्टकी लिसेंया ६ गू राज्यय् म्होतिइ ३०गू टोर्नाडोया हुनिं तःधंगु मानवीय लिसें भौतिक क्षति जूगु खः । केन्टकीइ म्होतिइ ८०गू लिसें आःतक्क म्होतिइ ९४म्ह सीगु अमेरिकी सञ्चारमाध्यमं न्ह्यथंगु दु ।
टोर्नाडोया हुनिं केन्टकी, अर्कान्सा, इलिनोइ, मिजुरी, मिसिसिपी व टेनिसीइ जनजीवनय् लिच्वः लाःगु दु । सीपिनि ल्याः सच्छि सिवें अप्वः थ्यनिगु ताकं याःगु दु । टोर्नाडों सीमतः उद्योग लिसेंयात ध्वस्त याःगु दु ।
दुंगु भग्नावशेषय् उद्धारकर्मीं तक्यंपिनि मालेज्या जुयाच्वंगु दु । केन्टकीया मेफिल्ड टाउन टोर्नाडोया हुनिं दक्वःलय् अप्वः लिच्वः लाःगु दु । टोर्नाडोया हुनिं सच्छि अप्वः उद्योगय् लिच्वः लाःगु बुखँय् न्ह्यथनातःगु दु ।
टोर्नाडोया हुनिं मत लिसें लःया सेवाय् नं लिच्वः लाःगु दुसा द्वलंद्वः मनूत लः व मतया अभावय् लाःगु दु ।
अमेरिकाय् धाकुफयेलिपा सीपिनि ल्याः ८४म्ह थ्यन
थिंला नवमी ११४२, मंसीर २६ आईतवाः
![](https://www.lahananews.com/sites/default/files/ketaky.jpg)
अमेरिकाय् धाकुफसं सीपिनि ल्याः ८४म्ह थ्यंगु दु । आपाल मनूत तनाच्वंगुलिं म्होतिइ सच्छि सिवें अप्वःसिया ज्यान वने फइगु ताकं याःगु दु ।
धाकु फसं लिच्वः लाःगु ६ गू वटा राज्य मध्ये केन्टुकीइ आपत्कालिन अवस्था लागू याःगु दु । केन्टुकीइ जक धाकु फसय् लाना ७०म्ह सिइधुंकुगु दु । केन्टुकीया आपालं कार्खानाय् कामदारत तक्यंगु ताकं याःगु दु ।
दक्वःलय् अप्वः हताहती धाःसा मेफिल्डया ज्याझ्वलय् जूगु अनया गभर्नर एण्डी बेसियरं जानकारी बियादीगु दु । धाकुफसं सडक व रेलमार्ग क्षत विक्षत दय्कुगु दुसा द्वलंद्वः सवारी साधन क्षतविक्षत जूगु दु ।
गुलिखय् सवारी साधनय् मनूत तक्यंगृु अनुमानय् मालेज्या जुयाच्वंगु दु । आपालं मनूत मत व त्वनेगु लःया सुविधां बञ्चित जूगु दु । इलिनोइस राज्यय् दूगु अमेजनया गोदामघर दुंबलय् आपालं मनूत तक्यंगु दु ।
केन्टुकीलिपा मिसीसिपी, इलिनोइस, अर्कान्सस, मिसुरी व टिनेसी राज्यय् धाकु फयेया लिच्वः लाःगु दु । केन्टुकीइ आपत्कालिन अवस्था लागू यायेगु आदेश जारी याना अमेरिकी राष्ट्रपति जो बाइडेनं धाकु फसं लिच्वः लाःपिं जनताया नितिं संघीय कोषं गुलि फू ग्वहालि चूलाकेगु धयादीगु दु ।
थुगु धाकु फसं अमेरिकी इतिहासय् हे दक्वःलय् ग्यानापूगु जूगु धका बाइडेनं धाकु फसं लिच्वः लाःपिनि नितिं आर्थिक ग्वहालि यायेगु वचं बियादीगु खः । धाकुफसं अमेरिकाया मेगु राज्य् नं विनाश याये फइगु मौसमबिद्तये ख्याच्वः दु ।
दक्षिण अफ्रिकाय् ओमिक्रोन भेरियन्टया सङ्क्रमितपि २२५ प्रतिशतं थहावन
लहनान्युज | थिंला सप्तमी ११४२, मंसीर २४ शुकवाः
![](https://www.lahananews.com/sites/default/files/omu-21_0.jpg)
दक्षिण अफ्रिकाय् कोभिड–१९ या न्हुगु भेरियन्ट ओमिक्रोनं सङ्क्रमित जूपिनिगु ल्याः हलियक हे दकलय् अप्पो खनेदुगु दु।
विश्वय् खनेदुपि सङ्क्रमितमध्ये दक्षिण अफ्रिकाय् जक ४६ प्रतिशत दु धका विश्व स्वास्थ्य सङ्गठन (डब्ल्यूएचओ) न धाउगु दु। दक्षिण अफ्रिकाय् लिपापगु न्ह्यन्हुया दुने ओमिक्रोन भेरियन्टया सङ्क्रमितपि २२५ प्रतिशतं थहावंगु दु।
तर, सङ्क्रमण फैलै जुया वसा गम्भीर बिरामी जूपि धासा ६ प्रतिशत जक खनेदु धका सङ्गठनं धाउगु दु।ओमिक्रोन भेरियन्ट खनेदुगु मध्ये ६ प्रतिशत जक आईसीयूलय् भर्ना जुयाच्वंगु दु।
विश्व स्वास्थ्य सङ्गठनं खोप सल्लाहकार समितिया कथं प्रतिरक्षा प्रणाली कमजोर जूपि ओमिक्रोनया सङ्क्रमण जुगु दु। रोग प्रतिरोधात्मक क्षमता कमजोर जूपिन्त बुस्टर डोज बिइत समितिं सुझाव बिउगु दु।
पाकिस्तानय् छम्हेसित ओमिक्रोन भेरियन्ट पुष्टि जुल
लहनान्युज | थिंला पंचमी ११४२, मंसीर २२ बुधवाः
![](https://www.lahananews.com/sites/default/files/omion.jpg)
पाकिस्तानय् तक न्हुगु कोभिड भेरियन्टया संक्रमितपि पिहावंगु दु। थ्व नाप दक्षिण एसियाय् आःतक न्यागू देशय् ओमिक्रोन भेरियन्ट पुष्टि जुइ धुकुगु दु।
बिहीबाः कराचीइ छम्ह मिसायात ओमिक्रोन भेरियन्ट संक्रमण पुष्टि जुगु दु धका पाकिस्तानया अधिकारीं धाउगु दु। संक्रमित मिसा स्थानीय जुगु व गन विदेश यात्रा वंगु खनेमदु धका उम्ह अधिकारीं धाउगु दु।
आःतक खोप मकानिम्ह उम्ह ६५ दँ दुम्ह मिसायात ओमिक्रोन संक्रमण जुगु खः।संक्रमण खनेदुगु उम्ह मिसा अस्पतालय् भर्ना जुया व आः डिस्चार्ज जुइ धुका छेँ हे आइसोलेशनय् च्वनाच्वंगु दु।
आःयागु खोप हे ओमिक्रोनविरुद्ध ज्यायाइ
लहनान्युज | थिंला पंचमी ११४२, मंसीर २२ बुधवाः
![](https://www.lahananews.com/sites/default/files/_116420732_vaccine__3.jpg)
विश्व स्वास्थ्य संगठनया अधिकारीं आः प्रयोग जुयाच्वंगु कोभिड खोपं ओमिक्रोनविरुद्ध ज्या याइ धका धाउगु दु।
दक्षिण अफ्रिकाय् न्हुगु भेरियन्टबारे याउगु न्हुगु नयाँ ल्याब परीक्षणं ओमिक्रोनया फाइजर खोप छले याये फइगु इलय् विश्व स्वास्थ्य संगठन (डब्ल्यूएचओ)या अधिकारीं लिपागु धारणा वंगु खः।
अनुसन्धानकर्तापिन्स न्हुगु भेरियन्टविरुद्ध खोपया प्रभावकारिता कम जुइ धका धया वयाच्वंगु खः। तर डब्ल्यूएचओया स्वास्थ्य आपतकाल कार्यक्रमया कार्यकारी निर्देशक डा. माइक रायनं ओमिक्रोनको खोप छले याइगु क्षमता मेगु भेरियन्ट स्वया बाला आःतक छ् न संकेत फेला परे मजुनि धका धागु दु।