Display Style:
Column Style
जितः राष्ट्रपति मदेकेत चीनं न्ह्यागुु न यायेफु ट्रम्प
लहनान्युज | बछलाथ्व सप्तमी ११४०, बैसाख १८ बिहिवाः
![](https://www.lahananews.com/sites/default/files/tampa_2.jpg)
अमेरिकी राष्ट्रपति डोनाल्ड ट्रम्पं चीनं थःत राष्ट्रपति मदेकेगु लागि न्ह्याःगु न यायेफु धका धाःगु दु ।
रोयटर्सय् बिःगु अन्तर्वार्ताय् ट्रम्प चीनं थःत निक्वःगु अमेरिकाया राष्ट्रपति जुगुइ स्वये मफुगु खँ धाःगु खः ।
ट्रम्प आः चीनं कोरोना भाइरस (कोभिड(१९) नियन्त्रणया लागि न्ह्याःगु पलाः न छगु प्रमाण खः धका धाःगु खः ।
ट्रम्पं कोरोना भाइरस हलियकं महामारीया लागि लगातार चीनयात आरोप बियाच्वंगु खः ।
अमेरिकाय् आतक थुगु महामारीया कारण ६० द्धः स्वया अप्वो मनू सिइ धुकुगु दु । थुकि याना अर्थतन्त्रय् तसक कुहा वःगुलि बेरोजगारय् ऐतिहासिक रुपं अप्वोगु दु ।
ट्रम्पयात कोरोना भाइरसया महामारीयात गम्भीर रुपं मकागु आरोप बिया वयाच्वंगु दु ।
इलय् हे माःगु पलाः मल्ह्वःगुलि अमेरिकाय् भाइरसं महामारी काःगु धका विशेषज्ञपिन्स धया वयाच्वंगु खः । तर, ट्रम्पं विश्वं थुकियात गम्भीरताया रुप कया चीन सक्रिय जुइ माःगु धका धाःगु खः ।
कोरोना भाइरसया महामारी अन्त्य जुइत अझ ई काइतिनि
लहनान्युज | बछलाथ्व पंचमी ११४०, बैसाख १६ मंगलवाः
![](https://www.lahananews.com/sites/default/files/who_0.jpg)
विश्व स्वास्थ्य संगठन (डब्लुएचओ) नं कोरोना भाइरस (कोभिड–१९) या महामारी अन्त्य जुइगु अझ न ई काइतिनि धका धाःगु दु ।
नियमित प्रेस कन्फ्रेन्सय् डब्लुएचओया प्रमुख टेड्रोस अधानम गेब्रेससं आ थुगु महामारीया कारण सामान्य स्वास्थ्य प्रणालीइ अवरोध सिर्जना जुया च्वंगु धका धयादिगु दु । विशेष याना विश्वय् दकलय् गरिब राष्ट्रया मस्तयेके थुगु असर खनेदुगु धका धयादिगु खः ।
डब्लुएचओवया प्रमुखं छु ई न्ह्यः अफ्रिका, पूर्वी युरोप, ल्याटिन अमेरिका व छु छु एसियाली देशय् महामारी अप्वोया च्वंगुलि उगुलि च्युताः न तयादिगु दु । वयकलं थुगु महामारी अन्त्य याये न्ह्यः तहाकःगु ई काइगु व उकिया लागि यक्को ज्या याये मानि धका धयादिगु दु ।
आ कोरोना भाइरसया महामारीया कारण हलियकं मस्तय्त बिया वयाच्वंगु खोपया न प्रभावित जुइगु डब्लुएचओया प्रमुख टेड्रोसं धयादिगु खः ।
बेलायती प्रधानमन्त्री बोरिस जोन्सन ज्याय् लिहावल
लहनान्युज | बछलाथ्व चौथि ११४०, बैसाख १५ सोमवाः
![](https://www.lahananews.com/sites/default/files/boris_0.jpg)
बेलायती प्रधानमन्त्री बोरिस जोन्सन ज्याय् लिहावःगु दु । कोरोना भाइरस (कोभिड(१९) या संक्रमणया कारण लच्छि लिपा ज्याय् लिहा वःगु दु ।
भाइरस संक्रमणया कारण छवाः तक अस्पतालय् भर्ना जुगु खः । स्वन्हु तक आईसीयूलय् च्वंगु ुखः । वःगु अप्रिल ५ य् प्रधानमन्त्री जोन्सनया स्वास्थ्यय् खराबी खने दुगुलि अस्पतालय् भर्ना जुगु खः ।
बेलायती विदेशमन्त्री डोमिनिक राब न सोमवाः निसे प्रधानमन्त्री थःगु ज्याय् लिहा वयेत्यःगु धका जानकारी बिःगु खः । जोन्सनया अनुपस्थितिइ राबं हे सहायक प्रधानमन्त्रीया भूमिका निर्बाह याना वया च्वंगु खः ।
बेलायतय् आतक कोरोना भाइरसं सिपिनिगु ल्याः २० द्धः स्वपा अप्वो दु सा छगु लाख व ५० द्धः स्वया अप्वो मनूत संक्रमित जुगु खः ।
हलिंन्यंक कोरोनाभाइरस सीपिं ३० लखया न्ह्यःने थ्यंबलय् लंपिं ८ लखत्या पुल
विकाश | बछलाथ्व चतुर्थी ११४०,बैसाख १६ गते
![](https://www.lahananews.com/sites/default/files/coronavirus-world-map.jpg)
हलिंन्यंक कोरोना भाइरस (कोभिड १९) पाखें संक्रमित जूपिनिगु ल्याः २९ लाख ९६ हजार ८ सय ८५ थ्यंगु दु ।
सीपिनिगु ल्याः २ लख ७द्वः व १९५ थ्यंबलय् ८ लाख ७२ हजार ६०७म्ह लनेधुंकूगु दु ।
कोरोना भाइरसं दक्कले आपाः प्रभावित देय् अमेरिकाय् आःतक्क ९ लाख ८७ हजार ३०६म्ह थ्यंगु दुसा ५५ हजार ४८८म्ह सीगु दु । न्युयोर्कय् जक २२ हजार २ सय ७५म्ह सीगु दु ।
अमेरिकाय् थुगु ल्वय् लंपिनिगु ल्याः धाःसा संख्या एक लाख ९ हजार ५०१म्ह दु ।
स्पेनय् २ लख २६द्वः व ६२९म्ह संक्रमित जूगुलिइ छगू लख १७द्वः ७२७म्हेसित लनेधुंकूगु दु । २३द्वः व १९०म्हेसित लंगु दु ।
अथे हे, इटलीइ १ लख ९७द्वः ६७५म्ह संक्रमितमध्ये २६द्वः व ६४४म्ह सीधुंकूगु दु । ६४द्वः व ९२८ लंगु दु ।
ईटालीइ संक्रमण नियन्त्रणय् वयाच्वंगु धासें वइगु मे महिनाया ४ निसें लकडाउन छ्वासुकेगु घोषणा नं यायेधुंकूगु दु ।
फ्रान्सय् १ लख ६३द्वः व ४७३म्ह संक्रमित जूबलय् २२द्वः व ८९० सीगु दु । ४५द्वः व ६८१म्हेसित ल्वय् लंगु दु ।
जर्मनीइ १ लख ५७द्वः व ७७०म्ह संक्रमित जूबलय् ल्वय् लंपिं १ लख १४द्वः व न्यासः थ्यंगु दु । ५द्वः व ९७६ म्ह सीगु दु ।
थुगु भाइरस पिहांवःगु देय् चीनय् ८३द्वः व ९१३म्ह संक्रमित जूबलय् ७८द्वः २७७म्हेसित ल्वय् लनेधुंकूगु दु । सीपिनिगु ल्याः ४द्वः व ६३७ दु । चाइनां वुहानया दक्वं अस्पताल संक्रमित मुक्त जूगु घोषणा यायेधुंकूगु दु ।
हलिमय् न्यंक संक्रमितपिनिगु ल्याः थहां वनाच्वंगु इलय् ल्वय् लंपिनिगु ल्याः नं धमाधम थहां वनाच्वंगु दु । थ्व हे दथुइ गुलिखे देशं संक्रमण नियन्त्रणय् वःगु घोषणा तकं यायेधुंकूगु दु ।
अमेरिकाय् ग्वःफसं ७म्ह सित
लहना न्यूज | ने.सं. ११४० बछलाथ्व पारु (२४ अप्रिल २०२०), शुक्रवाः
![](https://www.lahananews.com/sites/default/files/1587712274ok.jpg)
दक्षिणी ओक्लाहामा, टेक्सस् व लुइजियानाय् वःगु ग्वःफसं म्होतिं नं ७म्ह सीगु दुसा दर्जनौं घाःपाः जूगु दु ।
थुगु लागाय् बुधवाः व विहिवाः तसकं ग्वःफय्, खुसिबाः वःगु विविसीं न्ह्यथंगु दु ।
ओक्लाहामा व टेक्सासय् तसकं ग्यानापुक्क वःगु ग्वःफसय् लानाः न्याम्ह सीगु खः ।
लुइसियानाय् छम्ह ग्वःफसं यानाः सीगु दुसा मेम्ह छम्ह धाःसा खुसिबालं सीगु खः ।
राष्ट्रिय मौसम सेवाकथं स्थानीय ईकथं सनिलया ६ताःइलय् ओनालास्का शहर व टेक्सासया पोल्क व स्यान ज्याकिन्टो शहरया मेमेगु लागाय् तसकं ग्यानापुक्क ग्वःफय् वःगु खः ।
ओनालास्काया स्थानीय सञ्चारमाध्यमकथं अनय् ग्वःफसं स्वम्ह मनूत सीगु खःसा स्वीम्ह स्वयां अप्वः मनूत घाःपाः जूगु खः ।
छेँ, व्यवसाय व मेमेगु पूर्वाधारयात अतिकं खति लाकूगु सञ्चारमाध्यमं न्ह्यथंगु दु ।
अथे हे, सनिलया ४ः३०ताः इलय् वःगु ग्वःफसं दक्षिणी ओक्लाहोमाय् निम्ह सीगु दु । लुइसियानय् मेम्ह छम्ह मिसा नं ग्वःफसं सीगु स्थानीय अधिकारीतसें न्ह्यथंगु दु ।
थुगु महिनाया शुरुइ जक ग्वःफय् व खुसिबाःया हुनिं उगु लागाय् २६म्ह सीधुंकूगु दु ।
थ्वया नापनापं अमेरिकाय् ग्वःफसं यानाः सीपिनिगु ल्याः ७४म्ह थ्यंगु दु ।