Display Style:
Column Style
स्पेनय् कोरोना भाइरसं सिपि २० द्धःथ्यन
लहनान्युज | चौलागा एकादशी ११४०, बैसाख ६ शञ्चवाः
![](https://www.lahananews.com/sites/default/files/sp.jpg)
कोरोना भाइरसं (कोभिड–१९) स्पेनय् सिपिनिगु मनू तयेगु ल्याः २० द्धः स्वया अप्वो थ्यन ।
स्पेनया स्वास्थ्य मन्त्रालयं कोरोना भाइरसया कारण सिपिनिगु ल्याः २० द्धः व ४३ म्ह थ्यःगु दु ।
स्पेनय् लिपागु २४ घण्टाय् न्यासः व ६५ म्ह थ्यःगु दु । वःगु न्हि स्वया छु भचा कम जुगु दु ।
स्पेनमा लिपागु २४ घण्टाय् स्वद्धः व स्वद्धः व खुसः स्वया अप्वो मनूत संक्रमित जुपि लुगु दु । थ्व नाप संक्रमित जुपिनिगु ल्याः छुगु लाख ९१ द्धः व ७२६ म्ह थ्यःगु दु ।
आतक अन ७४ द्धः स्वया अप्वो मनूत वास याका छेँय् लिहा वने धुकुगु दु ।
भारतय् कोरोनाया हुनिं छम्ह प्रहरी अधिकृत मन्त
लहना न्यूज | ने.सं. ११४० चौलागा एकादसि (१८ अप्रिल २०२०), सञ्चरवाः
![](https://www.lahananews.com/sites/default/files/Corona-in-India-1.jpg)
भारतया पञ्जाबय् कोरोना भाइरस (कोभिड–१९)या हुनिं छम्ह प्रहरी अधिकारी सीगु दु । पञ्जाबया लुधियानया एसीपी अनिल कोहलीया कोरोना भाइरसया हुनिं थौं सञ्चरवाः मदुगु खः । वय्कः अपोलो अस्पतालय् भर्ना जुयादीम्ह खः ।
कोहलीयात लुधियानाया हे एसपीएस अस्पतालय् प्लाज्मा थेरापी बीगु तयारी याःगु खः । तर, थुगु प्रकृया शुरु याये न्ह्यः हे कोहली मदुगु खः । पञ्जाबया मुख्यमन्त्री अमरिन्दर सिंहं एसीपी अनिल कोहली मदुगुलिं दुःख प्वंकादिल । सामाजिक सञ्जाल ट्वीटरपाखें वय्कलं छुं दिं न्ह्यः जक एसीपीइ कोरोना भाइरस संक्रमण पुष्टि जूगु धयादीगु खः ।
५२दँ दुम्ह एसीपी कोहली आःतक छुं नं विदेशय् वंगु मदुनि ।
अथे हे, भारतया मेपिं २६म्ह सुरक्षाकःमियात नं कोरोना संक्रमित जूगु दु । भारतीय जलसेनाया २६म्ह सुरक्षाकःमिपिंके कोरोना पोजेटिभ खनेदुगु खः ।
भारतीय सञ्चारमाध्यमया कथं पोजेटिभ खनेदुपिं गुम्ह सैनिक मुम्बइलय् च्वंगु पश्चिम कमाण्डया खः । रिपोर्ट पोजेटिभ वयेवं उमिगु वासः यायेगु ज्या न्ह्याःगु दु ।
जलसेनाय् कोरोना खनेदुगु थ्व न्हापांगु घटना धाःसा मखु । थ्व स्वयां न्ह्यः अमेरिकी नौसेनाया दर्जनौं सैनिकत नं कोरोनाया संक्रमण पुष्टि जूगु खः ।
कोरोनां सीपिनिगु ल्याः १गू लख ५४द्वः स्वयां अप्वः थ्यन
लहना न्यूज | ने.सं. ११४० चौलागा एकादसि (१८ अप्रिल २०२०), सञ्चरवाः
![](https://www.lahananews.com/sites/default/files/corona.jpg)
कोरोना भाइरस (कोभिड–१९)या संक्रमणपाखें थौं सञ्चरवाः सुथय् तक सीपिनिगु ल्याः १गू लख ५४द्वः २०९म्ह थ्यंगु दु ।
जोन होप्किन्स विश्वविद्यालय कोरोना रिसोर्स सेन्टरया कथं थौं सञ्चरवाः सुथय् तक संक्रमित जूपिनिगु ल्याः २२गू लख ४३द्वः ५१२म्ह थ्यंगु दु । अथे हे, कोरोना संक्रमण लिपा लंपिनिगु ल्याः ५गू लख ६९द्वः थ्यंगु दु ।
कोरोना भाइरसया संक्रमणपाखें आःतक अमेरिकाय् दकलय् अप्वः ३७द्वः व ५४म्ह सीगु दु । अमेरिकाय् जक कोरोना संक्रमित जूपिनिगु ल्याः थ्यंमथ्यं ७गू लख थ्यंगु दुसा लंपिनिगु ल्याः ५९द्वः प्यसः व ५२म्ह थ्यंगु दु ।
अमेरिका लिपा दकलय् अप्वः इटालीइ २२द्वः ७४५म्ह मनूत सीगु दु । इटालीइ संक्रमित जूपिनिगु ल्याः १गू लख ७२द्वः अथे हे, ४७द्वः ७२७म्ह मनूत वासः यानाः लंगु दु ।
अथे हे, स्पेनय् २०द्वः २म्ह सीगु दुसा संक्रमित जूपिनिगु ल्याः १गू लख ९०द्वःम्ह थ्यन । स्पेनय् थ्यंमथ्यं ७४द्वः मनूत वासः यानाः लंगु दु ।
थ्व हे झ्वलय् यूरोपेली देय् फ्रान्सय् १८द्वः ७०३म्ह, बेलायतय् १४द्वः ६०७म्ह सीगु दु । अथे हे, बेल्जियमय् ५द्वः १६३म्ह, इरानय् ४द्वः ९४८म्ह, चीनय् ४द्वः ६३६म्ह, नेदरल्याण्डसय् ३द्वः ४७१म्ह, ब्राजिलय् २द्वः १७१म्ह, टर्कीइ द्वःछि ७६९म्ह, क्यानाडाय् द्वःछि ३५६म्ह, स्वीट्जरल्याण्डय् द्वःछि ३२७, स्वीडेनय् द्वःछि व प्यसःम्ह मनूत सीधुंकूगु दु ।
कोरोनाया इपिसेन्टर आः अफ्रिका जुइगु आशंका
लहना न्यूज | ने.सं. ११४० चौलागा एकादसि (१८ अप्रिल २०२०), सञ्चरवाः
![](https://www.lahananews.com/sites/default/files/Africa_corona.png)
इम्पेरियल कलेज लण्डनं म्हिगः शुक्रवाः पितब्यूगु छगू रिपोर्टपाखें थुगुसी कोरोना भाइरसपाखें अफ्रिकाय् ३गू लख स्वयां अप्वः मनूत सीफइगु न्ह्यथंगु दु ।
अफ्रिकाया संयुक्त राज्य आर्थिक आयोगं ब्यूगु प्रतिवेदनकथं भाइरस विरुद्ध छुं नं कथंया हस्तक्षेप मजुइगु खःसा दकलय् बांमलाःगु अवस्थाय् अफ्रिकाय् ३.३गू मिलियन मनूत सीगु व १.२गू बिलियन मनूतय्के संक्रमण खनेदयेफु ।
सामाजिक दूरीयात कडारुपं नालाकाःसां नं अफ्रिकाय् १२२गू मिलियन स्वयां अप्वः मनूतय्के कोरोनाया संक्रमण खनेदयेफूगु रिपोर्टय् न्ह्यथनातःगु दु ।
म्हिगः शुक्रवाःतक अफ्रिकाय् १८द्वः स्वयां अप्वः मनूतय्के भाइरसया संक्रमण पुष्टि जुइधुंकूगु दु । तर विज्ञपिनिगु कथं छुं वालय् हे अफ्रिकाय् थुगु महामारीया बृद्धिदर यूरोपय् स्वयां अप्वः खनेदयेफु ।
अमेरिकाय् कोरोना संक्रमित न्ह्ययेगु लाख स्वया अप्वोल
लहनान्युज | चौलागा एकादशी ११४०, बैसाख ६ शञ्चवाः
![](https://www.lahananews.com/sites/default/files/bu_3.jpg)
अमेरिकाय् कोरोना भाइरस (कोभिड–१९) पाखे संक्रमित जुपि न्ह्ययेगु लाख स्वया अप्वोल ।
जोन्स हप्किन्स युनिभर्सिटीया तथ्यांक कथं अमेरिकाय् आतक न्ह्ययेगु लाख व २८२ म्ह मनूतयेत कोरोना भाइरस संक्रमण जुगु पुष्टि जुगु दु ।
अमेरिकाय् न्युयोर्कय् जक निगु लाख ३० द्धः स्वया अप्वो मनूत संक्रमित जुइ धुकुगु दु ।
अन भाइरसया कारण सिपि १७ द्धः व १३१ म्ह थ्यःगु दु । अथेहे, न्यु जर्सीइ ७८ द्धः स्वया अप्वो
मनूत भाइरसं संक्रमित जुगु दु । थुगु राज्यय् कोरोना भाइरसं सिपि स्वद्धः व ८४० थ्यःगु दु ।
अथेतु, अमेरिकाय् आतक ५८ द्धः व ५८७ म्ह मनूत संक्रमितपि वास याका छेँय् लिहा वने धुकुगु दु ।