Display Style:
Column Style
अमेरिकाय् कोरोना पिं ९० द्धः थ्यन
लहनान्युज | बछलागा द्धादशी ११४०,जेष्ठ ६ मंगलवाः
![](https://www.lahananews.com/sites/default/files/tramp_0.jpg)
अमेरिकाय् कोरोना भाइरस संक्रमणया कारण सीपि ९० थ्यने धुकुगु दु ।
जोन्स हप्किन्स विश्वविद्यालयया तथ्यांक कथं अमेरिकाय् सीपि ९० द्धः व ३०९ म्ह थ्यःगु दु ।
अमेरिकाय् कोरोनापाखे संक्रमित जुपि १५ लाख ६ द्धः ८४० म्ह थ्यःगु दु । अमेरिका कोरोनां हलिमय दकलय् अप्वो प्रभावित जुगु देय् जुगु दु ।
अथेहे अमेरिकी राष्ट्रपति डोनाल्ड ट्रम्पं कोरोना भाइरस संक्रमणपाखे बचे जुइ लागि हाइड्रोक्लोरोक्विन वास नया च्वनागु दु धका धयादिगु खः । थ्व स्वया न्ह्यः ट्रम्पं थुगु वासया खिल्ली उडे याःगु खः ।
वैज्ञानिकपिन्स हाइड्रोक्लोरोक्विनपाखे कोरोनाविरुद्ध बचे जुइत थुगु वास न ग्वाहालि याइ धका थुगु वास भारतं न्याःगु खः ।
दक्षिण सुडानया उपराष्ट्रपतियात न कोरोना संक्रमण
लहनान्युज | बछलागा द्धादशी ११४०,जेष्ठ ६ मंगलवाः
![](https://www.lahananews.com/sites/default/files/Riek-Machar.jpg)
दक्षिण सुडानया उपराष्ट्रपति रिक माशर व वया तिरि मय्जु एजेलिना टेनीयात कोरोना संक्रमण पुष्टि जुुगु दु ।
उपराष्ट्रपति माशरया तिरिमय्जु एजेलिना रक्षामन्त्री खः ।
उपराष्ट्रपति माशरयात १३ मेय् हे कोरोना परीक्षण याःगु खः ।
कोभिड–१९ टास्क फोर्सया छ म्हेसित कोरोना संक्रमण खनेदेवं उपराष्ट्रपति माशरयात परीक्षण यागु इलय् कोरोना पुष्टि जुगु खः ।
माशरया बडीगार्ड व सुरक्षाकर्मीपिन्त न पनि कोरोना संक्रमण खनेदुगु खः ।
जोन्स हप्किन्स विश्वविद्यालयया कथं दक्षिण सुडानय् आतक २९० म्ह कोरोना संक्रमण खनेदुगु दु ।
अन आतक प्यम्ह कोरोना संक्रमणं सी धुकुगु दु ।
भारतय् छन्हु हे न्याद्धः कोराना सक्रमण खनेदत
लहनान्युज | बछलाथ्व दशमी ११४०,जेष्ठ ४ आइतवाः
![](https://www.lahananews.com/sites/default/files/co%20in.jpg)
भारतय् छन्हु हे कोरोना भाइरस (कोभिड(१९) न्याद्धः मनूत संक्रमित जुपि थपे जुगु दु ।
भारतया स्वास्थ्य मन्त्रालयया तथ्यांक कथं वःगु २४ घण्टाया दुने प्यद्धः व ९८७ म्ह न्हुपि संक्रमित खने दुगु दु । थ्व नाप भारतय् कोरोना भाइरसपाखे संक्रमित जुपिनिगु ल्याः ९० द्धः व ९२७ म्ह थ्यःगु दु ।
भारतय् कोरोना भाइरसपाखे सिपिनिगु ल्याः २८७२ म्ह थ्यःगु दु । वःगु २४ घण्टाय् भारतय् सच्छि व २० म्ह थ्यःगु दु ।
भारतया महाराष्ट्र राज्यय् दकलय् अप्वो कोरोना भाइरस संक्रमित जुपिनिगु ल्याः ३० द्धः व न्ह्यसः थ्यःगु दु । महाराष्ट्रय् आतक ११३५ म्ह कोरोना भाइरसया कारण सीगु दु ।
अथहे, गुजरात १०९८८ म्ह संक्रमित जुगु दुसा सीपिनिगु ल्याः ६२५ थ्यःगु दु । मध्यप्रदेशय् संक्रमित जुपि ४७८९ थ्यःगु दु । अन सीपिनिगु ल्याः २४३ म्ह थ्यःग दुु ।
आतक भारतय् ३४ द्धःव १०९म्ह मनूत संक्रमितपि वास याका छेँय् लिहा वने धुकुगु दु ।
कोरानां हलियकं ३ लाख स्वया अप्वो मनू सित
लहनान्युज | बछलाथ्व नवमी ११४०,जेष्ठ ३ शनिवाः
![](https://www.lahananews.com/sites/default/files/cc1.jpg)
कोरोना भाइरस संक्रमणया कारण हलियकं ३ लाख ७ द्धः ४८६ म्ह सिइ धुकुगु दु । जोन्स हप्किन्स विश्वविद्यालयया कथं आतक ४५ लाख ३८द्धः व ४०६ म्ह संक्रमित जुगु दु ।
दकलय् अप्वो अमेरिकाय् १४ लाख ४२ द्धः व ८१९ म्ह संक्रमित जुगु दु । अथेहे ८७ द्धः व ५३० म्ह मनूत सिइगु दु ।
अथेहे, रसियाय् २ लाख ६२ द्धः व ८४३ म्ह संक्रमित जुगु दु । नाप, निद्ध व ४१८ म्ह सिइगु दु ।
बेलायतय् २ लाख ३८ द्धः संक्रमित जुगु दु सा सिपिनिगु ल्याः ३४ द्धः ७८ म्ह थ्यःगु दु । स्पेनय् निगु लाख ३० द्धः १८३ म्ह मनूत संक्रमित जुगु दु । अन सिपि २७ द्ध व ४५९ थ्यःगु दु ।
अथेहे, इटलीइ संक्रमित जुपि २ लाख २३ द्धः सिपि ३१ द्धः व ६१०, ब्राजिलय् २ लाख १८ द्ध व २२३ म्ह संक्रमित व सिपि १४ द्धः ८१७ सिइगु दु ।
नाप फ्रान्सय् १ लाख ७९ द्ध ६३० म्ह संक्रमित जुगु दु सा २७ द्ध ५३२ सिइगु दु ।
फ्रान्सय् कोरोना भाइरसं सिपि २६ द्धः स्वया अप्वोल
लहनान्युज | बछलागा षष्ठी ११४०, बैसाख ३१ बुधवाः
![](https://www.lahananews.com/sites/default/files/bba_0.jpg)
फ्रान्सय् कोरोना भाइरसं सिपिनिगु ल्याः २६ द्धः व ९९४ म्ह थ्यःगु दु ।
उकि मध्ये १७ द्धः व स्वम्ह अस्पतालय् सिइगु दु ।
फ्रान्सय् कोरोना संक्रमित जुपि छगु लाख ७८ द्धः ३४९ थ्यःगु दु ।
वःगु २४ घण्टाया दुने फ्रान्सय् ३४८ म्ह कोरोना संक्रमणं सिइगु दु ।
फ्रान्सय् स्वया सिपि अमेरिका, बेलायतमा व इटालीइ जुुगु दु ।