Display Style:
Column Style
डा शाक्यं इजरायली सरकारपाखे उत्कृष्ट राजदूतया सम्मान
नृपेन्द्रलाल श्रेष्ठ | तछलाथ्व द्धितीया ११४०,जेठ ११ आइतवाः
![](https://www.lahananews.com/sites/default/files/anjan_0.jpg)
इजरायलया लागि नेपाली राजदूत डा. अञ्जान शाक्य ‘द एम्बेसडर क्लब अफ इजरायल’ पाखे सम्मानित जुयादिगु दु । ‘द एम्बेसडर क्लब अफ इजरायल’ पाखे इजरायलया ७२ क्वःगु स्वतन्त्रता दिवसया लसताय् जुगु ज्याझ्पलय् डाक्टर शाक्ययात ‘एम्बेसडर अफ द इयर २०१९–२०२०’ सम्मानया घोषणा याःगु खः ।
९० गु देशया दुतावास दुगु इजरायलय् राजदूत डाक्टर शाक्ययात उगु सम्मानपाखे सम्मानित जुयादिगु खः । उगु सम्मानया लागि ९० गु देशया राजदूतपिन्स वयकःया पक्षय् मत तयादिगु खः ।
उगु सम्मानपाखे सम्मानित जुयादिम्ह एसियाली देशयाम्ह हे न्हापाम्ह राजदूत जुयादिगु दु । आतक यूरोप व अमेरिकी देशपिन्स जक उगु सम्मान कया वयाच्वंगु खः । उगु सम्मान घोषणा जुइ धुका राजदूत शाक्यं ‘थ्व सम्मानयात नेपाल व नेपाली प्रतिया सम्मानया रुपमा कयादिगु दु, ‘थुग सम्मानं नेपाल व नेपाली याःगु छ्य धःस्वागु दु धका न धयादिगु दु ।’
![](https://www.lahananews.com/sites/default/files/pictures/anj.jpg)
राजदूत शाक्यं थःत थुुगु सम्मानपाखे सम्मानित जुइत ग्वाहालि यानादिपि ९० गु देशया राजदूत, इजरायली सरकार, इजरायली जनता व नेपाःमिपिन्त सुभाय् देछानादिगु दु । नाप ‘थुगु सम्मानं थःत थप जिम्मेवार दयेकुगु द धका न धयादिस, ‘जिगु योग्यता व क्षमतां भ्याय जुगुतले नेपाल–इजरायल सम्बन्ध अझ बालाका यंकेगु जइ धका धयादिगु दु ।’
डा. शाक्यं राजदूत पद बहाली लिपा इजरायल व नेपाल दथुइ प्रविधि, कृषि, शिक्षा, स्वास्थ्य लगायतय् ग्वाहालि याकेगु लागि उल्लेख्य भूमिका म्हितादिगु खः । अथेहे छु दि न्ह्य डा. शाक्यया पहलय् नेपाल इजरायल चेम्वर अफ कमर्श व इजरायल चेम्बर अफ कमर्श दथुइ व्यापार व्यवसाय आदान–प्रदान यागु सम्बन्धी सम्झौता ज्ुगु खः । उगु सम्झौताय् व्यापार, लगानी, उद्योग, कृषि, पर्यटन, प्रविधि, यातायात, पूर्वाधार विकास, उर्जा थे ज्याःगु क्षेत्रय् व्यापार व्यवसाय यायेगु सम्झौता जुग खः ।
भारतय् कोरोना संक्रमितपि १ लाख स्वया अप्वोल
लहनान्युज | बछलागा आमै ११४०,जेष्ठ ९ शुक्रवाः
![](https://www.lahananews.com/sites/default/files/in1.jpg)
भारतय् कोरोना भाइरस (कोभिड–१९) पाखे संक्रमित जुपिनिगु ल्याः १ लाख १८ हजार स्वया अप्वो जुइ धुकुगु दु ।
भारतया स्वास्थ्य मन्त्रालयया कथं, भारतय् छगु लाख १८ हजार ४४७ म्हेसित कोरोना भाइरसया संक्रमण पुष्टि जुगु दु । वःगु २४ घण्टाया दुने भारतय् कोरोना भाइरसं ६०८८ म्हेसित संक्रमित खनेदुगु दु ।
अथेहे, भारतय् कोरोना भाइरसं सीपिनिगु ल्याः ३५८३ म्ह थ्यःगु दु । वःगु २४ घण्टाया दुने भारतय् कोरोना भइरसं १४८ म्ह सीइगु दु ।
भारतय् दकलय् दकलय् प्रभावित महाराष्ट्र राज्यय् आतक कोरोना भाइरसं संक्रमित जुपिनिगु ल्याः ४१ द्धः ६४२ म्ह थ्यःगु दु । अन द्धःछि व ४५४ म्ह कोरोना भाइरसया कारण सीगु दु ।
अथेहे, तमिलनाडुइ १३९६७ म्ह कोरोना भाइरसया संक्रमण खनेदुुगु दुसा सीपि ९४ म्ह थ्यःगु दु । गुजरातय् १२९०५ म्ह संक्रमित व ७७३ म्ह सीगु दु । मध्य प्रदेशय् ५९८१ संक्रमित जुगु
दुसा २७० म्ह सीगु दु ।
भारतय् आतक ४८ द्धः व ५३४ संक्रमितपि वासयाका छेँय् लिहा वने धुकुगु दु ।
भारतय् ४५ द्धः कोरोना संक्रमित वासयाका छेँ लिहावन
लहनान्युज | बछलागा चःह्रे ११४०,जेष्ठ ८ बिहिवाः
![](https://www.lahananews.com/sites/default/files/AMI_1.jpg)
भारतय् कोरोना भाइरसया ४५ द्धः स्वया अप्वो संक्रमित वासयाका छेँय् लिहावःगु दु ।
अन १ लाख १२ द्धः ३५९ संक्रमितपि मध्ये ४५ द्धः व स्वसः वासयाका छेँय् लिहावःगु दु धका भारतया स्वास्थ्य मन्त्रालयं धाःगु दु ।
वःगु २४ घण्टाय् जक अन ५५०९ म्ह न्हुपि कोरोना संक्रमित थपे जुगु दु ।
भारतय् आतक कोरोना भाइरसं सीपिनिगु ल्याः स्वद्धः व ४३५ म्ह थ्यःगु दु । वःगु २४ घण्टाय् भारतय् १३२ म्ह कोरोना भाइरसया कारण सीइगु दु ।
भारतय् कोरोनां सीपिं स्वसः न अप्वल
लहनान्युज | बछलागा त्रयोदशी ११४०,जेष्ठ ७ बुधवाः
![](https://www.lahananews.com/sites/default/files/bba_1.jpg)
भारतय् कोरोना भाइरस (कोभिड(१९) पाखे सीपिनिगु ल्याः स्वद्धः व स्वसः थ्यःगु दु । भारतया स्वास्थ्य मन्त्रालयया कथं वःगु २४ घण्टाय् जक भारतय् १४० म्ह कोरोना भाइरसया कारण सीगु दु ।
अथेहे भारतय् कोरोना भाइरस संक्रमित जुपि छगु लाख व खुद्धः व ७५० म्हेसित संक्रमण खनेदुगु दु । वःगु २४ घण्टाया दुने भारतय् न्याद्धः व ६११ म्हेसित संक्रमित खने दुगु दु ।
भारतया दकलय् अप्वो प्रभावित राज्य महाराष्ट्रय् कोरोना भाइरस संक्रमित जुपि ३७ द्धः व १३६ म्ह थ्यःगु दु । अथेहे, महाराष्ट्रय् १३२५म्ह कोरोना भाइरसया कारण सीइ धुकुगु दु । तमिलनाडुइ १२ द्धः ४४८ म्ह कोरोना भाइरसया संक्रमण खने दुगु दुसा ८४ म्ह सीइ गु ।
आतक भारतय् ४२ द्धः व २९८ म्ह न्हुपि संक्रमितपि वास याका छ्वये धुकुगु दु ।
जिपि रणनीतिक नेतृत्व याना वनेगु जुइ प्रमुख डा. टेड्रोस
लहनान्युज | बछलागा त्रयोदशी ११४०,जेष्ठ ७ बुधवाः
![](https://www.lahananews.com/sites/default/files/who_1.jpg)
विश्व स्वास्थ्य संगठन (डब्ल्यूएचओ)या प्रमुख डा. टेड्रोस अधानम गेब्रेयेसुसं युरोपेली युनियनया प्रस्तावयात लसकुस याःगु दु । कोरोना महामारीया विषयय् हलियकं प्वका च्वंगु प्रतिक्रियाया समीक्षा यायेगु धका धाःगु दु । उगु प्रस्तावय् कोरोना भाइरसयात कया विश्व स्वास्थ्य संगठनया भूमिकाया जक मखु युरोपेली युनियनया न समीक्षा यायेगु धका धयादिगु दु ।
विश्व स्वास्थ्य सम्मेलनय् समापन समारोहय् न्ववानादिसे टेड्रोसं, ‘कोरोना भाइरसविरुद्ध हलियकं वःगु न्ह्यसःया लिसःबिइत जिमिसं रणनीतिक नेतृत्व याना वनेगु जुइ धका धयादिगु दु ।
कोरोना महामारीपाखे बचे जुइगु लागि विश्व स्वास्थ्य संगठनं ल्ह्वःगु पलाः यात कया संगठनया प्रमुख टेड्रोसया आलोचना जुया च्वंगु दु । अमेरिकी राष्ट्रपति डोनाल्ड ट्रम्पं संयुक्त राष्ट्रसंघ थुगु
संस्थायात चीनया कठपुतली तक धयादिगु खः ।
राष्ट्रपति ट्रम्पं डब्ल्यूएचओ प्रमुखयात ‘ठोस सुधार’या लागि स्वीन्हुया म्याद तक बिःगु खः । सामाजिक सञ्जाल ट्विटरय् डब्ल्यूएचओ प्रमुखयात पौ छ्वया ट्रम्पं स्वीन्हुया दुने कोरोना भाइरस नियन्त्रणया लागि माःगु ज्या मयासा अमेरिकां बिया वयाच्वंगु ग्वाहालि बन्द यायेगु चेतावनी बियादिगु खः ।
चीनं धाःसा ट्रम्पया थज्यागु धापू न अमेरिकां कोरोना भाइरस नियन्त्रणय यायेगु गल्ती सूचुकेगु उद्देश्य याःगु टिप्पणी जक जुगु धका धाःगु दु । २०१९ या डिसेम्बर लिपाःगु वाःपाखे चीनं सुरु जुगु कोरोना भाइरस थौं हलियकं प्रभावित जुया वयाच्वंगु दु । थौंकन्ह्य कोरोना भाइरसया प्रभावित जुगु देय् अमेरिका दकलय् न्हापा जुयाच्वंगु दु ।