Display Style:
Column Style
रुसय् कोरोना संक्रमित जुपि २ स्वया अप्वोल
लहनान्युज | बछलागा षष्ठी ११४०, बैसाख ३१ बुधवाः
रुसय् कोरोना संक्रमित जुपि २ लाख ३२ द्धः स्वया अप्वो जुगु दु ।
थ्व नाप रुस कोरोनां दकलय् अप्वो प्रभावित जुगु देशया धलय् स्वगु थासय् थ्यःगु दु । न्हापागु थासय् अमेरिका जुया च्वंगु दु ।
लगातार झीन्हुया दिन रुसय् न्हुपि संक्रमित १० द्धः अप्वोगु दु । वःगु २४ घण्टाय् १० द्धः व ८९९ न्हुपि संक्रमित जुगु दु ।
थ्व नाप रुसय् संक्रमित जुपि २ लाख ३२ द्धः व २४३ म्ह थ्यःगु दु ।
अथेहे रुसय् आतक २ द्धः व ११६ म्ह सिइ धुकुगु दु ।
पाकिस्तानया नागरिकपिन्त यकेत पीआईए जहाज येँ
लहनान्युज | बछलागा पंचमी ११४०, बैसाख ३० मंगलवाः
नेपालय् च्वनाच्वपि पाकिस्तानया नागरिकयात यंकिगु लागि पाकिस्तान इन्टनेश्नल एअरलाइन्स पीआईए जहाज येँ थ्यकः वःगु दु ।
पाकिस्तान सरकारं नेपालय् च्वना च्वपि नागरिकपिन्त यंकिगु लागि कराँचीं उगु जहाज छ्वया हःगु खः ।
कराँची वनिगु लागि ३० म्ह यात्रुपि उगु जहाज वने त्यःगु खः ।
कोरोनाया जोखिमया कारण थीथी देशं नेपालं नागरिकपिन्त उद्दार याना वयाच्वंगु दु ।
सार्क देशयापि श्रीलंका, माल्दिभ्स, भुटान न थ्व स्वया न्ह्यः हे थःगु देशं थःपिनिगु नागरिकपिन्त स्वदेश यंक्य धुकुगु दु ।
अमेरिकाय् १४ लाख कोरोना सङ्क्रमित व सिपि ८१ द्धः थ्यन
लहनान्युज | बछलागा पंचमी ११४०, बैसाख ३० मंगलवाः
कोरोना सङ्क्रमणया कारण अमेरिकाय् सिइपिनिगु ल्याः ८१ द्धः थ्यने धुकुुगु दु ।
अथेहे, अमेरिकाय् सङ्क्रमित जुपिनिगु ल्याः १४ लाख थ्यने धुकुगु दु ।
अमेरिकाय् आतक १३ लाख ८५ द्धः व ३५९ म्ह मनूत सङ्क्रमण जुइ धुकुगु दु ।
सिपिनिगु ल्याः ८१ द्धः व ७६९ म्ह मनू सिइ धुकुगु दु । अमेरिकाय् सङ्क्रमित जुपिनिगु ल्याः निगु लाख ६० द्धः व ६३८ म्ह वासः याका छेँय् लिहा वने धुकुगु दु ।
अमेरिकाया न्यूयोर्कय् जक ३ लाख ४७ द्धः व १५१ म्ह सङ्क्रमित जुगु दु ।
अथेहे २७ द्धः स्वया अप्वो मनूत सिइ धुकुगु दु ।
न्यूजर्सीइ जक छगु लाख ४१ द्धः व १३७ म्ह सङ्क्रमित जुगु दु सा ९ द्धः व ३४१ म्ह सिइ धुकुगु दु ।
रुस कोरोनापाखे प्रभावित जुगु स्वगुगु देय् जुगु दु
लहनान्युज | बछलागा चतुर्थी ११४०, बेसाख २९ सोमवाः
रुस हलियकं महामारीया रूप काःगु कोरोना भाइरस (कोभिड–१९) पाखे स्वगुगु थासय् लाःगु देय् जुगु दु ।
थ्व स्वया न्ह्यः अमेरिका, स्पेन, बेलायत व इटलीइ यक्को कोरोना संक्रमित जुगु देय् या धलखय् लाना च्वंगु खः ।
वःगु छु इलय् रुसय् कोरोनाया महामारी रूप काःगु दु । वया लिपा बेलायत व इटली प्यःगु व न्याःगुगु थासय् दु । रुस स्वःगुगु थासय् थ्यःगु खः ।
रुसया स्वास्थ्य मन्त्रालयया कथं कोरोना भाइरस (कोभिड–१९) पाखे संक्रमित जुपिनिगु ल्याः २ लाख २१ द्धः व ३३३४ थ्यःगु दु । वःगु २४ घण्टाय् जक ११ द्धः व ६५६ म्हसित संक्रमित जुगु दु ।
कोरोनां सिपिनिगु ल्याः नीद्धः व गुम्ह थ्यःगु दु । वःगु २४ घण्टाय् ९८ म्ह मनूत सिइगु दु ।
हलियकं कोरोनां सिपिनिगु ल्याः २ लाख ८२ द्धः थ्यन
लहनान्युज | बछलागा चतुर्थी ११४०, बेसाख २९ सोमवाः
हलियकं कोरोना भाइरसया कारण सिपिनिगु ल्याः २ लाख ८२ द्धः स्वया अप्वो जुइ धुकुगु दु ।
अथेहे संक्रमित जुपिनिगु ल्याः ४१ लाख स्वया अप्वो जुइ धुकुगु दु ।
कोरोनाया कारण प्रभावित अमेरिकाय् जक १३ लाख २९ द्धः व २२५ म्ह मनूत कोरोना संक्रमण पुष्टि जुगु दु धका अमेरिकाया जोन्स हप्किन्स विश्वविद्यालय जानकारी बिःगु दु ।
उगु विश्वविद्यालयं वःगु तथ्यांक कथं अमेरिकाय् ७९ द्धः व ५२६ म्हसित कोरोना संक्रमण सिइगु दु ।
स्पेनय् २ लाख २४ द्धः व ३५० म्ह संक्रमित जुगु दुसा २६ द्धः ६२१ म्ह मनूत सिइगु दु ।
