बिश्व स्वास्थ्य संगठन डब्ल्युएचओं कोरानोया न्हूगु भेरिएन्ट ओमिक्रोनया संक्रमण हलिंन्यंक याकनं हे न्यनीगु चेतावनी ब्यूगु दु ।

थुकिं गम्भीर लिच्वः वयेफुगु धासें डब्ल्युएचओं बिश्व जगतयात महामारी न्यंकेमबीत ठोस पलाः न्ह्याकेत नं धाःगु दु । डब्ल्युएचओ प्रमुख डा. टेड्रोस गेब्रेयससं गरीब राष्ट्रय् खोप उपलब्ध याकेत तःमि राष्ट्रयात इनाप यानादीगु दु ।

हलिंन्यंकया बैज्ञानिकतय्सं न्हूगु संस्करण, उच्च प्रसारण व पुनः संक्रमणया जोखिम व खोपया बारे अध्ययन अनुसन्धान न्ह्याकेधुनागु धासें वय्कलं अफ्रिकी देय्तय्सं महामारी न्यंकेमबीत न्ह्याकूगु पलाःया प्रशंसा यानादिल ।

वंगु वालय् दक्षिण अफ्रिकी देशय् खनेदुगु ओमिक्रोनया हुनिं हलिंया कयौं देशं उगु देय्या नागरिकयात यात्रा प्रतिबन्ध तयेधुंकूगु दु ।

विश्व स्वास्थ्य संगठन (डब्ल्यूएचओ) न न्हुगु कोरोना भेरियन्ट हलियकं फैलै जुइ फुगु संभावना दु धका धाउगु दु।

अथेहे दक्को सदस्य राष्ट्रपिन्स माःगु तयारीया लागि अपिल याउगु दु। डब्ल्यूएचओ न ओमिक्रोन भेरियन्ट हलियकं फैलै जुइगु सम्भावना दु व थुकिया लागि तयारी अवस्थामा च्वनेत १९४ सदस्य राष्ट्रयात इनाप याउगु दु।

जोखिमय् दुगु समूहपिन्त खोप बिइगु ज्या न्ह्याकेत न डब्ल्यूएचओ न धाउगु दु। सोमबाः न्हुगु भेरियन्टबारे प्राविधिक ब्रिफिङ यासे डब्ल्यूएचओ न  धाउगु दु, ‘ओमिक्रोन भेरियन्टपाखे उत्पन्न जुइ फुउगु विश्वव्यापी जोखिम यक्को दुगु मूल्यांकन याउगु दु।’

अथेहे, ओमिक्रोन नाप दक्को कोरोना भेरियन्टय् निगरानी अप्वोकेगु व याकन हे खोपया ज्या न्ह्याकेत न डब्ल्यूएचओ न इनाप याउगु दु। शुरुइ दक्षिण अफ्रिकाय् पहिचान जुगुे ओमिक्रोन आःतक ११ गु देशय् फैलै जुइ धुकुगु दु।

न्हुगु भेरियन्ट पत्ता लगे जुइवं जापान व इजरायलं दक्को विदेशी यात्रुपिन्त दुहावयेगुलि रोक लगे याउगु दु।

दक्षिण अफ्रिाकाया राष्ट्रपति सिरिल रामाफोसां थःगु देय् बिरुद्ध तःगु यात्रा प्रतिबन्धया कुँख्यनादीगु दु ।

दक्षिण अफ्रिाका लिसेंया मेगु ६ गू अफ्रिकी देशय् कोरोनाया न्हूगु भेरिएन्ट लुइधुंका हलिंया आपालं देशं यात्रा प्रतिबन्ध तयेधुंका असन्तुष्ट जुयादीम्ह राष्ट्रपति रामाफोसां थःगु देय् व नागरिकयात अन्याय जूगु प्रतिक्रिया बियादीगु दु ।

छगू समारोहस न्ववासें वयेकलं थी थी देयया थुगु निर्णयलं थःपिन्त निराश याःगु धका थःपिनि नागरिकया नुगः क्वन्ह्याकेगु ज्या जक जूगु धयादीगु खः । लिसें वयेकलं यात्रा प्रतिबन्धया छुं नं वैज्ञानिक लिधंसा मदूगु धका दक्षिण अफ्रिकी देय्त अनुचित यःमयःया शिकार जूगु धयादील ।

निवा न्ह्यः दक्षिण अफ्रिकाया दक्वःलय् अप्वः जनघनत्व दूगु गौतेङ प्रान्तय् न्हूगु भेरिएन्ट लुइधुंका बिश्व स्वास्थ्य संगठन डब्ल्युएचओं बिश्व जगतयात सचेत याकुगु खः ।

थ्वहे दथुइ डब्ल्युएचआें यात्रा प्रतिबन्ध तःगु देय्यात बैज्ञानिक दृष्टिकोणं निर्णय कायेत छ्याता बियादीगु दु । आः अमेरिका, बेलायत, युरोपियन युनिएन, नेपाल, भारत लिसेंया देय्तयेसं दक्षिण अफ्रिकी देय्या यात्रुतयेत प्रतिबन्ध तयेधुंकुगु दु ।

दक्षिण अफ्रिकां नेदरल्याण्ड्स लिहाँवःपिं ६१म्ह कोरोना संक्रमित यात्रु मध्ये १३ म्हसिके न्हूगु भेरिएन्ट ओमिक्रोन पुष्टी जूगु दु ।

दक्षिण अफ्रिकाया जोहानेशबर्गं नेदरल्याण्ड्सया एम्स्टर्डम थ्यंगृु निगः विमानय् सवार ६१म्ह यात्रुयाके कोरोना पोजिटिभ लूगुलिइ १३म्हसिके न्हूगु भेरिएन्ट पुष्टी जूगु खः ।

न्हूगु भेरिएन्ट लुइधुंका नेदरल्याण्ड्सय् थप कडाई यायेगु तयारी जूगु दु । थ्वहे दथुइ नेदरल्याण्ड्सया स्वास्थ्यमन्त्री ह्युगो द जोङं थ्वयान्ह्यः छवाया ई दुने दक्षिण अफ्रिकी देशं नेदरल्याण्ड्स लिहाँवःपिं यात्रुतयेत नं कोरोना परिक्षण यायेत निर्देशन बिउगु दु ।

अफ्रिकी देशय् खनेदूगु ओमिक्रोन बेलायत, जर्मनी, इटली व अष्ट्रेलियामा नं खनेदयेधुंकुगु दु ।

छु दिं न्ह्य जक दक्षिण अफ्रिकाय् पत्ता लगे जुगु कोभिड–१९ या न्हुगु भेरियन्ट ओमिक्रोनया संक्रमित युरोपय् थीथी थासय् पिहावंगु दु।

बेलायत, जर्मनी व इटलीइ ओमिक्रोनया न्हुपि संक्रमितपि पिहावंगु दु। शनिबाः बेलायतय् निम्हेसित न्हुगु भेरियन्ट खनेदुगु दु। दक्षिण अफ्रिकां लिहावंपि निम्हेसित ओमिक्रोन खनेदुगु दु धका बेलायतया स्वास्थ्यमन्त्री साजिद जाभिदं धाउगु दु।

अथेहे, जर्मनय् नोभेम्बर २४ य् दक्षिण अफ्रिकापाखे वंपि निम्हेसित ओमिक्रोन भेरियन्ट पुष्टि जुगु धका म्युनिखस्थित माइक्रोबायोलोजी केन्द्र म्याक भोन पेटेनकोभरं धाउगु दु। इटलीइ न मोजाम्बिकपाखे लिहावंम्ह छम्हेसित ओमिक्रोन भेरियन्ट संक्रमित जुगु व निम्ह मचा नाप मेपि न्याम्हेसित कोरोना संक्रमण पुष्टि जुगु दु।

तर कोभिड–१९ या मेमेगु भेरियन्ट स्वया ओमिक्रोन थप खतरनाक वा गम्भीर दु वा मदु धइगु पुष्टि जुइ ल्यःदनि।