चीनं ताइवान न्ह्यःने निगः मिसाइल प्रक्षेपणयात
लहनान्युज | गुंलाथ्व सप्तमी ११४२, साउन १९ बिहीवाः
![](https://www.lahananews.com/sites/default/files/chiana%3Dtai.jpg)
ताइवान न्ह्यःने सैन्य अभ्यास चीनं याउगु दु। अन निगः मिसाइल प्रक्षेपण याउगु दु।
समाचार एजेन्सी रोयटर्सया कथं निगः चिनियाँ मिसाइल चीनं घोषणा याना ड्रिल जोनपाखे प्रक्षेपण याउगु दु। ड्रिल जोन ताइवानया उत्तरपूर्वी तटपाखे भचा तापाक्क प्रहार याउगु खः।
थुकिया विस्तृत विवरण वये ल्यः दनि। थुगु चिनियाँ गतिविधियात न्ह्यने स्वया च्वनागु दु धका ताइवानं धाउगु दु्। ताइवानया रक्षा मन्त्रालयं विज्ञप्ति जारी यासे थःपि युद्ध चाहे मजु धका धाउगु दु।
अमेरिकी सभामुख न्यान्सी पेलोसी ताइवान भ्रमणं लिहावनेवं चीनं ताइवानया सिमाना जःखः सैन्य अभियान सुरु याउगु दु। थ्व अभ्यास हलियकं छु व्यस्त जलमार्ग न जुइ धका बीबीसीं धाउगु दु।
उगु भ्रमणं चीन–अमेरिका व चीन–ताइवान दथुइ विवाद अप्पोगु दु।
अष्ट्रेलियाय् छम्ह सांसदं एलिजाबेथ द्वितीययात ‘उपनिवेशवादी’ धायेवं हंगमा
राम डंगोल | गुंलाथ्व सप्तमी ११४२, साउन १९ बिहीवाः
![](https://www.lahananews.com/sites/default/files/astriliya.jpg)
अष्ट्रेलियाय् छम्ह आदिवासी सांसदं शपथ ग्रहण याउगु इलय् बेलायतया महारानी एलिजाबेथ द्वितीययात ‘उपनिवेशवादी’ धका धायेवं हाकन दोहरे याना शपथ कायेमाःगु दु।
सिनेटर लिडिया थोर्प न शपथ ग्रहणया व्यहोराय् थः यःथे शब्द थपे याना महारानी एलिजाबेथ द्वितीययात ‘उपनिवेशवादी’ धाउगु खः।
शपथ कायेगु झ्वलय् वयकलं धाउगु दु,‘जि सम्प्रभु लिडिया थोर्प पूरा निष्ठा व इमान्दारीया साथ शपथ काये कि जि बफादार जुया महारानी एलिजाबेथ द्वितीयया उपनिवेशप्रति सच्चा निष्ठा तये।’
अमेरिकाया केन्टकीइ खुँसि बहाःवया ३७ म्हेसिगु ज्यान वन
गुंलाथ्व पंचमी ११४२, साउन १७ मंगलवाः
![](https://www.lahananews.com/sites/default/files/usa_13.jpg)
अमेरिकाया पूर्वी राज्य केन्टकीइ तसकं वाः वयेवं खुँसि बहाः वया ३७ म्हेसिगु ज्यान वंगु दु।
सीपि खुम्ह मस्त जुगु दु धका बीबीसीं धाउगु दु। खुँसि बहाः वया सच्छि स्वया अप्पो मनूत बेपत्ता जुगु दु सा उमित मालाच्वंगु दु धका धका धाउगु दु।
यक्को हे छेँ डुबानय् लाउगु दु। अन १२ हजार स्वया अप्पो छेँय् मत मच्याउगु दु। सतक, ताँ व मेमेगु पूर्वाधारय् जुगु क्षतिया मर्मत यायेगु ज्या जुयाच्वंगु दु।
भारतय् मङ्कीपक्स भाइरसं छम्हेसिगु ज्यान वन
लहनान्युज | गुंलाथ्व पंचमी ११४२, साउन १७ मंगलवाः
![](https://www.lahananews.com/sites/default/files/manki-fus.jpg)
भारतया दक्षिणी राज्य केरलाय् मङ्कीपक्स भाइरसं छम्हेसिगु ज्यान वंगु दु। वंगु शनिवाः मदुम्ह उम्ह मनूयात मङ्कीपक्स सङक्रमण पुष्टि जुगु खः।
संयुक्त अरब इमिरेट्स (यूएई) पाखे केरला वंम्ह २२ दँ दुम्ह उम्ह मनूयात शनिवाः मदुगु खःसा नमुना परीक्षणय् याउगुलि मङ्कीपक्स भाइरस खनेदुगु धका केरलाया स्वास्थ्यमन्त्री वीणा जर्ज न पुष्टि जुगु दु धका भारतीय सञ्चारमाध्यमं धाउगु दु। मङ्कीपक्स पुष्टि जुइवं मदुगुलि मेपि २० म्हेसित निगरानीइ तःगु दु।
हलिमय् थीथी देशय् मङ्कीपक्स भाइरस फैलै जुइवं विश्व स्वास्थ्य सङ्गठन डब्ल्यूएचओ न थ्व स्वया न्ह्यः हे स्वास्थ्य सङ्कटया रूपं घोषणा याये धुकुगु दु।
अमेरिकाया न्युयोर्कय् स्वास्थ्य सङ्कटया घोषणा
लहनान्युज | गुंलाथ्व चतुर्थी ११४२, साउन १६ सोमवाः
![](https://www.lahananews.com/sites/default/files/manki-pans_0.jpg)
अमेरिकाया न्युयोर्कय् मङ्कीपक्सयो प्रकोप फैलै जइवं सार्वजनिक स्वास्थ्य सङ्कटया घोषणा याउगु दु।
न्युयोर्क सहरया मेयर एरिक एडम्स व सहरया स्वास्थ्य आयुक्त आश्विन भासनं मंकाः कथं छगु विज्ञप्ति पिकया न्युयोर्कय् आःतक १ हजार ३ सय ८३ म्हेसित मङ्कीपक्स सङ्क्रमण पुष्टि जुइ धकुगु दु धका धाउगु दु।
न्युयोर्क सहरय् थुगु प्रकोपं केन्द्र जुगु व मङ्कीपक्सया जोखिम अप्पोगुलि सार्वजनिक स्वास्थ्य सङ्कटया घोषणा यानागु दु धका विज्ञप्तिइ धाउगु दु। विश्व स्वास्थ्य सङ्गठनं वंगु जुलाई २३ तारिखय् हे मङ्कीपक्स अन्तर्राष्ट्रिय च्यूताया विषय जुगु धासे सार्वजनिक स्वास्थ्य सङ्कटया रूपय् घोषणा याउगु दु।
अथेहे, भारतय् न मङ्कीपक्सया जोखिम अप्पोया वयेव थुकिया निगरानी व रोकथामया लागि टास्क फोर्स गठन याये धुकुगु दु। भारतय् आःतक प्यम्हेसित मङ्कीपक्सया सङ्क्रमणया पुष्टि जुइ धुकुगु दु।