द्रौपदी मुर्मू भारतय् राष्ट्रपति निर्वाचित
लहनान्युज | दिल्लागा नवमी ११४२, साउन ६ शुक्रवाः
![](https://www.lahananews.com/sites/default/files/murmu.jpg)
द्रौपदी मुर्मू भारतया न्हुम्ह राष्ट्रपति निर्वाचित जुगु दु।
विपक्षी दलया उम्मेदवार यशवन्त सिन्हायात पराजित यासे एनडीएकी मुर्मू राष्ट्रपति निर्वाचित जुगु खः।
भारतया राष्ट्रपति ल्ययेगु निति इलेक्ट्रोरल कलेजय् १० लाख ८६ हजार ४३१ मत जुइ। सु न उम्मेदवार त्यायेग निति ५ लाख ४३ हजार १२६ मत माः।
स्वगुगु राउण्डय् मुर्मू न ५ लाख ७७ हजार मत थ्यकूगु खःसा वयकःया प्रतिस्पर्धी सिन्हा पराजित जगु स्वीकार यासे मुर्मूयात भिंतुना देछाउगु खः।
झारखण्डया पूर्व राज्यपाल तक जुयादीम्ह मुर्मू न्हापाम्ह आदिवासी व निम्हम्ह मिसाम्ह राष्ट्रपति जुगु दु। वयकलं २५ जुलाई कुन्हु राष्ट्रपतिया शपथ कयादी।
भारतय् राष्ट्रपति निर्वाचनया मतगणना सुरु
लहनान्युज | दिल्लागा अष्टमी ११४२, साउन ५ बिहीवाः
![](https://www.lahananews.com/sites/default/files/mur-yes.jpg)
भारतया १५ क्वःगु राष्ट्रपतिया लागि जुगु निर्वाचनया मतगणना सुरु जुगु दु।
बिहीबाः सुथय् ११ बजेनिसे संसद् भवनया ६३ नम्बर कोठाय् मतगणना न्ह्यागु खः। मतगणना क्वचायेवं लिच्वः सार्वजनिक याइ धका द इकोनोमिक टाइम्सं धाउगु दु। थ्व हे जुलाई १८ य् सुथय् १० निसे ५ बजेतक शान्तिपूर्ण रूपं मतदान सम्पन्न जुगु खः।
सत्तारूढ गठबन्धन एनडीएपाखे द्रौपदी मुर्मु व विपक्षी दल त्रिणामुुल कांग्रेसपाखे यशवंत सिन्हा प्रतिस्पर्धा याउगु खः। भारतीय सञ्चारमाध्यमया कथं मुर्मु विजयी जुइगु यक्को सम्भावना दु धका धाउगु दु।
मुर्मु निर्वाचित जुल धासा भारतय् आःतक दकलय् न्हापा शीर्ष संवैधानिक पदय् थ्यनिम्ह न्हापाम्ह आदिवासी मिसा जुइ।
भारतय् राष्ट्रपति निर्वाचनया मतगणना सुरु
लहनान्युज | दिल्लागा अष्टमी ११४२, साउन ५ बिहीवाः
![](https://www.lahananews.com/sites/default/files/mur-yes.jpg)
भारतया १५ क्वःगु राष्ट्रपतिया लागि जुगु निर्वाचनया मतगणना सुरु जुगु दु।
बिहीबाः सुथय् ११ बजेनिसे संसद् भवनया ६३ नम्बर कोठाय् मतगणना न्ह्यागु खः। मतगणना क्वचायेवं लिच्वः सार्वजनिक याइ धका द इकोनोमिक टाइम्सं धाउगु दु। थ्व हे जुलाई १८ य् सुथय् १० निसे ५ बजेतक शान्तिपूर्ण रूपं मतदान सम्पन्न जुगु खः।
सत्तारूढ गठबन्धन एनडीएपाखे द्रौपदी मुर्मु व विपक्षी दल त्रिणामुुल कांग्रेसपाखे यशवंत सिन्हा प्रतिस्पर्धा याउगु खः। भारतीय सञ्चारमाध्यमया कथं मुर्मु विजयी जुइगु यक्को सम्भावना दु धका धाउगु दु।
मुर्मु निर्वाचित जुल धासा भारतय् आःतक दकलय् न्हापा शीर्ष संवैधानिक पदय् थ्यनिम्ह न्हापाम्ह आदिवासी मिसा जुइ।
श्रीलंकाय् थौं राष्ट्रपति पदय् निर्वाचन
लहनान्युज | दिल्लागा सप्तमी ११४२, साउन ४ बुधवाः
![](https://www.lahananews.com/sites/default/files/shri-rqanil.jpg)
श्रीलंकाय् थौं राष्ट्रपति पदय् निर्वाचन जुइत्यःगु दु।
थ्व स्वया न्ह्यःयाम्ह राष्ट्रपति गोटाबाया राजापाक्षं राजीनामा बिइवं न्हुम्ह राष्ट्रपति ल्ययेत्यःगु खः। आर्थिक संकट वयेवं आन्दोलन तःच्वःगुलि राष्ट्रपति गोटाबाया देश त्वःता बिस्यु वःगु खः।
आः अन्तरिम राष्ट्रपति जुम्ह रनिल विक्रमसिंघे हे न्हुम्ह राष्ट्रपति जुइगु सम्भावना दु धका अनया समाचार एजेन्सीपिन्स धाउगु दु। संसदय् राष्ट्रपति पदया निर्वाचन न्ह्यः हे श्रीलंकाय् आपतकाल घोषणा याउगु खः।
थ्व स्वया न्ह्यः राष्ट्रपति पदया मेम्ह दाबेदार विपक्षी नेता सजिथ प्रेमादासां मंगलबाः राष्ट्रपति ल्यज्याय् थः मदु धका धाये धुकुगु खः।
श्रीलंकाय् न्हुम्ह राष्ट्रपतिया लागि मनोनयन दर्ता जुइगु
लहनान्युज | दिल्लागा षष्ठी ११४२, साउन ३ मंगलवाः
![](https://www.lahananews.com/sites/default/files/sri-lanka.jpg)
श्रीलंकाय् न्हुम्ह राष्ट्रपतिया लागि मनोनयन दर्ता जुइ त्यंगु दु।
राष्ट्रपति गोटाबाया राजापाक्षं राजीनामा बिउगुलि न्हुम्ह राष्ट्रपति ल्ययेत्यःगु खः। न्हुम्ह राष्ट्रपतिया लागि कन्ह्यः बुधबाः सांसदपिन्स मतदान याइगु जुगु दु।
आर्थिक संकटया विरोधय् प्रदर्शन उग्र जुइवं राष्ट्रपति गोटाबाया त्वःता बिस्यू वंगु खः। न्हुम्ह राष्ट्रपतिया रुपय् कार्यवाहक राष्ट्रपति रनिल विक्रमसिंघेया नां न्ह्यने वयाच्वंगु दु।
राजापाक्षे परिवारनाप न्ह्यने दुम्ह वयकःयात सत्ताधारी श्रीलंका पिपुल्स फ्रन्टया समर्थन दु। अथेहे श्रीलंकाया मुख्य विपक्षी दलया नेता सजिथ प्रेमदासा धाःसा राष्ट्रपति पदया दाबीयाना च्वंम्ह खःसा थःगु नां लितकाइ धका धाउगु दु।
छु दिं न्ह्यः जक वयकलं राष्ट्रपतिया दाबी यासे समाचार सार्वजनिक याउगु खः।