उत्तर प्रदेशया पूर्व मुख्यमन्त्री मुलायम सिंह यादव मन्त
लहनान्युज | कौलागा पारु ११४२, असोज २४ सोमवाः
![](https://www.lahananews.com/sites/default/files/mulayam_0.jpg)
भारत उत्तर प्रदेशया पूर्व मुख्यमन्त्री नाप समाजवादी पार्टीया संस्थापक मुलायम सिंह यादव मन्त। समाजवादी पार्टी न ट्वीट यासे थःपिनिगु संस्थापक नेता ८२ दँय् मदुगु धका पुष्टि याःगु दु।
वयकः वःगु छवाःनिसे हरियाणाया गुरुग्रामय् च्वंगु मेदान्त अस्पतालय् उपचार यानावयाच्वंगु खः । उपचारया झ्वलय् मदुगु खः।
सन् १९८९ य् न्हापागु पटक उत्तर प्रदेशया मुख्यमन्त्री जूयादीम्ह वयकः स्वकःतक प्रदेशया नेतृत्व यानादी धुकुगु खः। संघीय सरकारय् रक्षामन्त्रीतक जुयादी धुकुगु खः।
डब्ल्यूएचओया सुझाव भारतया मेडन फर्मास्युटिकल्स कम्पनी सेँखःया वासः मछ्यलेत
लहनान्युज | कौलाथ्व एकादशी ११४२, असोज २० बिहीवाः
![](https://www.lahananews.com/sites/default/files/saw.jpg)
विश्व स्वास्थ्य संगठन (डब्ल्यूएचओ) न भारतया मेडन फर्मास्युटिकल्स कम्पनीं उत्पादन याःगु मचापिनिगु सेँखंया वासः प्रयोग मयायेत सुझाव बिःगु दु।
गाम्बियाय् सेँखंया वासलं ६६ म्ह सीउगु घटनां उगु वासः हे मुख्य कारण जुइफु धासे डब्ल्यूएचओ न उगु सुझाव बिःगु खः। बुधबाः मिडिया ब्रिफिङया झ्वलय् डब्ल्यूएचओया प्रमुखं भारतया मेडन फर्मास्युटिकल्स कम्पनीया प्यंगू प्रकारका कफ व कोल्ड सिरप उत्पादन याःगु खः। उगु वासलं गाम्बियाय् मस्तं सीउगु खः।
बुधबाःया मिडिया ब्रिफिङय् धाःगु दु, ‘डब्ल्यूएचओ न थौं गाम्बियाय् लूगु प्यंगु वासःयात कया उगु चेतावनी जारी याःगु खः, उगु जलास्येँ गम्भीर असर व ६६ म्ह मस्त सीगु नाप सम्बन्धित खः । थुगु मृत्यु तसकं दुःखदायी खः ।’ डब्ल्यूएचओ न धाःगु दु, ‘थुगु प्यंगु वासः कफ व कोल्ड सिरप खः, थुगु वासः भारतया मेडन फर्मास्युटिकल्स लिमिटेडं दयकिइ। डब्ल्यूएचओ न थुकिया जाँच यानाच्वंगु दु। थुगु दूषित उत्पादन आःतक गाम्बियाय् जक लुगु दु।
तर मेमेगु देशय् न वितरण जूगु दइ।’ डब्ल्यूएचओ न दक्को देशं मेडन फर्मास्युटिकल्स कम्पनीया उगु वासः प्रयोग मयायेत व जाँच यायेत सुझाव बिःगु दु। डब्ल्यूएचओया कथं डाइथिलिन ग्लाइकोल व एथिलिन ग्लोइकोलय् जक मिले जूगु मदु।
पपुवा न्यु गिनीइ ७ दशमलव ६ रेक्टर स्केलया भुखाय् ब्बल
लहनान्युज | यंलागा पारु ११४२, भाद्र २६ आईतवाः
![](https://www.lahananews.com/sites/default/files/papuwa.jpg)
पपुवा न्यु गिनीइ थौं सुथय् ७ दशमलव ६ रेक्टर स्केलया भुखाय् ब्बःगु दु।
उगु भुखाचं केनान्तु सहर नाप अमेरिकी भूगर्भ सर्वेक्षण विभाग (यूएसजीएस) न धाःगु दु।
प्रशान्त टापुया देश पपुवा न्युद्धिगनीइ तधःगु भुखाय् ब्बःगुलि अन सुनामी वइगु खतरा मदु धका धाःगु दु।
एलिजाबेथ द्वितीय मन्त
लहनान्युज | यंलाथ्व चतुर्दशी ११४२, भाद्र २४ बिहीवाः
![](https://www.lahananews.com/sites/default/files/alija.jpg)
बेलायतया लानि एलिजाबेथ द्वितीय मन्त। वयकः थौं ९६ दँय् मदुगु खः।
वयकलं बेलायतय् ७० दँ तक शासन यानादीगु खः। बकिङ्घम प्यालेसं लानि एजिलाबेथ द्वितीय मदुगु पुष्टि याये धुकुगु दु।
आः वयकः ७३ दँयाम्ह काय् चार्ल्स बेलायतय् न्हुम्ह जुजु जुइ। वयकःया वास्तविक नां एलिजाबेथ एलेक्सान्ड्रा मेरी विन्डसर खः ।
एलिजाबेथ १९५२ य् बेलायतय् लानि जुयादीगु खः।
जापानय् छन्हुया दुने २ लाख स्वया अप्पो कोरोना सक्रमित
लहनान्युज | गुंलागा अष्टमी ११४२, भाद्र ३ शुक्रवाः
![](https://www.lahananews.com/sites/default/files/japa.jpg)
जापानय् छन्हुया दुने २ लाख ५५ हजार ५ सय ४२ म्हेसित कोभिड –१९ या सङ्क्रमण खनेदुगु धका जापानया स्वास्थ्य मन्त्रालयं जानकारी बिःगु दु।
४ लाख ८२ हजार २२७ म्हेसित परिक्षण याःगुलि उलि संक्रमित जूगु दु धका धाःगु दु। थ्व धइगु आःतक हे दकलय् अप्पो सक्रमित जुगु खः।
थ्व स्वया न्ह्यः छन्हुया दुने २ लाख ५० हजार ४ सय ३ म्हेसित सङ्क्रमण पुष्टि जूगु खः। अथेहे वंगु २४ घन्टाय् जापानय् २ लाख ४४ हजार २४१ म्ह संक्रमणमुक्त जुगु दु।