अमेरिकाय् छगु दशक छम्हेसित पोलियो पुष्टि
लहनान्युज | दिल्लागा दशमी ११४२, साउन ७ शनिवाः
![](https://www.lahananews.com/sites/default/files/poliyo.jpg)
अमेरिकाय् छगु दशक लिपा न्हापागु पटक पोलियोया बिरामी पुष्टि जुगु दु। न्युयोर्कया स्वास्थ्य विभागं रकल्यान्ड काउन्टीइ च्वम्ह छम्ह मनूयात परीक्षण लिपा पुष्टि जुगु खः।
रोग नियन्त्रण तथा रोकथाम केन्द्रया कथं अमेरिकां सन् २०१३ य् लिपागु पटक पोलियोया बिरामी लुगु खः। म्हुतू बिइगु पोलियो खोप (ओपीभी) काम्ह मनूपाखे लिपागु सङ्क्रमण सर जुगु खनेदुगु धका स्वास्थ्य अधिकारीं धाउगु दु।
तर, सन् २००० य् संयुक्त राज्य अमेरिकाय् पोलियोया लागि म्हुतू बिइगु खोप बन्द याउगु खः। न्युयोर्कया स्वास्थ्य विभागं खोप मकापिन्त पोलियो खोपया मात्रा कायेत इनाप याउगु दु। पोलियोयात उन्मूलन यायेगु हलियकंकतः जुयावया च्वंगु दु।
पोलियो घातक भाइरल रोग माने यानातःगु दु। सन् १९८८ य् १ सय २५ गु देशय् पोलियो फैलै जुइ धुकुगु दु । अमेरिकाय् सन् १९६० दशक लिपा खोप विकास जुइ धुका पोलियो न्यूनीकरण जुगु खः।
रुसं कब्जा यानातःगु थाय् लितः मबिउतले युद्धविराम जुइ मखु– युक्रेन राष्ट्रपति जेलेन्स्कीं
लहनान्युज | दिल्लागा दशमी ११४२, साउन ७ शनिवाः
![](https://www.lahananews.com/sites/default/files/ukeran.jpg)
युक्रेनया राष्ट्रपति भ्लोदोमिर जेलेन्स्कीं रुसं कब्जा यानातःगु थाय् लितः मबिउतले युद्धविराम जुइ मखु धका धाउगु दु।
द वाल स्ट्रीट जर्नलनाप खँल्हायेगु झ्वलय् युक्रेनी राष्ट्रपति जेलेन्स्कीं रुसं कब्जा यानातःगु थाय् लितः मबिउतले युद्धविराम यायेगु इलय् रुसयात अपूइ मखु धका धाउगु खः।
युद्धविरामया फाइदा कया रुसं युद्धया थप तयारी याइगु व हाकनं आक्रमण याइगु जुगुलि भलसा दुगु सम्झौताविना युद्धविराम याये मज्यु धका जेलेन्स्कीं धाउगु खः।
थीथी त्वहः तया रुसं तत्कालीन सोभियत संघय् आबद्ध राज्ययात थःगु नियन्त्रणय् कायेगु कुतः यानाच्वंगु धासे युक्रेनी राष्ट्रपति जेलेन्स्कीं रुसयात हलियकं दवाब व प्रतिबन्ध मतःतले हलियकं रुसया गतिविधि खतरनाक जुयावनि धका दाबी यानदीगु खः।
रुस व युक्रेन दथुइ अन्न निर्यात यायेगु सम्झौताय् हस्ताक्षर
लहनान्युज | दिल्लागा दशमी ११४२, साउन ७ शनिवाः
![](https://www.lahananews.com/sites/default/files/rus%3Dukran.jpg)
रुस व युक्रेन दथुइ अन्न निर्यात खुले यायेगु बारे महत्त्वपूर्ण सम्झौताय् हस्ताक्षर जुगु दु।
टर्कीया इस्तानुबल जुगु वार्ता लिपा निगु पक्ष खाद्यान्न निर्यात खुले यायेगु सहमत जुगु खः। युद्ध यानाच्वपि रुस व युक्रेनं सम्झौताय् हस्ताक्षर याउगु इलय् छगु हे टेबलय् धासा मच्वं।
सम्झौताय् न्हापां रुसया रक्षामन्त्री सर्गेई सोयुगु न हस्ताक्षर याउगु खःसा वया लिपा मेगु टेबलय् युक्रेनया पूर्वाधारमन्त्री ओलेक्सान्दर कुब्राकोभं हस्ताक्षर याउगु धका बीबीसीं धाउगु दु।
सम्झौता कथं आः युक्रेनी बन्दरगाहय् रोके जुयाच्वंगु हजारौँ टन खाद्यान्न कृष्ण सागर जुया विश्व बजारय् निर्यात याइ। थ्व सम्झौता १ सय २० दिं तक लागू जुइ। वंगु फेब्रुअरी २४ निसे रुसं युक्रेनय् आक्रमण याउगु खः।
आक्रमण याउगु खुल्ला लिपा सम्झौता जुगु खः।
दिनेश गुणावर्धने श्रीलंकाय् न्हुम्ह प्रधानमन्त्री
लहनान्युज | दिल्लागा नवमी ११४२, साउन ६ शुक्रवाः
![](https://www.lahananews.com/sites/default/files/gunabardhanay.jpg)
श्रीलंकाय् प्रधानमन्त्रीइ दिनेश गुणावर्धने नियुक्त जुगु दु।
गुणावर्धन न थौं पद व गोपनियताया शपथ ग्रहण याइगु जुगु दु। खुक्वःतक प्रधानमन्त्री जुइ धुकुम्ह रनिल विक्रमसिंघे राष्ट्रपति जुइ धुका गुणावर्धने प्रधानमन्त्री जुगु खः।
७३ दँ दुम्ह गुणावर्धने थ्व स्वया न्ह्यः विदेशमन्त्री, शिक्षामन्त्री व गृहमन्त्री जुइ धुकुगु दु। वंगु अप्रिलये तत्कालीन राष्ट्रपति गोटाबाया राजापाक्षे न गुणावर्धनेयात गृहमन्त्रीइ नियुक्त याउगु खः।
अमेरिकी राष्ट्रपति बाइडन कोरोना संक्रमित
लहनान्युज | दिल्लागा नवमी ११४२, साउन ६ शुक्रवाः
![](https://www.lahananews.com/sites/default/files/waiden_3.jpg)
अमेरिकी राष्ट्रपति जो बाइडन कोरोना भाइरस संक्रमित जुगु दु।
ह्वाइट हाउसया प्रवक्तां थुकिया पुष्टि याउगु दु। थकाइ महसुस, मुसु वइगु व सेँखं चायेवं बिहीबाः परीक्षण याउगुलि वयकःयात कोरोना संक्रमण पुष्टि जुगु दु धका बीबीसीं धाउगु दु।
ह्वाइट हाउसया कथं राष्ट्रपति बाइडन कोरोना संक्रमित जुगुलि आइसोलेसनय् च्वना ज्या यानाच्वंगु दु। नाप वयकलं एन्टीभाइरल वासः कयाच्वंगु दु।
राष्ट्रपति बाइडनया चिकित्सक डा. केभिन कोनोरं ट्वीट याना राष्ट्रपति बाइडन कोरोना संक्रमित जुगु दु धका धाउगु खः।
अमेरिकी राष्ट्रपति बाइडनं कोरोनाविरुद्ध खोप पूरा मात्र काये धुकुगु खःसा निगुगु बुस्टर डोज तक काये धुकुगु खः।