फेसबुक व इन्स्टाग्राम सञ्चालन याइगु प्रविधि कम्पनी मेटां अमेरिकी पूर्व राष्ट्रपति डोनाल्ड ट्रम्पया निलम्बन फुकुवा यायेगु घोषणा याःगु दु ।

थ्व नाप घोषणानाप ट्रम्प फेसबुक व इन्स्टाग्रामय् लिहावये खनिइगु जुगु दु। मेटाया कथं सन् निदँ न्ह्यः याःगुे निलम्बन आः वइगु वाः दुने क्वचाइगु जुगु दु ।

सन् २०२१ य् अमेरिकी संसद् भवन क्यापिटलय् दङ्गा जुइगुलि ट्रम्पयात फेसबुक व इन्स्टाग्रामय् अनिश्चितकालया लागि निलम्बन याःगु खः।

ट्रम्पया सामाजिक सञ्जाल खाताया समीक्षा यासे आः सार्वजनिक सुरक्षाय् गम्भीर जोखिम मजुगु धका क्लेगयात क्यसे बीबीसीं धाःगु दु।

तर ट्रम्पं वंगु दिं थे गल्ती यात धाःसा थप कारबाही यायेगु जुइ धका धाःगु दु।

सासः ल्ह्यायेगु समस्याया बिरामीपि अप्पो जुइवं उत्तर कोरियाया राजधानी प्योङ्याङय् लकडाउन याःगु दु।

उत्तर कोरियां वइगु आइतवाः तक लागू जुइगु कथं राजधानी सहरय् लकडाउनया आदेश जारी यागु दु। प्योङ्याङय् च्वपि छेँ दुने च्वनेत व न्हि न्हि म्हया तापक्रम जाँच यायेत न आदेश बिउगु दु धका उत्तर कोरियाली सरकारयात क्यसे एनके न्युजं धाःगु दु।

बिरामीपिके कोरोना भाइरसनाप मिले जुगु लक्षण खनेदुगु सा कोरोना मखुगु सेँय्खं चाइगु व सासः ल्हायेगु समस्याया कथं खः धका उल्लेख याःगु दु।

उत्तर कोरियां वःगु अगस्टय् जक कोरोना महामारीपाखे मुक्त जुगु घोषणा याःगु खः।

भारतय् थौं ७४ क्वःगु गणतन्त्र दिवस हंगु दु। दिवसया लसताय् परेडया लागि दिल्लीइ सुरक्षा व्यवस्थाय् कडा याःगु दु।

दिवसया लसताय् इजिप्टया राष्ट्रपति अब्देल फतह अल सीसी मूपाहाँ कथं ब्बतिइ काःगु दु धका भारतीय सञ्चारमाध्यमं धाःगु दु।

भारतं हरेक दँया जनवरी २६ तारिखय् गणतन्त्र दिवस हनावयाच्वंगु खः। सन् १९५० य् थौंया दिं गणतन्त्रात्मक देश घोषणा याःगु खः।

बेलायतया साम्राज्यपाखे स्वतन्त्र जूया सार्वभौमअधिकार सम्पन्न भारतीय सरकारं न्हुुगु संविधान जारी यागु दिं देयन्यक व थःगु दूतावास दुगु देशय् न थुगु दिवस हनिइगु याना वयाच्वंगु खः।

भारत सन् १९४७ या अगस्ट १५ तारिखय् स्वतन्त्र जूगु खः। न्हापागु गणतन्त्र परेड सन् १९५५ य् राजपथय् जुगु खः।

फिनल्यान्डया विदेशमन्त्री पेक्का हाभिस्टां उत्तर एटलान्टिक सन्धि संगठन (नेटो)य् दथ्यायेगु बारे फिनल्यान्ड व स्विडेनं टर्कीनाप  वार्ता दिकेमाःगु धका बःबिउगु दु।

लिपागु इलय् स्विडनय् मुस्लिमपिन्स पवित्र धामिक ग्रन्थ कुरान च्याकेगु शृङ्खलाबद्ध रूपं विवादास्पद प्रदर्शन याना वया च्वंगुलि टर्कीया राष्ट्रपति रिसेप तायिप एर्दोगान आक्रोशित जुयाच्वंगु दु।

टर्की नेटोय् न्हापानिसे दुजः जुगुलि फिनल्यान्ड व स्विडेनयात नेटो दुहावयेगु लागि आवेदन दिके फइ। हाभिस्टां विरोध प्रदर्शन स्पष्ट रूपमा वार्ताया लागि सिर्जना याये फइ धका धाःगु दु।

टर्की धाःगु दु, “स्विडेनी सरकारया डानिस फार–राइट स्ट्राम कुर्स (कट्टरपन्थी) पार्टीया राजनीतिज्ञ रास्मस पालुदानयात सार्वजनिक थासय् कुरान च्याकेगु मदिकेगु ज्या अस्वीकार्य दु।“ थीथी विषययात कया टर्की व फिनल्यान्ड नाप स्विडेन दथुइ वार्ता दिनाच्वंगु दु ।

बेलायतया पूर्वप्रधानमन्त्री बोरिस जोनसन युक्रेनया राजधानी किभया थीथी थासय् भ्रमण याःगु दु ।

आइतबाः जोनसनं सहरया पिन् भ्रमण याःगु खः। वयकःयात किभय् युक्रेनया राष्ट्रपति भ्लादिमिर जेलेन्स्की व मन्त्रीपिन्स लसकुस याःगु खः।

कन्जरभेटिभ पार्टीया सांसद तक जुयादीम्ह पूर्वप्रधानमन्त्री जोनसनं राष्ट्रपति जेलेन्स्कीया ब्बनाय् युक्रेनया भ्रमण याये खःगु थःगु सौभाग्य खः धका धयादीगु खः।

बेलायतय् थःगु व्यक्तिगत खर्चया विषय चचा जुयाच्वंगु इलय् जोनसनया थुगु अघोषित भ्रमणया न्ह्यसः वया च्वंगु दु धका बिबिसीं धाःगु दु।

बीबीसीया अध्यक्ष रिचर्ड सार्पं जोनसनयात प्रधानमन्त्री जुगु इलय् ऋण ग्यारेन्टी यायेगु ग्वाहालि जुइगु दाबी याःगु दु। जोन्सन सरकार हे शार्पयात बीबीसीया अध्यक्षये नियुक्त याःगु खः।