अमेरिकाया क्यालिफोर्नियाय् डान्स क्लबय् गोलीं झीम्ह घाःपाः
लहनान्युज | सिल्लाथ्व द्धितीया ११४३, माघ ९ सोमवाः
![](https://www.lahananews.com/sites/default/files/Untitled-1_34.jpg)
अमेरिकाया क्यालिफोर्नियाय् छम्ह बन्दुकधारीं झीम्हेसित स्यानाबिःगु दु।
क्यालिफोर्नियाया लस एन्जलस सहरया छगु डान्स क्लबय् उम्ह मनूखं चलेयाःगु गोलीं झीम्ह मनू सीउगु धका अनया अधिकारी धाःगु दु।
उगु घटनाय् न्याम्ह मिसा व न्याम्ह मिजंपि सीउगु खः। घटनाय् अथे मेपि झीम्ह घाःपाः जुगु दु। उकि मध्ये छु भचा अवस्था गम्भीर जुगु दु।
उगु घटनाय् याम्ह ७२ दँया हुउ क्यान ट्रान खः।
न्यूजील्यान्डया प्रधानमन्त्री जसिन्डा आर्डर्न पद त्वःतिइगु
लहनान्युज | पोहेलागा द्धादशी ११४३, माघ ५ बिहीवाः
![](https://www.lahananews.com/sites/default/files/nejiland.jpg)
जसिन्डा आर्डर्नं छु दिं लिपा न्यूजील्यान्डया प्रधानमन्त्री पद त्वःतिइगु जुगु दु। वंगु खुदँ ‘चुनौतीपूर्ण’ पदय् च्वने धुका आः प्यदँतक योगदान यायेत विशेष छु न ल्यःमदुगु वयकःया बिचाः दु।
वयकलं वइगु दिं न चुनाव ल्वायेमखु धका धाःगु दु। आर्डर्नं फेब्रुअरी ७ तक लेबर पार्टीया नेतां राजीनामा बिइगु धका समाचार संस्था एपीं धाःगु दु। आर्डर्नं राजीनामा बिइ धुका भावी दलया नेताय् चुनाव जुइगु दु ।
सन् २०१७ य् प्रधानमन्त्री पद कःघाःगु इलय् ३७ दँ जक दुगु खः। आर्डर्नं उगु इलय् हलियकं दकलय् क्वकालिया मिसाम्ह राज्य प्रमुख जुगु खः।
आर्डर्नया कार्यकालय् कोरोना महामारी, क्राइस्टचर्च मस्जिदय् गोली हानाहान थे जाःगु चुनौतीया सामना यायेमाःगु खः।
चीनजुया लिहावःपि यात्रुपिन्त कडायात
लहनान्युज | पोहेलाथ्व एकादशी ११४३, पुस १८ सोमवाः
![](https://www.lahananews.com/sites/default/files/co-news_0.jpg)
चीन जुया लिहावःपि यात्रुपिन्त मोरक्कों प्रतिबन्ध तःगु दु। वइगु जनवरी ३ निसे मोरक्कोय् चीन जूया वइपि यात्रीपिन्त प्रवेशय् प्रतिबन्ध तःगु खः।
अष्ट्रेलिया व क्यानडा न चीनपाखे वःपि यात्रुपिन्त कडा याःगु दु । अष्ट्रेलिया व क्यानडा दुहावःपिन्स आः चीन व हङकङ जुया वःपि यात्रुपिन्स ४८ घौं दुनेया रिपोर्ट कोरोना नेगेटिभ जुइमाःगु याःगु दु।
क्यानडां पब्लिक हेल्थ एजेन्सी (पिएचएसी) या कथं चीन व हङकङपाखे वइपि यात्रुपिन्स कोरोनाया नेगेटिभ रिपोर्ट अनिवाय याःगु दु ।
भारतीय प्रधानमन्त्री नरेन्द्र मोदीया मां मन्त
लहनान्युज | पोहेलाथ्व अष्टमी ११४३, पुस १४ बिहीवाः
![](https://www.lahananews.com/sites/default/files/modi_3.jpg)
भारतीय प्रधानमन्त्री नरेन्द्र मोदीया मां मन्त। मोदीया मां हिराबेन १०० दँय् थौं शुक्रबाः सुथय् ३ः३० बजे मदुगु खः।
स्वास्थ्यय् समस्या वयेवं हिराबेनयात अहमदाबादया यूएन मेहता अस्पतालय् भर्ना याःगु खः। प्रधानमन्त्री मोदीं थौं सुथय् सामाजिक सञ्जालपाखे थः मां मदुगु धका पुष्टि याःगु दु।
मोदीं ट्वीट यासे धाःगु दु, ‘शानदार शताब्दीया ईश्वरया चरणय् बिराम‘ । मां जिं न्ह्यावलय् त्रिमूर्तिया अनुभूति यानागु दु, उकिइ छम्ह तपस्वीया यात्रा, निष्काम कर्मयोगीया प्रतीक व मूल्यप्रति प्रतिबद्ध जीवन समाहित दु ।
भारतय् न खनेदत कोरोनाया न्हुगु भेरियन्ट
लहनान्युज | थिंलागा चर्तुदशी ११४३, पुस ७ बिहीवा.
![](https://www.lahananews.com/sites/default/files/co-news.jpg)
चीनय् खनेदुगु कोरोना संक्रमणया न्हुगु भेरियन्ट भारतय् खनेदुगु दु।
चीनय् खनेदुगु कोरोना संक्रमणया स्वंगु भेरियन्ट भारतय् तक खनेदुगु दु। भारतया गुजरात व ओडिसाय् उगु भेरियन्ट खनेदुगु खः।
कोरोनाया न्हुगु भेरियन्ट चीनय् मदिक्का संक्रमणपि अप्पोया वनाच्वंगु दु। उगु हे प्रजातिया भेरियन्ट भारतय् तक खनेदुगु दु।
थुगु ओमिक्रोनया सबभेरियन्ट बीएफ ७ खः।