सी जिनपिङ स्वक्वःगु कार्यकालया लागि चीनया राष्ट्रपति जूगु दु ।

वयकः १४ क्वःगु राष्ट्रिय जनकंग्रेसं जारी अधिवेशनपाखे शुक्रबाः सर्वसम्मतिं राष्ट्रपतिइ निर्वाचित जूगु खः। ग्रेट हल अफ द पिपलय् उपस्थित नेशनल पिपुल्स कंग्रेस (एनपीसी) या स्वद्धः न मल्याक दुगु दुजःपिन्स ६९ दँ दुम्ह सीयात सर्वसम्मत कथं राष्ट्रपतिइ ल्यःगु दु धका समाचार एजेन्सी सिन्ह्वां धाःगु दु।

थ्व नाप वयकः माओत्सेतुङ लिपा दकलय् अप्पो शक्तिशाली नेताया कथं थःगु पकड बलाकाः च्वंगु दु। सीविरुद्धय् सू न प्रतिस्पर्धी मदुगु खः। वयकः देशया केन्द्रीय सैन्य आयोगया अध्यक्षय् न स्वक्वःगु कार्यकालया लागि सर्वसम्मत निर्वाचित जूगु खः।

झाओ लेजी संसदया न्हुम्ह सभामुख व हान झेंग उपाध्यक्षय् निर्वाचित जूगु खः।

जर्मनीया ह्याम्बर्गय् छम्हेसिया गोली चले याःगुलि म्हतिइ न खुम्ह सीगु दु।

इसाई अभियानकःमिपिनिगु बैठक कक्षय् गोली चले जुगुलि खुम्ह सीगु दु धका समाचार एजेन्सी रोयटर्स न धाःगु दु। ह्याम्बर्गया हे ग्रस ब्रोस्टल धइगु थासाय् गोली चले जूगुलि न मनूत घाःपाः जूगु दु।

थुगु घटनाया उद्देश्य अः तक न सिइ दुगु मदुनि धका प्रहरी प्रवक्ता होल्गर भेरेनं धाःगु दु।

भारतीय अभिनेता नाप निर्देशक सतीश कौशिक ६६ दँय् मन्त।

अभिनेता अनुपम खेरं ट्वीटपाखे थः यःम्ह पासा मदगु धका पुष्टि याःगु दु। खेरं च्वंगु दु– ’मृत्यु संसारया शाश्वत सत्य खः तर जिं थःयम्ह पासाया लागि थथे च्वय् मालिइ धका म्हगसय् बिचाः यानागु मदु।’ खेरं कौशिक ४५ दँनिसे पासा खः धका उल्लेख याःगु दु।

कौशिक मदुगु धइगु आधिकारिक विवरण धाःसा वःगु मदुनि।

टर्कीइ हाकन मेगु शक्तिशालि भुखाय् ब्बःगु दु।

सिरियानाप स्वागु देशया दक्षिणी क्षेत्रय् वंगु चान्ह्यः सोमबाः ६.४ म्याग्निच्युडया भुखाय् ब्बःगु खः।

उगु भुखाय् ब्बया स्वम्ह सीउगु दु। सिरियाय् न भुखाचं प्रभाव याःगु दु।

निगु देशय् ६०० म्ह स्वया अप्पो घाःपाः जुगु दु धका अन्तर्राष्ट्रिय सञ्चार माध्यमं धाःगु दु।

टर्की व सिरियाय् भुखाय् ब्बःगु २२८ घौलिपा एला नांया छम्ह मिसा नाप वया काय् अली व म्ह्याय् मेसामयात २२८ घौंलिपा टर्कीया दक्षिणी सहर कहरामनमारासया अन्टाक्यास्थित छगु अपार्टमेन्ट ब्लकया भग्नावशेषपाखे जिवितय् लिकागु दु ।

अथे हे उगु थासं निम्ह मिसायात न जिवितये उद्धार याःगु दु। टर्कीया सरकारी टेलिभिजन टीआरटी हबेरया कथं काहरामानमारास सहरया भग्नावशेषं २२२ घौलिपा ४७ दँ दुम्ह मेलिके इमामोउलु व मेम्ह मिसायात उद्धार याःगु खः।

टर्कीया राष्ट्रिय रक्षा मन्त्रालयं भुखाय् ब्बःगु करिब २१२ घौंलिपा अदियामान सहरय् ७४ दँदुम्ह मिसायात भग्नावशेषपाखे फतमा गुन्गोररयात जीवितय् पिकाःगु खः। उगु थासय् भुखाय् ब्बया ४१ हजार स्वया अप्पो मनू सी धुकुगु दु।