Display Style:
Column Style
फ्रान्सय् कोरोनां थप २४० म्ह मन्त
लहनान्युज | चांलाथ्व पारु ११४०
फ्रान्सय् कोरोना भाइरस संक्रमणं वःगु २४ घण्टां २४० म्ह स्वया अप्वो सीइगु दु ।
आतक फ्रान्सय् कोरोना संक्रमणं सीइपिनिगु ल्याः झीछसः थ्यःगु दु ।
अथहे, फ्रान्सय् नीद्धः व ४४४ म्ह न्हुपि संक्रमित लुगु दु ।
आतक फ्रान्सय् कोरोना जुगु पुष्टि जुपिनिगु ल्याः २२ द्धः स्वसः थ्यःगु दु ।
फ्रान्सय् वःगु चैत्र ४ गतेनिसे लकडाउन याःगु खः ।
भारतय् स्ववाः यंक लकडाउनया घोषणा
लहनान्युज | सिल्लागा औसी ११४०
भारतीय प्रधानमन्त्री नदेन्द्र मोदीं देय् यकं स्ववाःया लागि लकडाउनया घोषणा याउगु दु ।
थौंमंगलवाः बहनी टेलिभिजनय् सम्बोधन यासे थौं चान्ह्य निसे लागु जुइ कथं २१ दिं या लकडाउन घोषणा याउगु दु न् ।
भारतीय प्रधानमन्त्री मोदीं ‘थः प्रधानमन्त्रीया रुपय् मखु, छिकपिनिया हे छम्ह परिवारया सदस्य कथं धयागु खः धका धयादिगु खः ।
स्वास्थ्य विज्ञ पिनिगु सल्लाह कथं कोरोना भाइरसया साइकल तोडे यायेत म्हति न २१ दिं महत्वपूर्ण जुइ धका मोदीं धयादिगु खः ।
मोदीं स्वास्थ्य सम्बन्धी पूर्वाधार मजबुत यायेत केन्द्र सरकारं १५ द्धः करोड ध्यवा छुटे यानगु न धयादिगु खः ।
बेलायतय् न लकडाउन
लहनान्युज | सिल्लागा औसी ११४०
बेलायतया प्रधानमन्त्री बोरिस जोनसनं आवतजावत व जमघट यायेत कडाइ यासे लकडाउनया घोषणा याउगु दु ।
कोरोना भाइरस (कोभिड–१९) पाखे वःगु २४ घन्टा लिपा जक ५५ म्ह सिइगु दु । बेलायत जक कोरोनाया कारण ३३५ म्ह सिइ धुकुगु दु ।
डाइनिङ स्ट्रिटपाखे टेलिभिजन सम्बोधन यानादिसे प्रधानमन्त्री जोनसनं दक्को नागरिक तयेत छेँय् च्वने इनाप याउगु दु । प्रधानमन्त्री जोनसनंया अनुसार आः प्यःगु ज्या यायेत जक छेँय् न पिहा वनेगु अनुमति दु ।
न्हिया न्हिथः उपभोग्य बस्तु, वासः थे जाःगु अत्यावश्यक बस्तु न्यायेत ।
उपचार वा हेरचारया लागि, १८ दँ स्वया कमयापि मस्तय्त थः अभिभावक थाय् वनेत ।
ज्या वनेत व लिहा वयेत, तर थुजःगुु ज्या छेँय् च्वना याये मफइगु जुइमा ।
व्यायामया लागि ब्बाय् वने फइ,न्यासि वने फइ वा साइकल चले याये फइ । तर थ्व छम्ह वा नाप च्वपि नाप जक जुइमा ।
प्रधानमन्त्री जोनसनं अत्यावश्यक बस्तु बाहेकया दक्को पसः बन्द याये धाःगु दु व सार्वजनिक थासय् निम्ह स्वया अप्वो छथाय् च्वने दइ मखु । लाइब्रेरी, खेल मैदान, आउटडोर जिम व
दक्को धार्मिक थाय् न बन्द याःगु दु । पार्कय् व्यायामया लागि वने दइ, तर मनूत जम्मा जुइ दइ मखु ।
सरकारं मनू तयेत जमघट जुइगु सामाजिक ज्याझ्वः न रोक लगे याउगु दु । ब्याहा न रोक याउगु दु । स्वःगु वाःया लिपा थुगु प्रतिबन्धया समीक्षा याइगु व अवस्था स्वया मेगु निर्णय याइगु प्रधानमन्त्री जोनसनं धाःगु दु ।
प्रतिबन्ध उल्लंघन यात धाःसा जरिवाना याइगु तक प्रधानमन्त्री जोनसनं धाःगु दु ।
इटलीइ कोरोनाया कारणं सिइपिननिगु ल्याः खुद्धः न मल्याक थ्यन
लहनान्युज | सिल्लागा औसी ११४०
चीन लिपा कोरोना भाइरसं इपिसेन्टर इटलीइ थुगु संक्रमणपाखे सिइपिनिगु ल्याः ६ द्धः स्वया अप्वोया वःगु दु ।
सोमवाः अस्पतालय् वासः याकेगु झ्वलय् थप ६०१ म्ह सिइगु दु । इटलीइ आतक सिइपिनिगु ल्याः ६ द्धः व ७७ म्ह थ्यःगु दु ।
कोरोनाया कारण इटलीया अवस्था भयावह जुयाच्वंगु दु । चीनय् आतक स्वद्धः व २७७ म्हसियागु ज्यान वःगु दु ।
अन स्वया अप्वो कोरोनाया काराण १६ द्धः ५१० म्हसियाःगु ज्यान वने धुकुगु दु ।
इटलीइ मृत्युदर नाप संक्रमणउा ल्याः न अप्वोया च्वंगु दु । वःगु २४ घण्टा लिपा ४ द्धः व ७८९ म्हसियात थुगु लक्षण खनेदया वयाच्वंगु दु ।
इटली आतक कोरोना संक्रमितया ल्याः ६३ द्धः ९२७ थ्यने दये धुकुगु दु ।
थुकि मध्ये ३ द्धः व २०४ म्हसिया अवस्था गम्भीर जुगु धका अन्तर्राष्ट्रिय सञ्चारमाध्यमपाखे सिइ दुगु दु ।
भारतया बिहारय् कोरोना संक्रमणं छम्ह सित
लहनान्युज | चिल्लागा त्रयोदशी ११४०
बिहारया राजधानी पटानाया एक्स अस्पतालय् कतारं लिहा वम्ह सैफ अली नाया ३८दँ दुम्ह सिइगु दु ।
निगलं जँलास्येँ ज्या मयागुलि शनिवा सुथय् सिइगु दु । वयात कोरोना भाइरसया संक्रमण जुगु पुष्टि जुगु दु ।
अथेहे भारतय् कोरोना भाइरसपाखे सिइपिनिगु ल्याः खुम्ह थ्यंगु दु । बिहारय् मेम्ह संक्रमितयात न आइसोलेसन वार्डय् च्वना च्वंगु दु ।
आ आइसोलेसन वार्डय् च्वना च्वम्ह मनू स्कटल्याण्डपाखे लिहा वःम्ह खः ।
भारतय् शनिवाः जक थुगु भाइरसया कारण निम्हसिया ज्यान वःगु खः ।
भारतय् आतक कोरोना भाइरस सिइपि दक्को हे चिनि ल्वचंकःपि धका धाःगु दु ।
