Display Style:
Column Style
अमेरिकाय् प्यसःसित, छगु लाखं मल्याक संक्रमित
लहनान्युज | चौलाथ्व चतुर्थी ११४०
![](https://www.lahananews.com/sites/default/files/u_2.jpg)
अमेरिकाय् शुक्रवाः छन्हु हे कोरोना भाइरस (कोभिड–१९) या संक्रमणपाखे प्यसः मनू सिइगु दु ।
वर्ल्ड ओमिटरया कथं अमेरिकाय् कोरोना भाइरसं सिइपिनिगु ल्याः १६९५ म्ह मनूत सिइ धुुकुग दु ।
अथेहे, शुक्रवाः छन्हु हे अमेरिकाय् १८ द्धः न्हुपिं संक्रमित लुगु दु ।
थ्व नाप संक्रमितया ल्याः छगु लाख ४ द्धः थ्यःगु दु ।
अमेरिकां अर्थतन्त्रय् कोभिड(१९ यात न्यूनीकरण यायेत २० खर्ब अमेरिकी डलरया आर्थिक प्रोत्साहन प्याकेज हःगु खः ।
कोरोनां स्पेनय् छन्हु ७७७ म्ह मन्त
लहनान्युज | चौलाथ्व चतुर्थी ११४०
![](https://www.lahananews.com/sites/default/files/pain.jpg)
कोरोनाया कारण स्पेनय् छन्हु हे ७७७ म्ह सिइगु दु ।
आतक स्पेनय् सिइपिनिगु ल्याः ५ द्धः व १३८ म्ह थ्यःगु दु ।
स्पेनय् द्धः व ९३३ म्ह न्हुपि संक्रमण जुगु पुष्टि जुइ धुकुगु दु ।
आतक संक्रमित जुपिनिगु ल्याः ६५ द्धः व ७१९ म्ह थ्यःगु दु ।
कोरोनां स्पेनय् छन्हु ७७७ म्ह मन्त
इटलीमा छन्हु हे ९१९म्ह कोरोनाया कारण मन्त
लहनान्युज | चौलाथ्व चतुर्थी ११४०
![](https://www.lahananews.com/sites/default/files/itali.jpg)
इटालीइ कोरोना भाइरस (कोभिड–१९) या कारण शुक्रवा जक ९१९म्ह सिइगु दु ।
आतक छन्हु हे यक्को सिइगु थ्व हे दकलय् अप्वो खः । सिइपि अप्वो खुसः लोम्बार्डीपि खः ।
इटाली कोरोना संक्रमणपाखे आतक सिइपिनिगु ल्याः ९ द्धः व १३४ म्ह थ्यने धुकुगु दु ।
सिइपि डाक्टरपिनिगु ल्याः ४४ म्ह थ्यने धुकुगु दु । सैनिक परिचालन याना निगु वाः जनता तयेत छेँय् तया तःगु कारण उत्तरी क्षेत्रय् छु भचा संक्रमण म्हो जुगु दु ।
स्पेनय् प्यम्ह नेपालीयात कोरोना संक्रमण जुल
लहनान्युज | चौलाथ्व तृतीया ११४०
![](https://www.lahananews.com/sites/default/files/cora.jpg)
स्पेनय् म्यम्ह नेपालीयात कोरोना संक्रमण पुष्टि जुगु दु । क्याटालोनियाय् च्वनाच्वपि खः । इमित छुटा छुटै हे अस्पतालमा वासः याका च्वंगु दु ।
बार्सिलोनाया साग्रादा फ्यामिलिया च्वनाच्वम्ह छम्ह नेपालीयात धाःसा सान्पाओ अस्पतालय् वासः याक च्वंगु दु ।
मेपि स्वम्ह नेपालीयात हस्पितालेदय् दु । इमित अनया हे अस्पतालय् भर्ना याना तःगु दु ।
संक्रमित मनू तयेगु विवरण धाःसा गोप्प तया तःगु दु । प्यम्ह नेपाली हे मिजंत खः ।
स्वम्ह सामान्य अवस्थाय् व छम्ह धाःसा आईसीयूलय् तया वासः याका च्वंगु दु ।
संक्रमित व वया परिवारं घटनायात पिने महयेत इनाप याःगु दु ।
वःगु १ गते निसे पुरा देशय् लकडाउन याना तःगु दु । स्पेनय् कोरोनाया महामारी अझ हे नियन्त्रण जुगु मदुनि ।
देय् यकं संक्रमित ल्याः ६० द्धः थ्यने धुकुगु दु । म्हिगः तक ४ द्धः मनूत सिइ धुकुगु दु ।
बेलायतय् छम्ह नेपाली कोरोनाया कारण मन्त
लहनान्युज | चौलाथ्व द्धितिया ११४०
![](https://www.lahananews.com/sites/default/files/ccc.jpg)
बेलायतय् कोरोना भाइरस (कोभिड–१९) या संक्रमणं छम्ह हाकन नेपाली मन्त
लण्डनया साउथ इस्ट थासय् च्वंम्ह चितवनयाम्ह ४० दँया प्रशान्त अर्याल कोरोनाया कारण मन्त ।
वासः याकेगु झ्वलय् अर्याल सोमवाः मदुगु खः । अस्पतालं वयात कोरोना संक्रमण जुगु धका थौं बिहीवाः जक पुष्टि याउगु खः ।
शनिवाः अचानक स्वास्थ्यय् खराबी खने देवं उपचारया लागि स्थानीय क्वीन एलिजावेथ अस्पताल थ्यकुगु खः ।
कोभिड–१९ या संक्रमणं संखुवासभा छेँय् दुम्ह लण्डनया ह्यारो च्वना च्वम्ह ६६ दँया पूर्वगोर्खा सैनिक लीलाबहादुर राई मदुगु खः ।