Display Style:
Column Style
अमेरिकाय् कोरोना संक्रमित ल्याः अप्वोल
लहनान्युज | चौलाथ्व सप्तमी ११४०
![](https://www.lahananews.com/sites/default/files/us_0.jpg)
अमेरिकाय् कोरोना भाइरस (कोभिड–१९) संक्रमित ल्याः अप्वोया वःगु दु ।
जोन्स हप्किन्स यूनिभर्सिटीया तथ्यांक अनुसार अमेरिकाय् कोरोना भाइरसपाखे संक्रमितया ल्याः १ लाख ६४ द्धः थ्यःगु दु ।
अमेरिकी राष्ट्रपति डोनाल्ड ट्रम्पें अमेरिकाय् सिइपिनिगु ल्याः १ लाख स्वया कम जुगु देय् या हे उपलब्धि खः धका धयादिगु खः ।
कोरोनाया संक्रमण चीन स्वया ८२ द्धः स्वया अप्वो जुइ धुकुगु दु ।
इजरायलया प्रधानमन्त्री नेतान्याहू कोरोना आशंकां
लहनान्युज | चौलाथ्व षष्ठी ११४०, चैत्र १७ गते
![](https://www.lahananews.com/sites/default/files/netanyu.jpg)
इजरायलया प्रधानमन्त्री बेन्जामिन नेतान्याहू कोरोना भाइरस (कोभिड(१९) संक्रमणया आशंकां आइसोलेसनय् च्वने त्यःगु दु ।
सल्लाहकार रिभ्का पाउकयात कोरोना भाइरस संक्रमणया पुष्टि जुगु दु । नेतान्याहू यात न आइसोलेसन च्वने त्यःगु खः ।
स्थानीय सञ्चारमाध्यमपिनिगु जानकारी कथं नेतान्याहंू स्वास्थ्य मन्त्रालयया दिशानिर्देशयात पूर्णरुपमा पालना याःगु खः ।
नेतान्याहू १४ न्हु तक आइसोलेसनय् च्वनेगु धका धयादिगु दु । पाउक वःगु वालय् संसदय् नेतान्याहू नाप उपस्थित जुयादिगु खः ।
इजरायलय् आतक कोरोना भाइरसें ४ द्धः व २४७ म्ह संक्रमित जुयादिगु खः । उकि मध्ये १५ म्ह मनूत भाइरसपाखे ज्यान वःगु खः ।
न्यूयोर्कय् क्वारेन्टाइनय् तयेगु योजनां हटे जुल ट्रम्प
लहनान्युज | चौलाथ्व पञ्चमी ११४०
![](https://www.lahananews.com/sites/default/files/tampa_1.jpg)
न्यूयोर्कय् क्वारेन्टाइनय् तयेगु योजनापाखे ट्रम्प प्रशासन लिचिगु दु ।
थ्व स्वया न्ह्यः अमेरिकी राष्ट्रपति डोनाल्ड ट्रम्पं कोरोना भाइरसया रोकथाम तथा नियन्त्रणया लागि न्यूयोर्कय् क्वारेन्टाइनय् तयेगु योजनाबारे विचाः याना च्वनागु दु धका धाःगु दु ।
आइतवा सुथय् ट्वीटयासे ट्रम्पं न्यूयोर्कयर्् क्वारेन्टाइन माःगु मदु धका धाःगु खः ।
थ्व स्वया न्ह्यः ट्रम्पं न्यूयोर्कय् कम्ति न निवाःया लागि क्वारेन्टाइन तयेगु बिचाः याउगु खः ।
न्यूयोर्क नाप न्यूजर्सी लगायत मे मेगु थासय् न क्वारेन्टाइन माःगु धका ट्रम्पं धाःगु खः ।
न्यूयोर्क राज्यय् ५२ द्धः स्वया अप्वो कोरोना संक्रमण जुगु पुष्टि जुइ धुकुगु दु ।
न्यूयोर्कय् क्वारेन्टाइनय् तयेगु वा लकडाउन यायेगु धका केन्द्र सरकार व न्यूयोर्कया गभर्नर दथुइ मतभेद दुगु न बुखँ सार्वजनिक जुया च्वंगु दु ।
लकडाउन यातकि चीन व अमेरिका दथुइ छु न पाइ मखु धका धासे लकडाउन यायेगु बिचाः अमेरिका विरोधी जुइगु धका धाःगु खः ।
लकडाउन यायेगु युद्ध घोषणा याये थे जुइ धासे थुकियात सहमत जुइ फइ मखु धका न धाःगु खः ।
चीनय् ४५ म्ह न्हुपि संक्रमित पिहावल, न्याम्हसित
लहनान्युज | चौलाथ्व पञ्चमी ११४०
![](https://www.lahananews.com/sites/default/files/Flag-China_1.jpg)
चीनय् वःगु २४ घण्टां कोरोना भाइरस संक्रमित न्हुपि ४५म्ह थ्यःगु दु ।
२७ मार्चय् ५४ म्ह न्हुपि संक्रमित पिहा वःगु दु ।
शनिवाः चीनय् कोरोना भाइरस संक्रमणया कारण न्याम्ह सिइगु दु ।
सिइपि न्याम्हं हुबेई प्रान्तया वुहान शहरयापिं खः ।
वःगु डिसेम्बरया लिपाःगु इलयु वुहान शहरं कोरोना संक्रमण फैले जुगु खः ।
चीनय् आतक ३ द्धः व स्वसःम्ह मनूत कोरोना भाइरसया कारण हे सिइगु खः ।
आतक ८१ द्धः व ४३९ म्ह संक्रमित तयेत वासः याका च्वंगु दु ।
भारतय् सिइपिनिगु लयाः २०,संक्रमित गुसः थ्यन
लहनान्युज | चौलाथ्व चतुर्थी ११४०
![](https://www.lahananews.com/sites/default/files/in_2.jpg)
भारतय् कोरोना भाइरस (कोभिड–१९) पाखे संक्रमित जुपिनिगु ल्याः गुसः थ्यःगु दु ।
म्हिगः जक न्हुपि १५ म्ह संक्रमित पिहा वःगु दु ।
थ्व स्वया न्ह्यm शुक्रवाः जक १६० म्ह संक्रमित जुपिं पिहा वःगु खः।
भारत दकलय् अप्वो प्रभावित जुगु केरलाय् १७६ म्ह संक्रमित जुपिं पिहा वःगु दु ।
अथेहे, महाराष्ट्रय् संक्रमितया ल्याः १६२ म्ह थ्यःगु दु । आः भारतया २७ राज्यय् कोभिड–१९ थ्यःगु दु ।