Display Style:
Column Style
निक्वःगु विश्वयुद्ध लिपा तधःगु चुनौती खः कोरोना : राष्ट्रसंघ
लहनान्युज | चौलाथ्व नवमी ११४०, चैत्र १९
![](https://www.lahananews.com/sites/default/files/antonio-guterres-2012.jpg)
संयुक्त राष्ट्रसंघया महासचिव एन्टोनियो गुट्रेसं कोरोना भाइरस (कोभिड(१९)या महामारी निक्वःगु विश्वयुद्ध लिपा दकदय् अप्वो चुनौती जुगु धका धयादिगु खः ।
कोरोनां हलियकं सम्भावित सामाजिक आर्थिक प्रभावबारे छगु रिपोर्ट सार्वजनिक यासे महासचिव गुट्रेसं अथे धयादिगु खः ।
कोरोना प्रकोपं विश्वव्यापी मन्दी हये फइगु सम्भावना दुगु धका धयादिगु खः ।
कोरोना प्रकोपं आतक हे दकलय् अप्वो तधःगु हलियकं मन्दी हयेफइगु धका बिचाः तयादिगु खः।
निम्न व मध्यमस्तर देशयात ग्वाहालि राहत कोष
संयुक्त राष्ट्रसंघया महासचिव गुट्रेसं कोरोना भाइरसया महामारीपाखे निम्न व मध्यमस्तरया देशयात राहत कोष बिइगु धका जानकारी न बियादिगु खः ।
गुट्रेसं समन्वयकारी स्वास्थ्य सतर्कता अपेयाना महामारी अन्त्यया लागि भूमिका म्हितेत सकसित इनाप न यानादिगु दु ।
युएई निम्ह नेपालीयात कोरोना संक्रमण
लहनान्युज | चौलाथ्व सप्तमी ११४०
![](https://www.lahananews.com/sites/default/files/ccc_1.jpg)
युएई हान निम्ह नेपालीयाके कोरोना भाइरसयाल संक्रमण खनेदुगु दु ।
युएईया स्वास्थ्य तथा रोकथाम मन्त्रालयं थौं मंगलवाः सार्वजनिक याःगु तथ्यांक अनुसार निम्ह नेपाली नाप मेपि ५३ म्हेसित संक्रमितगु जुगु धका धाःगु दु ।
अथहे, थौं मंगलवाः छम्ह सिइगु दु । कोरोनाया कारण सिपिनिगु ल्याः खुम्ह थ्यःगु दु ।
युएई आतक च्याम्ह नेपाली तयेत कोरोना भाइरस (कोभिड १९) या संक्रमण खने दये धुकुग दु । निम्ह वासःयाका लिहा वने धुकुगु दु ।
थौंतक ५३ म्ह मनूतँ संक्रमित जुइ धुकुगु दु सा आतक ६६४ म्ह जुइ धुकुगु दु ।
युएईलय्मा न्हापां मार्च ९ खय् निम्ह नेपाली नाप १४ म्हेसित खने दुगु खः । वया लिपा २७ मार्चय् निम्ह व २८ मार्चय् निम्ह नेपालीयात खने दुगु खः ।
स्पेनय् छन्हु हे ८४९ म्ह सित
लहनान्युज | चौलाथ्व सप्तमी ११४०
![](https://www.lahananews.com/sites/default/files/Seg-Spain.jpg)
स्पेनमा वःगु २४ घण्टां कोरोना भाइरस (कोभिड–१९)या कारण ८४९ म्ह सिइगु ।
कोरोना भाइरसं याना कारण स्पेनय् छन्हु हे सिपिनिगु ल्याः आतक या हे दकलय् अप्वो खः ।
थ्व नाप स्पनेयकं सिपिनिगु ल्याः ८ द्धः व १८९ म्ह थ्यने धुकुगु दु ।
स्पेनया विदेशमन्त्रीं कोरोना भाइरस संक्रमितया ल्याः म्हो जुगु धाःगु कन्ह्य कुन्ह्ु हे अप्वो सिःगु खः ।
स्पेनया स्वास्थ्य मन्त्रालयया अनुसार वःगु २४ घण्टाया दुने ५ द्धः व ८९१ म्ह संक्रमित थपे जुगु खः ।
आतक स्पेनय् कोरोना भाइरसया समग्र संक्रमित ल्याः ९४ द्धः ४१७ म्ह थ्यःगु दु ।
भारतय् छन्हु हे २२७ म्ह न्हुपि संक्रमित
लहनान्युज | चौलाथ्व षष्ठी ११४०,चैत्र १९ गते
![](https://www.lahananews.com/sites/default/files/coronavirus-in-india-2-1200.jpg)
भारतय् २२७ न्हुपि संक्रमित पिहा वःगु दु । आतक दकलय् अप्वो भारतय् कोरोना संक्रमण खनेदुगु ल्याः खः ।
भारतया स्वास्थ्य मन्त्रालयया तथ्यांक अनुसार दिल्लीइ जक २५ म्ह न्हुपि संक्रमित लुगु खः ।
आतक भारतय् संक्रमित ल्याः १२५१ म्ह थ्यःगु दुसा ३२ म्हसिया ज्यान वने धुकुगु दु ।
भारत यकं २७ राज्यय् कोरोना भाइरस संक्रमण खनेदुगु खः ।
हलिं नेवाः दिं अनलाइनपाखे हन
लहनान्युज | चौलाथ्व षष्ठी ११४०,चैत्र १९ गते
![](https://www.lahananews.com/sites/default/files/group.jpg)
स्वक्वःगु हलिं नेवाः दिं अनलाइनपाखें हलिंया थीथी थासं हलियकं च्वनाच्वंपिं नेवाः तयेस छगू तःजिगु मुँज्या यासें हने ज्या जुगु दु ।
अमेरिकाया टेक्सास राज्यय् च्वनाः च्वनादीम्ह प्रमेश श्रेष्ठं न्ह्याकादीगु उगु हलिं यकं जुःगु खः ।
हलिं नेवाः दबूया नायः सिजन श्रेष्ठं लसकुस न्वचू तया न्ह्याःगु उगु सम्मेलनय् हलिंया थीथी थासय् च्वपिं १७ म्ह न्ह्यलुवाःपिन्सं ब्वति काःगु खः ।
उगु सम्मेलनय् अमेरिकाया पोर्टल्याण्ड दया शाक्य, प्रज्जवल बज्राचार्य, बेलायतं कृष्ण चखुं, अमेरिकाया सिकागो केशरमान ताम्राकार, सिक्कम राजीव शंकर श्रेष्ठ व रेशु प्रधान, दुबई प्रमोद श्रेष्ठ, क्यानाडा विमल श्रेष्ठ, बेल्जियम रजनी प्रधान व रविन प्रधान, हङकङ रचना प्रधान, बैंकक आशाजीत अवाले, नेपालं पुष्कर माथेमा, शाक्य सुरेन, नरेश ताम्रकार, पोर्चुगलया गंगाबहादुर नेम्कुल, इजरायल नरेशमान श्रेष्ठ व पिन्सं थःथःगु नुगःखँ प्वंकादीगु खः ।
उगु सम्मेलनय् हलिं नेवाः दबूया २०१० निसें २०२० या गतिविधि, थुगुसीया हलिं नेवाः दिं व कोरोना भाइरस कोभिड १९, सरकारं हाकनं हःगु गुथि विधेयक व उकियात नेवाः समुदायपाखें गुकथं कायेमाः, हलिं नेवाः दबूया भावी योजनालिसें उगुंथुगुं खँया लिसेलिसें कोभिड १९ या नितिं छगू फण्ड नीस्वनेगुया नितिं ल्हापं म्हयेगु नं ज्या जूगु खः ।