Display Style:
Column Style
ब्राजिलय् छन्हु ३५ द्धःयात कोरोना संक्रमण
लहनान्युज | तछलागा द्धादशी ११४०,असार ३ बुधवाः
ब्राजिलय् छन्हु हे ३५ द्धःयात कोरोना भाइरस (कोभिड–१९) संक्रमितपि पिहा वःगु दु । ब्राजिलया स्वास्थ्य मन्त्रालयं मंगलवाः बिःगु जानकारी कथं वःगु २४ घण्टाया दुने ब्राजिलय् ३४९१८ न्हुपि संक्रमित पिहाः वःगु दु ।
ब्राजिलय आतक छन्हु हे यक्को खने दुगु खः । थ्व नाप ब्राजिलय् कोरोना भाइरस संक्रमितपि गूगु लाख २३ द्धः व १८९म्ह थ्यःगु दु ।
अथेहे, कोरोना भाइरसया कारण ब्राजिलय् सीपिनिगु ल्याः ४५द्धः स्वया अप्वोगु दु । आतक ब्राजिलय् कोरोना भाइरसं ४५द्धः व २४१म्ह सी धुकुगु दु । वःगु २४ घण्टाय् जक ब्राजिलय् कोरोना भाइरसया कारण १२८२ म्ह सीगु दु ।
ब्राजिलय् लकडाउन छ्वासुकुगु लिपा कोरोना भाइरसया संक्रमित व सीपिनिगु ल्याः तसक अप्वोगु दु । ब्राजिल अमेरिका लिपा कोरोना भाइरसपाखे अप्वो प्रभावित जूगु देय् खः ।
भारत व चीनया भिडन्तय् २०म्ह भारतीय सैनिक मन्त
लहनान्युज | तछलागा द्धादशी ११४०,असार ३ बुधवाः
भारत व चीनया विवादित सीमा क्षेत्र लद्दाख गलवान क्षेत्रय् निगु देय् सैनिक दथुइ भिडन्त जुगुलि २०म्ह भारतीय सैनिक सीगु दु ।
१५ व १६ जुनय् जुूगु भिडन्तय् भारतीय सेनाया छम्ह अधिकारी व १९ जवान सीगु खः ।
भारतीय सेनां, ‘भारत व चीनका सेना गलवान क्षेत्रं लिचिगु दु । १५ व १६ जुनया चान्ह्य तक निगु देय् या सैनिक दथुइ झडप जूग खः ।
उगु झडपय् १७ म्ह भारतीय सैनिक गम्भीर रुपं घाइते जूगु खः । शून्य डिग्री स्वया कम तापक्रम व यक्को उचाइ दुगु उगु इलाकाय् गम्भीर घाइते जूया १७म्ह सैनिक सीगु खः ।
उगु थासय् २०म्ह भारतीय सैनिक सीगु खः ।
थ्व स्वया न्ह्य भारतीय सेनां छम्ह सैनिक अधिकारी व निम्ह जवान जक सीगु धका धाःगु खः ।
भारतय् छन्हु कोरोनां ३८०म्ह सीत
लहनान्युज | तछलागा एकादशी ११४०,असार २ मंगलवाः
भारतय् कोरोना भाइरस (कोभिड(१९) याना वःगु २४ घण्टाय् दुने ३८०म्ह सीगु दु । भारतया स्वास्थ्य मन्त्रालयय् बिःगु जानकारी कथं आतक भारतय् कोरोना भाइरसया कारण सीपिनिगु ल्याः गुद्धः व गुसः थ्यःगु दु ।
अथेह भारतय् कोरोना भाइरसं संक्रमित जूपि स्वगू लाख ४३ द्धः व ९१म्ह थ्यःगु दु । वःगु २४ घण्टाय् जक भारतय् कोरोना भाइरसं १०६६७ म्ह न्हुपि संक्रमित जूगु दु ।
भारतय् दकलय् अप्वो प्रभावित राज्य महाराष्ट्रय् आतक कोरोना भाइरसं छगु लाख व १०७४४ संक्रमित जुइ धुकुगु दु । अन ४१२८ म्हे कोरोना भाइरसया कारण सीगु दु । अथेतु तामिलनाडुइ ४६५०४म्ह संक्रमित जुगु व ४७९म्ह सीगु दु ।
दिल्लीइ ४२८२९ संक्रमित जुगु दु सा १४००म्ह सिगु दु । गुजरातय् २४५५ संक्रमित जुगु दु सा व १५०५ म्ह सीइ धुकुगु दु ।
आतक भारतय् कोरोना भाइरसं छगु लाख ८०द्धः व १३म्ह संक्रमित वासः याका छेँय् लिहा वने धुकुगु दु ।
चीनय् निलालिपा हाकन खनेदत कोरोना संक्रमित
लहनान्युज | तछलागा नवमी ११४०,जेठ ३२ आइतवाः
चीनय् वःगु २४ घण्टाय् निला लिपा हाकन कोरोना भाइरस (कोभिड(१९) या संक्रमित खने दुगु दु । वःगु अप्रिल १३ लिपा यक्को संक्रमित खने दुगु खः ।
चीनया नेशनल हेल्थ कमिसनया कथं ३८म्ह स्थानीय संक्रमित खनेदुगु खः । उकि मध्ये ३६म्ह संक्रमित बेइजिङया खः ।
थ्व चीनया राजधानी बेइजिङय् आतक हे दकलय् अप्वोगु ल्याःखः ।
छन्हु न्ह्यः जक बेइजिङय् खुम्ह संक्रमितपि पिहा वःगु खः । तर, शनिवाः जक सहरया दक्षिण पश्चिमी फेंगताई क्षेत्रय् थुलि अप्वो संक्रमितपि पिहा वःगु खः ।
चीनय् वःगु २४ घण्टा दुने संक्रमित जूपि मध्ये १९म्ह विदेशं लिहा वःपि मनूत खः ।
आतक चीनय् कोरोना भाइरसं ८३द्धः व १३२म्ह संक्रमित जूगु खः । अथेहे, ४६३४ म्हे कोरोना भाइरसया कारण सीगु खः ।
‘नेपाः इजरायल कोरोना इनिसिएटिभ’ नांया समिति गठन
नृपेन्द्रलाल श्रेष्ठ | तछलागा सप्तमी ११४०,जेठ ३० शुक्रवाः
नेपाः व इजरायल दथुइ कोभिड–१९ या ज्ञान व अनुभव कालबिल यायेगु निंतिं छगू समिति नीस्वंगु दु । निगू देय्या चिकित्सक नापं सम्बन्धित अधिकारीत दुथ्याकाः ‘नेपाः इजरायल कोरोना इनिसिएटिभ’ नांया छगू समिति नीस्वंगु खः ।
समितिइ निगूलिं देय्या विशषज्ञ डाक्टरत व विज्ञतय् दुजः कथं च्वनादीगु दु । उगु समितिं ज्ञान व अनुभव आदन–प्रदान यासे समस्या समाधानया लागि पहल यायेगु उदेश्यं नेपाल–इजरायल केरोना योजना (एनआइसीआई) गठन याःगु दु ।
कोराना महामारीपाखे उत्पन्न प्रभाव कम यायेत व आवश्यक मेडिकल व्यवस्थापनया लागि एनआइसीआई गठन इजरायलया लागि नेपाली राजदूत डा.अन्जान शाक्यं जानकारी बियादिगुु दु । वःगु जेठ १३ गते इजरायलया नेपाली राजदूतावासया संयोजनय् नेपाल व ईजरायलया चिकित्सकपि दथुइ नेपालय् अप्वोया वःगु कोरोना संक्रमण नियन्त्रण व न्युनिकरणया लागि इजरायलं याःगु अनुभव व सफलताया विषय आदन–प्रदानया लागि भर्चुअल सम्वाद जूगु खः ।
नेपालय् कोरोनाया वासः नापं आइसोलेसन व्यवस्थापनय् ग्वाहालि याइगु व निगू देय् दथुइया अनुभव कालबिल याइगु खँ धाःगु दु ।
इजरायलया लागि नेपाली राजदूत शाक्यया कथं उगु समितिया नेपालया पाखे स्वास्थ्य सेवा विभाग महानिर्देशक दिपेन्द्र रमण सिंह, नेपाल मेडिकल काउन्सिलया अध्यक्ष डा. भगवान कोइराला, स्वास्थ्य सेवा विभागया निर्देशक तारानाथ पोखरेल, नर्सिङ तथा सामाजिक सुरक्षा महाशाखा, स्वास्थ्य सेवा विभागया निर्देशक रोशनी लक्ष्मी तुइतुइ, राष्ट्रिय जनस्वास्थ्य प्रयोगशालाया निर्देशक डा.रुना झा, स्वास्थ्य तथा जनसंख्या मन्त्रालयका वरिष्ठ स्वास्थ्य प्रशासक डा.गुणनिधि शर्मा, शुक्रराज ट्रपिकल तथा सरुवा रोग अस्पतालया डा. अनुप बास्तोला च्वनादिगु दु ।
अथेहे, स्वास्थ्य तथा जनसंख्या मन्त्रालयया वरिष्ठ जनस्वास्थ्य प्रशासक, भीम प्रसाद सापकोटा, नेपाल सशस्त्र प्रहरी अस्पताल डा. शैलेन्द्र श्रेष्ठ, नेपाल आर्मी अस्पतालया डा. अरुण न्यौपाने, नेपाल आर्र्मी अस्पतालया डा.सुशील रावल, नेपाल प्रहरी अस्पतालया डा.आशिष दत्त, पाटन अस्पतालया डा.आशिष श्रेष्ठ, त्रिवि शिक्षण अस्पताल महाराजगञ्जया डा.सन्त कुमार दास च्वनादिगु खःसा नेपाल पक्षया संयोजकय् काठमाडौं विश्वविद्यालयया डा.विराज कर्माचार्य च्वनादिगु खः ।
