Display Style:
Column Style
कोरोना संक्रमितपि ८९ लाख स्वया अप्व जुइ धुकल
लहनान्युज | तछलागा आमै ११४०,असार ७ आइतवाः
हलियकं कोरोना संक्रमितपि ८९ लाख स्वया अप्व जुइ धुकुगु दु । अथेहे सीप ४ लाख ६६ द्धः स्वया अप्वो कोरोना भाईरसया संक्रमण जुइ धुकुगु दु ।
वःगु २४ घण्टाय् जक हलियकं छगु लाख ५४ द्धः स्वया अप्व न्हुपि कोरोना संक्रमित थपे जुइ धुकुगु दु ।
वःगु २४ घण्टाय् जक अमेरीकाय् ३२ द्धः, ब्राजिलय् ३१ द्धः, रुसय् ७८००म्ह व भारतय् १५९१५म्ह न्हुपि संक्रमित थपे जुगु दु ।
युरोपेली देशय् स्वया अमेरीका, ल्याटीन अमेरीका व दक्षिण एशियाय् अप्व कोरोना फैलै जुगु दु ।
भारईरसया कारण आतक ४ लाख ६६ द्धः व निसः मनू सीगु दु ।
अथेहे, ८९ लाख ६ द्धः स्वया अप्व संक्रमित जुइ धुकुगु दु सा ४७ लाख ३२ द्धः मनू वासः याका छेँय् लिहा वने धुकुगु दु ।
भारतय् २४ घण्टाय् १३५८६म्हेसित सङ्क्रमण पुष्टि
लहनान्युज | तछलागा त्रयोदशी ११४०,असार ५ शुक्रवाः
भारतय् कोरोना सङ्क्रमण अप्वया वना च्वगु दु ।
भारतय् वःगु २४ घण्टाया दुने १३५८६ म्हेसित सङ्क्रमण पुष्टि जूगु दु ।
छन्हु हे सङ्क्रमित जूपि आःतक हे दकलय् अप्वगु खः ।
वःगु २४ घण्टाय् दुने ३३६म्ह सीगु दु । भारतय् आः कोरोना सङ्क्रमितपि स्वगू लाख ८० द्धः व न्यासम्ह स्वया अप्वगु दु ।
सङ्क्रमितपि निगु लाख४७१० म्ह उपचार लिपा छेँय् लिहा वःगु दु धका स्वास्थ्य मन्त्रालयं धाःगु दु ।
कोरोना सङ्क्रमण जूया १२५७३म्ह सी धुकुगु दु ।
रुसय् कोरोना संक्रमणं ४८९ चिकित्सकपि मन्त
लहनान्युज | तछलागा त्रयोदशी ११४०,असार ५ शुक्रवाः
रुसय् कोरोना भाइरस संक्रमणपाखे ४८९म्ह चिकित्सकपि सीगु दु । रुसया स्वास्थ्य क्षेत्रय् स्वया च्वपि सरकारी संस्था रोजद्रावनादजोरं जानकारी बिःगु दु ।
लच्छिया दुने १०१म्ह चिकित्सकपि सीगु दु । थ्व नाप ४८९म्ह चिकित्सकपि सीपि अप्वया च्वंगु दु ।
रोजद्रावनादजोरया प्रमुख अला सामोइलोवां सुरक्षा सामग्रीया वितरणय् समस्या जुया वया दु धका धाःगु दु ।
जोन्स हप्किन्स विश्वविद्यालयया कथं रुसय् आतक ५ लाख ६० द्धः स्वया अप्व कोरोना संक्रमित जूगु दु ।
संक्रमितपिनिगु ल्याखय् रुस विश्वया स्वगूगु थासय् लाःगु दु ।
अथेहे रुसय् आतक ७६५०म्ह सीइ धुकुग दु धका जोन्स हप्किन्स विश्वविद्यालयया तथ्यांकय् उल्लेख दु ।
भारतय् कोरानां सीपि १२द्धः थ्यन
लहनान्युज | तछलागा द्धादशी ११४०,असार ४ बिहीवाः
भारतय् कोरोना भाइरस (कोभिड–१९) पाखे सीपिनिगु ल्याः १२द्धः थ्यन ।
भारतया स्वास्थ्य मन्त्रालयं कथं कोरोना भाइरसं सीपि आः १२ द्धः २३७ म्ह थ्यःगु दु ।
वःगु २४ घण्टाय् दुने भारतय् कोरोना भाइरसं सीपिनिगु ल्या ३३४म्ह थ्यःगु दु ।
अथेहे, आतक भारतय् संक्रमितपि स्वगु लाख ६६ द्धः ९४६म्ह थ्यःगु दु । वःगु २४ घण्टाया दुने कोरोना भाइरसं १२ द्धः व ८८१म्ह न्हुपि संक्रमित जूगु दु ।
भारतय् दकलय् अप्व प्रभावित राज्य महाराष्ट्रय् आतक कोरोना भाइरसं छगु लाख १६ द्धः व ७५२म्ह संक्रमित जुइ धुकुगु दु सा न्याः द्धः व ६५१ म्ह कोरोना भाइरसं सी धुकुगु दु ।
भारतय् छन्हु निद्धः स्वया सीत अप्वोल
नृपेन्द्रलाल श्रेष्ठ | तछलागा द्धादशी ११४०,असार ३ बुधवाः
भारतय् कोरोना भाइरसया कारण वःगु २४ घण्टाया दुने निद्धः स्वया अप्वो मनू सीगु दु ।
भारतया स्वास्थ्य मन्त्रालयया तथ्यांक कथं वःगु २४ घण्टाय् दुने भारतय् कोरोना भाइरसं सीपिनिगु ल्याः निद्धः व स्वम्ह सीगु दु । थ्व नाप भारतय् कोरोना भाइरस सीपिनिगु ल्याः ११ द्धः व ९०३म्ह थ्यःगु दु ।
अथेहे भारतय् कोरोना भाइरसया संक्रमितपि स्वगू लाख ५४ द्धः व ६५म्ह थ्यःगु दु । वःगु २४ घण्टाय् भारतय् १० द्धः व ९७४म्ह न्हूपि संक्रमितपि पिहा वःगु दु ।
भारतय् दकलय् अप्वो प्रभावित राज्य महाराष्ट्रय् आः तक कोरोना भाइरसं छगु लाख १३ द्धः व ४४५म्ह न्हुपि संक्रमित पिहा वःगु दु । उगु थासय् न्याद्धः व ५३७ म्ह कोरोना भाइरसया
कारण सीगु दु ।
आःतक भारतय् कोरोना भाइरसं छगू लाख ८६ द्धः व ९३५म्ह संक्रमितपि वासः याका छेँय् लिहा वने धुकुगु दु ।
