Display Style:
Column Style
विश्वय् कोरोना भाइरस सङ्क्रमितपि छगु करोड थ्यन
लहनान्युज | दिल्लाथ्व अष्टमी ११४०,असार १४ आइतवाः
![](https://www.lahananews.com/sites/default/files/u1.jpg)
आतक छगु करोड ७३ द्धः स्वया अप्व कोरोना सङ्क्रमण पुष्टि जुगु धका वल्डोमिटरं धाःगु दु । अथेतु ज्यान वःपि न्यागु लाख स्वया अप्वगु दु ।
आतक ५ लाख व खुसः स्वया अप्वसिगु ज्यान वःगु दु । छगू करोड स्वया अप्व सङ्क्रमित मध्ये ५४ लाख ५१ द्धः स्वया अप्व वासः याका छेँय् लिहा वने धुकुगु दु ।
अमेरिकाय् २५ लाख ९५ द्धः स्वया अप्व सङ्क्रमित मध्ये छगू लाख २८ द्धः स्वया अप्वसिगु ज्यान वःगु दु । अमेरिकाय् छगू लाख ७७ द्धः डिस्चार्ज जुगु दु ।
ब्राजिलय् १३ लाख १५ द्धः स्वया अप्व सङ्क्रमित मध्ये ५७ द्धः सिगु ज्यान वःगु दु सा खुगु लाख २७ द्धः स्वया अप्व सङ्क्रमित जुगु दु । रुसय् च्याद्धः स्वया अप्वसिगु ज्यान वःगु दु ।
अथेतु, भारतय् ५ लाख २९ द्धः स्वया अप्व सङ्क्रमित जुगु दु ।
अन १६ द्धः स्वया अप्वसिगु ज्यान वःगु दु । भारतय् ३ लाख १० द्धः मनूत वासः याका छेँय् लिहा वने धुकुगु दु ।
अमेरिकाय् २४ घण्टाया दुने पीद्धः सङ्क्रमित जुल
लहनान्युज | दिल्लाथ्व षष्ठी ११४०,असार १३ सनीवाः
![](https://www.lahananews.com/sites/default/files/u3.jpg)
अमेरिकाय् वःगु २४ घण्टाय् पीद्धः मनू तयेत कोरोना सङ्क्रमण पुष्टि जूूगु दु ।
आःतक २४ घण्टाय् सङ्क्रमण जुगु मध्ये थ्व हे न्हापागु घटना खः । फ्लोरिडा राज्यय् जक हे झन्डै गुद्धः न्हुपि सङ्क्रमित थपे जूगु दु, थ्व वःगु दिं स्वया न्ह्यःया तुलनाय् ६२ प्रतिशत अप्वःगु खः ।
कोरोना सङ्क्रमित मनू तयेगु ल्याः अप्वगुलि फ्लोरिडा व टेक्सस निगु राज्यय् हाकन लकडाउन प्रतिबन्ध लगे यायेत्यःगु दु ।
अमेरिकाय् आःतक २५लाख स्वया अप्व मनू तयेत सङ्क्रमण पुष्टि जुइ धुकुगु दु सा छगू लाख २७ द्धः स्वया अप्व मनू तयेगु ज्यान वःगु दु ।
अमेरिकी स्वास्थ्य अधिकारीपिनिगु कथं अझ न अप्वइ तिनि धका धाःगु दु ।
बिहीवाः सेन्टर्स फर डिजीजेज कन्ट्रोल (सीडीसी) नं सङ्क्रमितपि वास्तविक ल्याः पुष्टि जूगु स्वया सङ्क्रमण झीगु गुना अप्वइगु अनुमान याःगु दु ।
अमेरिकाय् निगू करोड स्वया अप्व कोरोना संक्रमण जुइगु आशंका
लहनान्युज | दिल्लाथ्व पंचमी ११४०,असार १२ शुक्रवाः
![](https://www.lahananews.com/sites/default/files/in_6.jpg)
अमेरिकाय् निगू करोड स्वया अप्व मनू तयेत कोरोना संक्रमण जुइगु आशंका याना हःगु दु । अमेरिकाया सेन्टर फर डिजिज कन्ट्रोल (सीडीसी) नं थथे आशंका याःगु खः ।
सीडीसीया डाइरेक्टर डा. रोबर्ट रेडभिफल्डं म्हिगः बिहीवाः सन्चारकःमिपि नाप खँ ल्हाःना दिसे जिमिगु आँकलन कोरोना संक्रमणया छगू रिपोर्ट वये ल्यःदनि, उगु रिपोर्ट वःलकि सिइ दइ । अले जक धाये फइ मेगु झीम्हेसित संक्रमण फैलै जुइ फइ धका धयादिगु खः ।
सीडीसीया कथं थुगु महामारीं यक्को ल्याय् म्ह त जुइ धका धाःगु दु । तर ल्याय् म्हपिन्त जुगु इलय् ल्याय् म्हपिके रोग प्रतिरोधक क्षमता अप्वइगुलि सीइगु कम जुइ धका धाःगु दु ।
सीडीसीया संक्रामक रोग विशेषज्ञ डा. जोय बटलरया कथं ल्याय् म्ह तयेत यक्को संक्रमित जुइगुया कारण उमिके बढा तयके स्वया कम सुरक्षाया उपाय अपने याःसा गाः ।
अमेरिकां ल्याय् म्हपिन्त जागरुक दयेकेत टिकटक थेजाःगु सामाजिक सन्जालं छ्यलिगु योजना दयेकुगु दु ।
विश्व स्वास्थ्य संगठन (डब्ल्यूएचओ) या आपतकालीन टिमया प्रमुख डा. माइक रियानया कथं अमेरिका आः तक न कोरोना संक्रमण उच्च विन्दुइ थ्यःगु मदुनि । वइगु दिनय् संक्रमितपि व सीइपिनिगु ल्याः अझ अप्वइगु सम्भावना दु धका धाःगु दु ।
अमेरिकाया जोन्स हप्किन्स विश्वविद्यालयया कथं थौं अमेरिकाय् कोरोना संक्रमितपिनिगु ल्याः २४ लाख ५२ द्धः अप्वःगु दु । अथेतु १ लाख २५द्धः स्वया अप्व मनूत सीइ धुकुगु दु ।
भारतय् कोरोनां सीपि १४द्धः थ्यन
लहनान्युज | दिल्लाथ्व दुतीया ११४०,असार ९ मंगलवाः
![](https://www.lahananews.com/sites/default/files/in1_0.jpg)
भारतय् कोरोना सङ्क्रमितपि प्यःगु लाख ४० द्धः थ्यःगु दु । अथेहे, सीपिनिगु ल्याः १४ द्धः व १५म्ह थ्यःगु दु ।
हलियकं विश्वभर कोरोना भाइरस सङ्क्रमितपिनिगु ल्या ९१ लाख ९२ द्धः स्वया अप्वगु दु । वल्र्डओमिटरया कथं हलियकं ९१ लाख ९२ द्धः व न्ह्यय् सः स्वया अप्वगु दु ।
आतक कोरोना महामारीया कारण प्यःगु लाख ७४ द्धः स्वया अप्वसिगु ज्यान वने धुकुगु दु ।
दकलय् अप्व प्रभावित अमेरिकाय् २३ लाख ८८ द्धः सङ्क्रमित जुगु दु । अथेह,छगु लाख २२ द्धः मनू सीगु दु । ब्राजिलय् ११ लाख ११ द्धः स्वया अप्व सङ्क्रमित जूगु दु । ५१ द्धः प्यसः सीगु ज्यान वने धुकुगु दु ।
भारतय् प्यःगु लख स्वया अप्वः कोरोना संक्रमित जुल
लहनान्युज | तछलागा आमै ११४०,असार ७ आइतवाः
![](https://www.lahananews.com/sites/default/files/coro%201.jpg)
भारतय् छन्हु हे कोरोना भाइरस भारतय् छन्हु हे कोरोना भाइरस (कोभिड–१९) याना १५ द्धः स्वया अप्व संक्रमित जुगु दु ।
भारतया स्वास्थ्य मन्त्रालयया कथं वःगु २४ घण्टाया दुने १५४१३म्ह संक्रमित जुगु दु । थ्व नाप भारतय् कोरोना भाइरसपाखे संक्रमित जुपि प्यःगु लाख स्वया अप्वःगु दु । आतक भारतय् कोरोना भाइरसपाखे संक्रमित जूपि प्यःगु लाख १० द्धः ४६१म्ह थ्यःगु दु ।
अथेहे आतक भारतय् कोरोना भाइरसपाखे सीपिं १३ द्धः व २५४म्ह थ्यःगु दु । वःगु २४ घण्टाय् जक भारतय् कोरोना भाइरसया कारण ३०६म्ह थ्यःगु दु ।
भारतय् दकलय् अप्वः प्रभावित राज्य महाराष्ट्रय् आतक कोरोना भाइरसं छगू लाख २८ द्धः २०५म्ह संक्रमित जुगु दु । अन न्याद्धः व ९८४ म्ह सी धूकुगु दु । अथेहे, तामिलनाडुइ आतक ५६ द्धः ८४५म्ह संक्रमित जूगु दु । उगु थासय् ७०४म्ह सी धूकुगु दु ।
अथेतु, दिल्लीइ ५६ द्धः ७४६म्ह संक्रमित जुगु दु सा निद्धः व ११२ सी धुकुगु दु । गुजरातय् २६ द्धः व ६८०म्ह संक्रमित व द्धःछि व ६३८म्ह सी धूकुगु दु ।
आतक भारतय् निगु लाख २७ द्धः व ७५६म्ह डिस्चार्ज जुया छेँय् वने धुकुगु दु ।