Display Style:
Column Style
लकडाउनया इलय् जक ८९म्ह यूएईलय् सीत
लहनान्युज | दिल्लागा सप्तमी ११४०,असार २८ आइतवाः
![](https://www.lahananews.com/sites/default/files/uau.jpg)
संयुक्त अरब एमिरेट्स यूएई न लकडाउनया इलय् जक ८९म्ह नेपाली तयेगु ज्यान वःगु दु ।
वःगु प्यलाया दुने थीथी कारणं ८९ म्हसिगु ज्यान वःगु दु धका यूएईया लागि नेपाली दूतावास धाःगु दु ।
उकि मध्ये २९म्हसित कोरोनाया कारण ज्यान वःगु धका धाःगु दु । कोरोनाया कारण ज्यान वपि मध्ये छम्हमिसा व नीच्याम्ह मिजंपि खः ।
वःगु लिपाःगु वाः निसे लकडाउनया इलय् तक यूएई ८९म्ह सीगु दु धक दूतावासं धाःगु दु । यूएई हे ४२म्ह सीपिनिगु अन्त्येष्टि अन हे याःगु धका दूतावासं धाःगु खः ।
अथेहे कोरोनाया कारण सीपि २९म्हसिगु न अन्त्येष्टि जुइ धुकुगु दु । बाँकी १८ म्ह मध्ये ११ म्हसिगु लास नेपालय् छ्वया हयागु धका दूतावासं धाःगु दु ।
बाँकी ७म्हसिगु लास आः न थीथी अस्पतालय् तया तःगु दु धका धाःगु दु ।
ट्रम्पं न तयेगु यात मास्क
लहनान्युज | दिल्लागा सप्तमी ११४०,असार २८ आइतवाः
![](https://www.lahananews.com/sites/default/files/trum.jpg)
अमेरिकी राष्ट्रपति डोनाल्ड ट्रम्पं कोरोना भाइरस महामारी सुरु जुइ धुका सार्वजनिक थासय् वयेत न्हापां मास्क तया वःगु दु । म्हिगः शनिवाः वाशिङ्गटन पिने वाल्टर रीड सैन्य अस्पताल वनेत ट्रम्पं मास्क तया वःगु खः ।
जनस्वास्थ्य विज्ञपिन्स कोरोना संक्रमणपाखे बचे जुइत मास्क तयेगु अनिवार्य जूगु धका धाःसा ट्रम्पं थुकियात पालना धाःसा मया । ट्रम्पं थः प्रतिद्वन्द्वी डेमोक्रेटिक नेता जो विडेनयात तक मास्क तया वयाच्वंगुलि मुखौटो तया वयाच्वम्ह धका हिस्यायेगु तक याःगु खः ।
तर म्हिगः शनिवाः ट्रम्पं ह्वाइटहाउसपिने वयेगु झ्वलय् मास्क तयेगु यासा बांलाइ धका धाःगु खः । ट्रम्पं, ‘जि गुवलय् न मास्कया विपक्षय् मखु । जिगु बिचारय् मास्क बांलागु खः, तर थुकिया ई व थाय् दइ धका धाःगु खः ।’
थ्व स्वया न्ह्य ट्रम्पं सार्वजनिक रुपं मेपिन्स खने दयेक, विशेष याना पत्रकारपिन्स खने दयेक तयेगु मयानागु खः धका धाःगु खः । तर शनिवाः ट्रम्पं हाकू मास्कय् पिहा वःगु खः ।
जोन्स हप्किन्स विश्वविद्यालयया कथं अमेरिकाय् ३२ लाख ४५ द्धः स्वया अप्वसित कोरोना संक्रमण पुष्टि जूगु दु सा अन छगू लाख ३४ द्धः स्वया अप्व मनू सी धूकुगु दु ।
विश्वविद्यालयया कथं हलियकं छगू करोड २६ लाख ७९ द्धः स्वया अप्वसित कोरोना संक्रमित पिहा वःगु धका धाःगु दु । कोरोना संक्रमणपाखे ५ लाख ६४ द्धः ३९४ म्ह सी धुकुगु दु ।
‘सुरमा भोपाली’ नांजाम्ह हास्य कलाकार जगदीप मन्त
लहनान्युज | दिल्लागा चौथी ११४०,असार २५ बिहीवाः
![](https://www.lahananews.com/sites/default/files/jadd.jpg)
सुरमा भोपाली नामं नाजाम्ह बलिउडया वरिष्ठ हास्य कलाकार जगदीप मन्त ।
क्यान्सर ल्वयया पीडितम्ह जगदीप ८१ दँय बुधवाः चान्ह्य मुम्बई थःगु छेँय् हे मदुगु खः । थौं बिहीवाः अन्त्येष्टि याइगु जुगु दु ।
जगदीपया वास्तविक नां सैयद इश्तियाक अहमद जाफरी खः । वया काय् पि कलाकारद्वय जावेद व नावेद जाफरी खः ।
मदुम्ह जगदीपं प्यसः स्वया अप्व फिल्मय् म्हितिगु दु । सन् २०१२ या ‘गली गली चोर’ वयागु दकलय् लिपागु फिल्म खः ।
सन् १९७५ य् दय्कूगु शोले फिल्मय् वं सुरमा भोपालीया भूमिकाय् बलिउडय् तसक बय् बय् जूगु खः । वया लिपा सन् १९८८ य् ‘सुरमा भोपाली’ नाम हे फिल्म दयेकुगु खः, उकिइ जगदीपया मू भूमिका दुगु खः ।
जगदीपं सुरु बाल कलाकारया रुपय् मास्टर मुन्नाया रुपय् बीआर चोपडाया फिल्मय् ‘अफसाना’ म्हितिगु खः । वया लिपा ‘लैला मजनु’ य् न बाल कलाकारया रुपय् म्हितिगु खः ।
भारतय् कोरोना छन्हु ४८२म्ह सीत
लहनान्युज | दिल्लागा तृतीया ११४०,असार २४ बुधवाः
![](https://www.lahananews.com/sites/default/files/u2_0.jpg)
भारतय् कोरोना भाइरस (कोभिड(१९) वःगु २४ घण्टाया दुने ४८२ म्ह सीगु दु । स्वास्थ्य मन्त्रालयया कथं थ्व नाप भारतय् कोरोना भाइरसपाखे सीपिनिगु ल्याः २० द्धः ६४२म्ह थ्यःगु दु ।
अथेहे संक्रमितपिनिगु ल्याः न्ह्यगू लाख ४२ द्धः व ४१७ म्ह थ्यःगु दु । वःगु २४ घण्टाय् जक भारतय् कोरोना भाइरसं २२ द्धः व ७५२ म्ह न्हुपि संक्रमितपि पिहा वःगु दु ।
भारतय् दकलय् अप्व प्रभावित महाराष्ट्रय् आः तक कोरोना भाइरसं निगु लाख १७ द्धः मनूत संक्रमित जुइ धुकुगु दु सा गुद्धः व २५०म्ह मनूत सी धूकुगु दु । तामिलनाडुय् आःतक छगू लाख १८ द्धः स्वया अप्व संक्रमित पिहा वःगु दु सा अन १६३६ म्ह सी धुकुगु दु ।
भारतय् आःतक कोरोना भाइरसया वासः याका प्यगू लाख ५६ द्धः व ८३१म्ह संक्रमितपि डिस्चार्ज जुया छेँ लिहा वने धुकुगु दु ।
स्वास्थ्य मन्त्रालयया कथं भारतय् कोरोना भाइरसं सीपि आःतक नीद्धः व ६४२म्ह थ्यने धुकुगु दु ।
अथेहे संक्रमितपि न्ह्यगू लाख ४२ द्धः ४१७ म्ह थ्यःगु दु । वःगु २४ घण्टाय् जक भारतय् कोरोना भाइरसं २२द्धः व ७५२ म्ह न्हुपि संक्रमित पिहा वःगु दु ।
हलियकं छगु करोड १० लाख स्वया अप्व कोरोना संक्रमण
लहनान्युज | दिल्लाथ्व चतुर्दशी ११४०,असार २० शनिवाः
![](https://www.lahananews.com/sites/default/files/u2.jpg)
हलियक छगू करोड १० लाख ४५द्धः स्वया अप्व मनूत कोरोना संक्रमण पुष्टि जुगु दु धका जोन्स हप्किन्स विश्वविद्यालयं धाःगु दु ।
अथेहे सीपिनिगु ल्याः ५ लाख २४ द्धः व ५७७ म्ह थ्यःगु दु ।
कोरोना भाइरस संक्रमण दकलय् अप्व प्रभावित अमेरिकाय् २७ लाख ९३ द्धः स्वया अप्व कोरोना पुष्टि जूगु दु ।
अमेरिकाय् आः तक छगू लाख २९ द्धः व ४३० म्ह सीगु दु ।
ब्राजिलय् संक्रमण निगु थासय् लाना च्वंगु दु ।
ब्राजिलय् १५ लाख ३९ द्धः स्वया अप्व मनूपि कोरोना संक्रमण पुष्टि जूगु दु सा ६१ द्धः व ८८४ म्ह सीगु ज्यान वःगु दु धका जोन्स हप्किन्स विश्वविद्यालयया तथ्यांकय् दु ।