Display Style:
Column Style
अमेरिकाय् ६८ द्धः स्वया अप्व कोरोना संक्रमण पुष्टि
लहनान्युज | दिल्लागा द्धादशी ११४०,श्रावण २ शुक्रवाः
![](https://www.lahananews.com/sites/default/files/uu%20%2854%29.jpg)
अमेरिकाय् छन्हु हे ६८ द्धः व ४२८म्हेसित कोरोना भाइरस संक्रमित पिहा वःगु दु । थ्व नाप वःगु २४ घण्टाय् अमेरिकाय् ९७४ म्ह कोरोना संक्रमणं सीगु दु ।
अमेरिका कोरोना संक्रमणं दकलय् अप्व प्रभावित देश जूगु देय् खः ।
जोन्स हप्किन्स विश्वविद्यालयया कथं आः तक अमेरिकाय् कोरोना संक्रमितपि ३५ लाख ६३ द्धः व ८४८म्ह थ्यःगु दु ।
अथेहे अन सीपिनिगु ल्याः १ लाख ३८२६७म्ह थ्यःगु दु ।
अमेरिकाय् दकलय् अप्व संक्रमितपि लस एन्जलसय् दु । लसएन्जलसय् जक छगू लाख ४३ द्धः व २०७म्हेसित कोरोना पुष्टि जूगु धका जोन्स हप्किन्स विश्वविद्यालयको ड्यास बोर्डं धाःगु दु ।
हलियक कोरोना सीपिनिगु न्यागु लाख स्वया अप्वल
लहनान्युज | दिल्लागा दशमी ११४०,असार ३१ बुधवाः
![](https://www.lahananews.com/sites/default/files/uu%20%2820%29.jpg)
कोरोना भाइरस संक्रमणया कारण हलियकं सीपिनिगु ल्याः ५ लाख ७० द्धः स्वया अप्वःगु दु ।
कोरोनाया कारण हलियक सीपिनिगु ल्याः ५ लाख ७० द्धः व २८८म्ह थ्यःगु दु धका विश्व स्वास्थ्य संगठनं धाःगु दु ।
कोरोनां सीपिनिगु ल्याः दकलय् अप्व अमेरिकाय् न्हापा लाना च्वंगु दु सा ब्राजिल निगू थासय् लाःगु दु ।
चीनं सुरु जूगु उगु कोरोना भाइरसया संक्रमण विश्वया २१६ देशय् फैले जूगु दु धका विश्व स्वास्थ्य संगठनं धाःगु दु ।
हलियकं कोरोना सङ्क्रमितपि निगु करोड स्वया अप्वल
लहनान्युज | दिल्लागा अष्टमी ११४०,असार २९ सोमवाः
![](https://www.lahananews.com/sites/default/files/uu%20%282%29.png)
हलियकं कोरोना भाइरस सङ्क्रमितपिनिगु ल्याः न्हुगु रेकर्ड दयेकुगु दु ।
कोरोना भाइरसया महामारी हलियक सङ्क्रमितपि छन्हु हे जुगु थ्व न्हुगु कीर्तिमान जुगु दु । म्हिगः जक हलियकं निगु करोड ३० द्ध व ३७० म्हेसित कोरोना भाइरसया सङ्क्रमण पुष्टि जुगु धका विश्व स्वास्थ्य संगठनं धाःगु दु ।
छन्हु न्हुपि सङ्क्रमित थपे जुगु आःतक हे थ्व न्हापा खः । थ्व स्वया न्ह्य नीगु लाख २८ द्धः व १८६म्हसित सङ्क्रमण पुष्टि जूगु दु । अमेरिका व दक्षिण पूर्वी एसियाली देशय् सङ्क्रमणपि पिहा वया च्वंगु दु धका संगठनं धाःगु दु ।
म्हिगः जक अमेरिकाय् छगू लाख ४२ द्धः, दक्षिण पूर्वी एसियाय् ३३द्धः, यूरोपय् १८ द्धः, अफ्रिकाय् १७ द्धःव पूर्वी भूमध्यसागरय् १५ द्धः स्वया अप्व सङ्क्रमित थपे जुगु खः ।
म्हिगः हलियकं कोभिड–१९ न्याद्धः व २८५म्हेसिगु ज्यान वःगु दु । हलियकं सङ्क्रमितपि छगू करोड ३० लाख स्वया अप्वगु दु ।
अमिताभ बच्चनया भिं उसाँय् या लागि पूजा व यज्ञ यात
लहनान्युज | दिल्लागा अष्टमी ११४०,असार २९ सोमवाः
![](https://www.lahananews.com/sites/default/files/aaa_1.jpg)
बलिउडया महानायक अमिताभ बच्चनयात कोरोना सङ्क्रमण जुइ वं भि उसाँय् या लागि भारतय् थी थी थासय् पूजापाठ यासे गन यज्ञ तक याःगु दु ।
अमिताभ बच्चन नाप काय् अभिषेक बच्चन, भौं ऐश्वर्या राय बच्चन व छय् आराध्या बच्चनयात न कोरोना सङ्क्रमण पुष्टि म्हिगः जूगु खः ।
![](https://www.lahananews.com/sites/default/files/pictures/aaaaa.jpg)
अमिताभ बच्चनं शनिवाः चान्ह्य हे ट्वीट यासे थःत कोरोना सङ्क्रमण जूगु जानकारी बिःगु खः ।
कलकत्ताय् बच्चनया स्वास्थ्य लाभया कामना यासे यज्ञ याःगु खः । कलकत्ताया श्याम बजारय् च्वंगु महाद्यया थाय् मनू तयेस यज्ञ याःगु खः ।
अथेहे अल सेलिब्रेटी फ्रेन्ड्स क्लबया सदस्यपिन्स बेहालाया चौरस्ता थासय् तजिक पूजा याःगु खः ।
कलकत्ता बाहेक मुम्बई व मध्यप्रदेशय् न पूजा याःगु दु ।
अमिताभ बच्चनया भिं उसाँय् या लागि पूजा व यज्ञ यात
ऐश्वर्या व आराध्यायात नं कोराना संक्रमण
लहनान्युज | दिल्लागा सप्तमी ११४०,असार २८ आइतवाः
![](https://www.lahananews.com/sites/default/files/asd.jpg)
बलिउडया नांजाम्ह कलाकार अमिताभ बच्चनया परिवारयात हे कोरोना संक्रमण जूगु दु ।
न्हापा अमिताभ बच्चन व अभिषेक बच्चन यात जक कोरोना जूगु धका सामाजिक सञ्जाल पिहा वःगु खःसा आः भौ ऐश्वर्या राय व छय् आराध्यायात नं कोरोना संक्रमण जूगु पुष्टि याःगु दु ।
भारतीय संचार माध्यमपाखे अमिताभ व अभिषेक धुंकाः ऐश्वर्या व आराध्यायात नं कोराना संक्र मित जूगु धका सार्वजनिक याःगु दु ।
अमिताभ बच्चनया जहान जया बच्चनयात संक्रमण जूगु खनेमदुनि । बच्चन परिवार छेँजःपि संक्रमित जुइ धुंकाः अस्पताल भर्ना याःगु दु ।