Display Style:
Column Style
भारतीय पूर्वराष्ट्रपति मुखर्जीया अवस्था गम्भीर
लहनान्युज | गुंलागा ८ ११४०,साउन २७ मंगलवाः
![](https://www.lahananews.com/sites/default/files/pranay.jpg)
कोरोना भाइरस (कोभिड–१९) संक्रमण पुष्टि जूम्ह भारतया पूर्वराष्ट्रपति प्रणव मुखर्जीया अवस्था ‘गम्भीर’ जूया वःगु दु धका धाःगु दु ।
भारतया नयाँ दिल्लीया सैनिक अस्पतालय् वयकःयाःगु ब्रेन सर्जरी जूया च्वंगु दु । सर्जरी लिपा वयकःया अवस्था नाजुक जुगु दु ।
आः पूर्वराष्ट्रपति मुखजी यात भेन्टिलेटरय तया तःगु दु ।
सोमवाः ८४ दँयाम्ह मुखर्जीयात कोरोना संक्रमित जूगु धका जानकारी बिःगु खः ।
पूर्वराष्ट्रपति मुखजीं सामाजिक सञ्जाल ट्वीटर पाखे जानकारी बिःगु खः ।
भारतीय राष्ट्रपति रामनाथ कोविन्दं पूर्वराष्ट्रपति मुखजी याःगु भिं उसाँय् या कामना यानादिगु खः ।
निगु करोड स्वया अप्वल कोरोना संक्रमितपि
लहनान्युज | गुंलागा ८ ११४०,साउन २७ मंगलवाः
![](https://www.lahananews.com/sites/default/files/uu%20%2822%29_0.jpg)
हलियकं कोरोना भाइरस (कोभिड–१९) पाखे संक्रमित जुपिनिगु ल्याः निगु करोड स्वया अप्वःगु दु । जोन्स हप्किन्स युनिभर्सिटीया तथ्यांक कथं आः तक कोरोना भाइरसया संक्रमितपि निगु करोड ८९ हजार ६२४ म्ह थ्यःगु दु ।
कोरोना भाइरसं दकलय् अप्व कोरोना संक्रमित अमेरिकाय् पिहा वःगु दु । अमेरिकाय् कोरोना भाइरस संक्रमितपि ५० लाख स्वया अप्वःगु दु ।
वया लिपा ब्राजिलय् कोरोना भाइरस संक्रमितपि ३० लाख स्वया अप्वःगु दु । भारतय् कोरोना भाइरसं २२ लाख स्वया अप्व संक्रमित पिहा वःगु दु ।
विश्वभर कोरोना भाइरसया कारण सीप न्ह्यःगु लाख ३६ हजार १९१म्ह थ्यःगु दु ।
अमेरिकाय् दकलय् अप्व छगु लाख ६३ हजार स्वया अप्व कोरोना भाइरसया कारण सी धुकुगु दु सा ब्राजिलय् छगु लाख व द्धःछि स्वया अप्वः सी धुकुगु दु ।
आःतक हलियकं छगू करोड २२ लाख स्वया अप्व मनूत कोरोना संक्रमितपि वासः याका डिस्चार्ज जुइ धुकुगु दु ।
अमेरिकाय् कोरोना संक्रमितपि ५० लाख स्वया अप्वल
लहनान्युज | गुंलागा ७ ११४०,साउन २६ सोमवाः
![](https://www.lahananews.com/sites/default/files/uu%20%2820%29_0.jpg)
अमेरिकाय् कोरोना भाइरस (कोभिड–१९) पाखे संक्रमितपिनिगु ल्याः ५० लाख स्वया अप्वःगु दु ।
जोन्स हप्किन्स विश्वविद्यालयया कथं सोमवाः सुथय् तक संक्रमितपि ५० लाख ४१ हजार स्वया अप्वःगु दु । अमेरिकाय् भाइरसया कारण सीपिनिगु ल्याः १ लाख ६२ हजार व ९१३ म्ह थ्यःगु दु । थ्व विश्वभर सीपि मध्ये करिब एक चौथाइ खः ।
भाइरस संक्रमणपाखे आर्थिक संकटय् वःपिन्त अमेरिकीयात राहत बिइगु आर्थिक ज्याझ्वलय् राष्ट्रपति डोनाल्ड ट्रम्पं हस्ताक्षर याये त्यःगु इलय् संक्रमितपिनिगु न्हुगु तथ्यांक सार्वजनिक याःगु खः । थ्व स्वया न्ह्य सार्वजनिक आर्थिक सहयोग प्याकेजबारे कंग्रेसया सहमति मबिउगु खः ।
अथेहे, कोरोना भाइरसपाखे विश्वभर १ करोड ९७ लाख ६९ हजार संक्रमित जुइ धुकुगु दु । भाइरसया कारण ७ लाख २९ हजार व स्वसः स्वया अप्वये धुकुगु दु ।
भाइरसया कारण प्रभावित जुगु देश अमेरिका लिपा ब्राजिल खः। सोमवाः सुथय् जक ब्राजिलय् ३० लाख ३५ हजार व प्यसः स्वया ुसंक्रमण पुष्टि जुइ धुकुगु द सा १ लाख १ हजार ४९म्हेसिगु ज्यान वने धुकुगु दु ।
बेलायतय् हाकन लकडाउन सुरु
लहनान्युज | गुंलागा ७ ११४०,साउन २६ सोमवाः
![](https://www.lahananews.com/sites/default/files/uu%20%2819%29_2.jpg)
बेलायतय् कोरोना संक्रमण छन्हु हे अप्वःगु दु । वःगु २४ घण्टाय् जक हे १०६२म्ह न्हुपि संक्रमित पिहा वःगु दु धका अन याःगु संचाः ख्यलय् पिहा वःगु दु ।
जुन महिना लिपा छन्हु हे अप्वः कोरोना संक्रमित पिहा वःगु न्हापागु पटक खः । वःगु न्ह्यः ७५८ म्ह न्हुपि संक्रमित पिहा वःगु खः ।
लिपाःगु तथ्यांकं बेलायतय् कोरोना संक्रमण निक्वःगु लहर सुरु जूगु दु । संक्रमण फैलै जुइगु रोके यायेत बेलायत सरकारं हाकन छु थासय् लकडाउन याःगु दु ।
जोन्स हप्किन्स विश्वविद्यालयया तथ्यांक कथं बेलायतय् आःतक स्वगु लाख १२ हजार ५५५म्हेसित कोरोना संक्रमण पुष्टि जूगु दु ।
अथेहे अन ४६ हजार ६५९म्ह मनूत सी धुकुगु दु ।
गौतम बुद्ध भारतय् जन्म जूगु दाबी : भारतीय विदेशमन्त्री एस.जयशंकर
लहनान्युज | गुंलागा ६ ११४०,साउन २५ आइतवाः
![](https://www.lahananews.com/sites/default/files/jya%20san.jpg)
भारतीय विदेशमन्त्री एस.जयशंकरं गौतम बुद्ध भारतय् जन्म जूगु दाबी याःगु दु । म्हिगः शनिवाः छगु भर्चुअल सम्मेलनय् जय शंकरं गौतम बुद्ध भारतीय जूगु धका धाःगु खः ।
‘झीसं महान भारतीय धका म्हस्यूम्ह गौतम बुद्ध व महात्मा गान्धी खः,’ भारतीय विदेशमन्त्री जयशंकरं, ‘झीस जक मखू हलियमं भारतीयय् कथं म्हस्यू धका धाःगु खः ।’
थ्व स्वया न्ह्यः भारतीय प्रधानमन्त्री नरेन्द्र मोदीं तक बुद्ध भारतय् जन्म जूगु धका धाःगु खः । उकियात कया नेपालय् तसक विरोध जूगु खः । प्रधानमन्त्री मोदी नेपाल भ्रमणय् वःगु इलय् संसदय् सम्बोधन यायेगु झ्वलय् नेपाल बुद्ध भूमि जूगु धका धाःगु खः । तर निदँ न्ह्यः संयुक्त राष्ट्रसंघको महासभाय् मोदीं भारतं विश्वयात बुद्ध बिःगु धका धाःगु खः ।
नेपालया लुम्विनी जन्म जूम्ह गौतम बुद्धयात भारतीय तयेसे भारत हे जन्म जूगु धका दाबी याना वया च्वंगु खः । बुद्ध भारतय् जन्म जूगु धका भारतं नक्कली कपिलवस्तु तक दयेके धुकुगु खः ।