Display Style:
Column Style
कोराना संक्रमित भारतीय पूर्वराष्ट्रपति मुखर्जी कोमाय्
लहनान्युज | गुंलागा ९ ११४०, साउन २९ बिहीवाः
कोरोनाबाट संक्रमित भारतया पूर्व राष्ट्रपति प्रणव मुखर्जी कोमाय् तःगु दु ।
थौं बिहीवाः सुथय् नयाँ दिल्ली पूर्वराष्ट्रपति मुखर्जी आर्मी रिसर्च एण्ड रेफरल हस्पिटलय् कोमाय् तया तःगु जानकारी बिःगु खः ।
अय्न वयकः याःगु अवस्था स्थिर जुया च्वंगु धका अस्पतालं धाःगु दु ।
वःगु सोमवाः पूर्वराष्ट्रपति मुखर्जीयात स्वास्थ्यमा समस्या वये वः अस्पतालय् भर्ना जूगु खः । वया लिपा ब्रेन सर्जरी याःगु खः ।
वःगु सोमवाः ८४ दँया मुखर्जी थःम्हेसिया हे सामाजिक सञ्जालपाखे थःत कोरोना भाइरस (कोभिड–१९) या संक्रमण पुष्टि जूगु धका धाःगु खः ।
मुखर्जी सन् २०१२ निसे २०१७ तक भारतय् राष्ट्रपति जुयादिगु खः ।
भारतय् आःतक दकलय् अप्व कोरोना पुष्टि
लहनान्युज | गुंलागा ९ ११४०, साउन २९ बिहीवाः
वःगु इलय् भारतय् आः तक हे दकलय् अप्व मनू तयेत कोरोना भाइरस संक्रमितपि पिहा वःगु दु ।
भारतय् वगु २४ घण्टाय् ६७ हजार स्वया अप्वः न्हुपि कोरोना संक्रमित थपे जूगु दु ।
थ्व ल्याखं भारतय् छन्हु हे अप्व संक्रमित पिहा वःगु आःतक हे दकलय् अप्व धका धाःगु दु ।
थ्व स्वया न्ह्यः जुलाई ८ तारिखय् दकलय् अप्व ६५ हजार १५६म्हेसित संक्रमण पुष्टि जूगु खः ।
कोरोना संक्रमण दकलय् अप्व प्रभावित जूगु देय् धलखय् भारत स्वगूगु थासय् लाःगु दु ।
अन आः तक संक्रमण पुष्टि जूपि २३ लाख ९५ हजार स्वया अप्वः दये धुकुग दु ।
ब्राजिलय् ५८ हजार स्वया अप्वःगु दु सा अमेरिकाय् ५४ हजार स्वया अप्व संक्रमितपि पिहा वःगु खः ।
बुधवाः हलियकं २ लाख ७४ हजार स्वया अप्वसित कोरोना संक्रमित जूगु दु ।
युएईलय् न्यालाया दुने ११०म्ह नेपाली मन्त
लहनान्युज | गुंलागा ९ ११४०, साउन २९ बिहीवाः
युएईलय् वःगु न्यालाया दुने ११०म्ह नेपाःपिम पिनगिु ज्यान वःगु दु ।
मदुपि न्याम्ह मिसापि खः । प्राकृतिक मृत्युवरण, आत्महत्या, हत्या, कोरोना संक्रमण व दुर्घटनापाखे उपि मदुगु धका दूतावासं म्हिगः बुधवाः छगू सूचंजारी याःगु खः ।
कोरोनाया छम्ह मिसा नाप ३६म्ह नेपाःमिपिनिगु युएईलय् मदुगु खः । कोरोनाया कारण मदुपि ३६म्ह व मेपि सीपिनिगु ६९म्हेसिगु शव युएईलय् हे अन्त्येष्टि याःगु खः ।
दूतावासया सिफारिसय् नेपालय् च्वपि परिवारया स्वीकृति लिपा स्थानीय प्रशासनया समन्वय याना उमिगु शवयात युएईलय् हे अन्त्येष्टि याःगु खः ।
कोरोना बाहेकया कारण ज्यान वःपिनिगु शव ताः ई तक थाना च्वंगु व हवाई उडान ठप्प जूगुलि थःथिति पिन्स अनय् हे अन्तिम संस्कार याःगु खः ।
थ्व हे झुवलय् २६ गु शव धाःसा नेपाल छ्वया हये धुकुगु दु सा प्यःगु शव नेपालय् छ्वया हयेगु झुवलय् दु । ११ गु शवया धाःसा विस्तृत रिपोर्ट मवनि धका दूतावासं धाःगु दु ।
भारत सामाजिक सन्जाल विवादित पोष्टया कारण ल्वापू
लहनान्युज | गुंलागा ८ ११४०, साउन २८ बुधवाः
सामाजिक सन्जाल फेसबुकय् छगु विवादित पोष्टया कारण भारतया बैंगलोरय् ल्वापू जुगु दु । उगु घटानाय् निम्ह सीगु दुसा ६०म्ह स्वया अप्वः प्रहरी घाइते जुगु दु ।
स्थिति नियन्त्रणय् कायेगु लागि प्रहरीं चले याःगु गोली लाना निम्ह सीगु दु ।
उगु हिंसा शहर डिजे हल्ली व केजी हल्ली प्रहरी थाना क्षेत्रय् जूगु खः । आः उगु थासय् कर्फ्यु तया तःगु दु । प्रहरीं उगु घटनायात कया ११० म्हेसित नियन्त्रणय् कया तःगु दु ।
अन प्रहरी धाःगु कथं कांग्रेस सांसद श्रीनिवास मूर्तिया काय्चा नवीन धइम्ह मनू न फेसबुकय् मुस्लिम समुदायया भावनाय् ठेस वःक विवादित खँ पोष्ट याःगु धका धाःगु खः, उकि कारण उगु समुदायपि विरोधय् पिहा वयेवः घटनायु हिंसाया रुप काःगु खः ।
प्रदर्शनकारीपिन्स प्रहरी स्टेशनय् आप्पा कयेका गाडी तक च्याकुगु खः । इमिसं कांग्रेस विधायक श्रीनिवासया छेँय् तोडफोड तक याःगु खः ।
विधायक श्रीनिवासं छगु भिडियो सन्देश सार्वजनिक यासे शान्ति कायम यायेत इनाप यास दोषीयात कारवाही यायेगु आश्वासन बिःगु खः । प्रहरीं नवीनयात ज्वने धुकुगु दु ।
रुसय् दयेकुगु कोरोना विरुद्धया खोपय् न्ह्यसः
लहनान्युज | गुंलागा ८ ११४०, साउन २८ बुधवाः
विश्व स्वास्थ्य संगठन (डब्लूएचओ) नं रुसय् विकसित याःगु कोरोना विरुद्धया खोपय् न्ह्यसः थःगु दु ।
रुसं दयेकुगु खोपबारे जानकारी मदुगु मूल्याङकन याये फइ मखुगु धका डब्लूएचओं धाःगु दु । डब्लूएचओया जरबास बारबोसां कोरोना विरुद्धया खोप दयेकेगु लागि डब्लूएचओ याके सिफारिस काये माःगु नियम पालना याये माःगुलि जोड बिःगु दु । थ्व नियमं कोरोना विरुद्ध दयेकुगु धका धाःगु खोप सुरक्षित जुइगु न वयकलं दाबी यानादिगु खः ।
वःगु वालय् विश्व स्वास्थ्य संगठनं रुसयात कोरोना विरुद्धया खोप दयेकेगु् अन्तराष्ट्रिय मापदण्ड पालना यायेत इनाप यानादिगु खः । तर रुसया राष्ट्रपति भ्लादिमिर पुटिनले रुसं विकास याःगु कोरोना भाइरस विरुद्धया खोप आः निला लिपा हे मनू तयेत बिइगु धका धयादिगु खः ।
राष्ट्रपति पुटिनं थः म्हाय् यात न खोप बियाइगु धका जानकारी बिउगु खः । कोरोना विरुद्ध रुस तयार याःगु खोपया दक्को परीक्षण क्वचाःगु धका दाबी यानादिगु खः ।
कोरोना विरुद्धया खोप स्वीकृत याःगु रुस न्हापागु राष्ट्र खः । तर वैज्ञानिक पिन्स स्वक्वःगु पटक तक परीक्षण मयागु धका खोप स्वीकृत यागुलि विश्वसनीयताय् थःगु खः । विश्व स्वास्थ्य संगठनं स्वक्वः चरणय् परीक्षण याना खुगु खोपया सूची तयार याःगु खः । उगु सूचीइ रुसं विकास याःगु खोप समावेश मदु ।
हलियकं सच्छि मल्याक न्हापागु चरणयम खोप परीक्षणय् दुगु सन् २०२१ स्वया न्ह्य कोरोना विरुद्धया खोप वइगुलि शंका दुगु धका बीबीसीं धाःगु दु ।
