Display Style:
Column Style
भारतय् कोरोनां सीपि ५८ हजार अप्व थ्यन
लहनान्युज | ञंलाथ्व ७ ११४०,भाद्र ९मंगलवाः
भारतय् कोरोना भाइरस (कोभिड–१९) पाखे सीपिनिगु ल्याः ५८ हजार स्वया अप्व थ्यःगु दु ।
भारतया स्वास्थ्य मन्त्रालयं बिःगु जानकारी कथं आःतक कोरोना भाइरसया कारण सीपिं ५८ हजार ३९० म्ह थ्यःगु दु । वःगु २४ घण्टाय् जक ८४८ म्ह सी धुकुगु दु धका धाःगु दु ।
भारतय् संक्रमित जूपि ३१ लाख ६७ हजार ३२४ म्ह थ्यःगु दु । वःगु २४ घण्टाय् भारतय् ६० हजार ९७५म्ह न्हुपि संक्रमितपि पिहावःगु दु ।
आःतक भारतय् न्ह्यःगु लाख ४३४८ म्हेसित कोरोना भाइरसका संक्रमितपि वासः याका छेँय् लिहा वने धुकुगु दु ।
भारतय् वःगु २४ घण्टाय् गूगू लाख २५ हजार ३८३ म्हेसिगु कोरोना भाइरसया नमुना परीक्षण याःगु खः ।
हङकङय् छम्हे मनूयाके निक्वः कोरोना भाइरसपाखे संक्रमित
लहनान्युज | ञंलाथ्व ७ ११४०,भाद्र ९मंगलवाः
हङकङय् छम्ह मनूयात निक्वः तक कोरोना भाइरसपाखे संक्रमित जूगु दु । थुगु घटनायात धाःसा बैज्ञानिकपिन्स संसारया हे न्हापागु घटना जूगुु दु धका धाःगु दु ।
उम्ह मनू ३० दँ दुम्ह न्हापागु पटक प्यला न्ह्यः कोरोनापाखे संक्रमित जूगु खः । विशेषज्ञया कथं छम्ह हे मनूयात निकः तक कोरोनापाखे संक्रमित जुइगु घटना दुर्लभ जुइ ।
हङकङ्ग विश्वविद्यालयया रिपोर्ट कथं उम्ह मनू कोरोना संक्रमण ठीक जुइ न्ह १४ दिं तक अस्पतालय् च्वना च्वंम्ह खः । संक्रमण थिक जुइ धुका छेँ लिहा वःगु खः । तर हाकन एयरपोर्टय् स्वास्थ्य जाँच याःगु इलय् निक्वःगु पटक कोरोना संक्रमण पुष्टि जुगु खः । उम्ह मनूयात कोरोना संक्रमणया छु न लक्षण मदुगु खः ।
लण्डन स्कुल अफ हाइजिन व ट्रपिकल साइन्सया प्रोफेसर ब्रेन्डन रेनया कथं कोरोना संक्रमण लिहा वइगु तसक दुर्लभ घटना खः थुकि सिइ दु भाइरसं ई कथं थःत ह्यूपाः हइ उकि भ्याक्सिन अत्यन्त जरुरी खः ।
वैज्ञानिकपि कथं सू मनूयाके कोरोना संक्रमण जुया ठिक जुइ वयागु म्हय् रोग प्रतिरोधात्मक क्षमता विकसित जुइ व भाइरसयात हानक लिथ्वइगुपाखे राके याइ ।
अय्न रोग प्रतिरोधात्मक क्षमता गुलि ताःहाकः तक जुइ धका धाःसा स्पष्ट जुगु मदु ।
अमेरिकां प्लाज्मा थेरापीया अनुमति बिल
लहनान्युज | ञंलाथ्व ६ ११४०,भाद्र ८ सोमवाः
अमेरिकां कोरोना संक्रमितपिनिगु वासः यायेगु लागि प्लाज्मा थेरापीयाःगु अनुमति बिःगु दु ।
राष्ट्रपति डोनाल्ड ट्रम्पं ह्वाइट हाउसय् छगू पत्रकार सम्मेलनयासे उगु खँया जानकारी बिःगु दु ।
कोरोना भाइरसयात ‘चिनियाँ भाइरस’ धाःसे ट्रम्पं थुगु मजबुत लडाइँया छगु ब्बः खँ धका धाःसे थुगु लडाइँपाखे यक्को जीवन जोगे याये फइ धका धाःगु दु ।
ट्रम्पं प्लाज्मा थेरापीपाखे सीपि ३५ प्रतिशत घटे याये फइगु अनुसन्धानपाखे सिइ दुगु धका धाःगु दु । उकि कोरोना संक्रमणपाखे लायेकेगु लागि प्लाज्मा दान यायेत आह्वान याःगु दु ।
अमेरिकी राष्ट्रपति ट्रम्पं कोरोना भाइरस विरुद्धया खोप याकन हे पिहा वइगु खँय् विश्वास प्वका दिगु दु ।
अमेरिकाय् हलियक स्वया दकलय् अप्व ५६ लाख ९९ हजार स्वया अप्व मनूत कोरोनापाखे संक्रमित जूगु दु । उकि मध्ये १ लाख ७६ हजार स्वया अप्व मनूत सी धूकुगु दु ।
कोरोनां हरेक १५ सेकेण्डय् छम्ह मनू सीना च्वंन
लहनान्युज | ञंलाथ्व ५ ११४०,भाद्र ७ आइतवाः
कोरोना भाइरसया संक्रमणपाखे हरेक २४ घण्टाय् ५ हजार गुसः म्ह सीना च्वंगु दु ।
समाचार एजेन्सी रोयटर्सया कथं शुक्रवाः तक वःगु निवाःया आँकडाया आधारय् थुगु लिच्वः पिकाःगु खः ।
थुकिया आधारयु स्वया वःगु एक घण्टाय् २४६ व प्रति १५ सेकेण्डय् छम्ह मनू सीना च्वंगु धका धाःगु दु ।
जोन्स हापकिन्स विश्वविद्यालयया कथं हलियकं कोरोना संक्रमणपाखे सीपिनिगु ल्याः ८ लाख थ्यःगु दु ।
दकलय् अप्व अमेरिकाय् १ लाख ७५म्ह मनू सी धूकुगु दु । वया लिपा ब्राजिल, मेक्सिको, भारत व ब्रिटेनय् सीपि दुगु खः ।
न्यादँ च्वयेयापि मचापिन्स मास्क तयेमाः डल्ब्यूएचओ
लहनान्युज | ञंलाथ्व ५ ११४०,भाद्र ७ आइतवाः
विश्व स्वास्थ्य संगठन (डब्ल्यूएएचओ) नं मचापिन्त मास्क तयेगु लागि न्हुगु नियम हःगु दु ।
डल्ब्यूएचओया कथं मचापिन्त भाइरस गुलि तक फैलै जूइगु धका प्रष्ट जूगु मदुनि ।
उके खुदँ निसे झींछदँ तकया मचापिनन्त मास्क तयेगु धासा सल्लाह बिःगु दु ।
अथेहे ६० दँया मनू तयेस न म्हति कापःया मास्क तये माः धका धाःगु दु । ६० दँया स्वया च्वये मनू तयेस व ल्वगिपि मनूपिन्स मेडिकल मास्क तये माः धका धाःगु दु ।
