Display Style:
Column Style
हलियकं कोरोना सङ्क्रमणं मदुपि च्यागु लाख थ्यन
लहनान्युज | ञंलाथ्व ४ ११४०,भाद्र ६ सनिवाः
![](https://www.lahananews.com/sites/default/files/corna11.jpg)
हलियकं कोरोना सङ्क्रमणं मदुपि च्यागु लाख थ्यन स्वया अप्वो थ्यने धुकुगु दु । हलियक २१३ देशय् थुगु कोरोना भाइरस फैलै जुइ धुकुग दु ।
अथे कोरोना भाइरस सङ्क्रमणं आःतक ८ लाख ३३७४म्हेसिगु ज्यान वने धुकगु दु ।
हलियकं आःतक २ करोड ३१ लाख ३० द्धः व प्यसः स्वया अप्व कोरोना सङ्क्रमण जुइ धुकुगु दु ।
सङ्क्रमित मध्ये १ करोड ५७ लाख २२ हजार व न्ह्यसः वासः याका छेँय् लिहा वने धुकुगु दु ।
कोरोना सङ्क्रमण दकलय् अप्व अमेरिकाय् ५७ लाख ९६ हजार स्वया अप्व सङ्क्रमण जुइ धुकुगु दु । छगु लाख ७९ हजार व निसःया ज्यान वने धुकुगु दु ।
अथेहे, ब्राजिलय् ३५ लाख ३६ हजार व प्यसः स्वया अप्व सङ्क्रमित जुइ धुकुगु दु ।
भारतय् छन्हु १० लाख स्वया अप्व कोरोना परीक्षण
लहनान्युज | ञंलाथ्व ४ ११४०,भाद्र ६ सनिवाः
![](https://www.lahananews.com/sites/default/files/uu%20%2854%29_0.jpg)
सङ्क्रमण अप्वया वःगुलि भारतय् परीक्षणया दायरा अप्वकूगु दु ।
भारतया स्वास्थ्य मन्त्रालयया कथं छन्हु १० लाख स्वया अप्वसित परीक्षण यायेगु क्षमता अप्वकूगु दु ।
वःगु २४ घण्टाय् भारतय् १० लाख स्वया अप्वसिगु नमूना सङ्कलन याःगु दु धका भारतया स्वास्थ्य मन्त्रालयं दाबी याःगु दु ।
वःगु २४ घण्टाय् जक भारतय् झण्डै ७० द्धः म्ह सङ्क्रमण पिहा वःगु खः ।
थ्व नाप १० लाख २३ हजार ८३६ म्हसिगु कोरोना परीक्षण याःगु दु धका भारतीय स्वास्थ्य मन्त्रालय धाःगु दु ।
भारतय् वःगु २४ घण्टाय् ९४७ म्हेसिगु ज्यान वःगु दु ।
अथेहे आःतक २९ लाख ७९द्धःस्वया अप्व सङक्रमित जूगु दु । ५५९००म्हेसिगु ज्यान वने धुकुगु दु ।
निदँया दुने कोरोना नियन्त्रणय् वइ : डब्लूएचओ
लहनान्युज | ञंलाथ्व ४ ११४०,भाद्र ६ सनिवाः
![](https://www.lahananews.com/sites/default/files/uu%20%282%29_2.png)
विश्व स्वास्थ्य संगठन (डब्लूएचओ) न आः निदँया दुने कोरोना भाइरस नियन्त्रणय् वइ धका आशा याःगु दु ।
संगठनया महानिर्देशक डाक्टर टेड्रोस एडनाम गेब्रेयेससया कथं सन् १९१८ य् फैलै जूगु स्पेनिस फ्लूया तुलनाय् कोरोना नियन्त्रणय् वइ धका धाःगु दु ।
आःतक उपचार पद्धतिं कोरोनायात निदँया दुने नियन्त्रणय् वइ धका धाःगु खः ।
स्पेनिस फ्लू न निदँया दुने नियन्त्रणय् वःगु धका धयादिसे कोरोना न नियन्त्रणय् वइगु आशा यानादिगु खः ।
स्पेनिस फ्लूया कारण सन् १९१८ निसे १९२० तक कम्ती न न्याःगु करोड मनू तयेगु ज्यान वःगु खः ।
कोरोना भाइरसया कारण हलियकं झण्डै च्यागु लाख मनू तयेगु ज्यान वने धुकुगु दु ।
इजरायलय् वनेत कुटनीतिक राहदानी दुपिं भिसा मकासे वने दइ
नृपेन्द्रलाल श्रेष्ठ | ञंलाथ्व ४ ११४०,भाद्र ६ सनिवाः
![](https://www.lahananews.com/sites/default/files/an.jpg)
नेपालय् च्वपि कुटनीतिकपि राहदानी दुपिं आः भिसा मदुसां इजरायल वनेफइगु जूगु दु ।
अथेहे इजरायल च्वंपि न कुटनीतिक राहदानी दुपिं नेपालय् वयेगु लागि भिसा मकास्ये वयेगु वने दइगु जुगु दु ।
थुकिया लागि नेपाः सरकार व इजरायल दथुइ छगू सम्झौता जूगु खः । उगु सम्झौता कथं नेपाः व इजरायलया कुटनीतिक राहदानी दुपिं भिसा मकासे ९० दिं तक च्वने दइगु जूगु खः ।
इजरायलया परराष्ट्रय् मन्त्रालय जूगु उगु ज्याझ्वलय् नेपाःया निंतिं इजरायली राजदूत डा. अन्जान शाक्य व इजरायलया परराष्ट्र मन्त्री गाबी अश्केनाजीं उगु सम्झौताय् हस्ताक्षर यानादीगु खः ।
ज्याझ्वलय् थःगु खँ तयेगु झुवलय् राजदूत शाक्यं लर्न एड अर्न प्रोजेक्ट मार्फत इजरायल वयाच्वंपिं नेपाःमि विद्यार्थीपिन्त तालिम अवधी ११ महिना थपे याना उपिं विज्ञया रुपय् वये फइगु सुझाव न बियादीगु खः ।
अथेहे केयरगिभिङ ख्यलय् नेपाःमितय्त हाकनं हयेगु व रोजगारीया मेमेगु क्षेत्रय् नं लुखा चायेका वनेगु निंतिं निगू पक्ष दथुइ खँल्हाबल्हा जूगु खँ धाःगु दु ।
भारतय् कोरोना सीपि ५० हजार थ्यनि न
लहनान्युज | गुंलागा १२ ११४०,साउन ३२ आइतवाः
![](https://www.lahananews.com/sites/default/files/uu%20%2845%29.jpg)
भारतय् कोरोना भाइरस (कोभिड(१९) संक्रमणं सीपिनिगु ल्याः ५० हजार थ्यने त्यःगु दु ।
भारतया स्वास्थ्य मन्त्रालय बिःगु जानकारी कथं आःतक भारतय् कोरोना भाइरस सीपि ४९ हजार ९८०म्ह थ्यःगु दु ।
वःगु २४ घण्टाय् जक भारतय् ९४४ म्ह थ्यःगु दु ।
अथेहे भारतय् कोरोना भाइरसपाखे संक्रमित जूपि २५ लाख ८९ हजार ६८२म्ह थ्यःगु दु । वःगु २४ घण्टाय् जक भारतय् कोरोना भाइरस ६३ हजार ४८९म्ह न्हुपि संक्रमित पिहा वःगु दु ।
आःतक भारतय् १८ लाख ६२ हजार २५८ म्ह संक्रमितपि डिस्चार्ज जुइ धुकुगु दु ।