Display Style:
Column Style
भारतय् छन्हु हे ७७ हजार संक्रमित थपे जुल
लहनान्युज | ञंलाथ्व ११ ११४०,भाद्र १३ सनिवाः
भारतय् वःगु २४ घण्टाय् ७७ हजार २६६ म्ह कोरोना संक्रमित जूगु दु । वःगु २४ घण्टाय् भारतमा ७५ हजार ७६०म्ह संक्रमित थपे जूगु दु । संक्रमितपि ३३ लाख ८७ हजार ५०० म्ह थ्यःगु दु ।
वःगु २४ घण्टाय् जक १ हजार ५७म्ह कोरोना संक्रमितपि सीगु धको विश्व स्वास्थ्य संगठनया तथ्यांकं उल्लेख याःगु दु । भारतय् कोरोनाया कारण सीपि ६१ हजार ५२९ म्ह थ्यःगु दु धका विश्व स्वास्थ्य संगठनं धाःगु दु ।
भारत विश्वय् यक्का कोरोना संक्रमित जुगु देय् या धलखय् अमेरिका व ब्राजिल लिपा स्वगू थासय् दु ।
हलियकं कोरोना संक्रमितपि २ करोड ४३ लाख थ्यन
लहनान्युज | ञंलाथ्व ११ ११४०,भाद्र १३ सनिवाः
हलियकं कोरोना संक्रमितपि २ करोड ४३ लाख न्ह्यने थ्यःगु दु ।
विश्व स्वास्थ्य संगठनया कथं आः तक कोरोना संक्रमितपि २ करोड ४२ लाख ९९ हजार ९२३ म्ह थ्यने धुकुगु दु ।
कोरोनाया कारण हलियकं थौंतक ८ लाख २७ हजार ७३० म्ह सी धुकुगु दु ।
हलियक दकलय् अप्व कोरोना संक्रमितपिनिगु देय् मध्ये अमेरिका न्हापागुलि दु ।
हलियकं २४ घण्टाय् २ लाख ८१ हजार संक्रमित
लहनान्युज | ञंलाथ्व ११ ११४०,भाद्र १३ सनिवाः
वःगु २४ घण्टाय् हलियकं २ लाख ८१ हजार कोरोना संक्रमित जूग दु ।
थ्व स्वया न्ह्यःया तुलनाय् यक्को खः ।
वःगु २४ घण्टाय् २ लाख ६७ हजार ६७० म्ह कोरोना संक्रमित थपे जूगु दु धका विश्व स्वास्थ्य संगठनया तथ्यांकमा उल्लेख याःगु दु ।
कोरोनाया कारण आःतक ८ लाख २७ हजार ७३० म्ह संक्रमितपि मदये धुकुगु दु ।
संक्रमितपि २ करोड ४२ लाख ९९ हजार ९२३ म्ह थ्यःगु दु ।
क्यान्सर वासः यायेत सञ्जययात न्यादँया लागि भिस
लहनान्युज | ञंलाथ्व १० ११४०,भाद्र १२ शुक्रवाः
छु वाः न्ह्यनिसे फोक्सोया क्यान्सर पत्ता लगे जुगुलि अभिनेता सञ्जय दत्तयात मेगु चरणया वासः यायेत अमेरिका वनेगु तयारी याःगु दु ।
वासः यायेगु लागि सञ्जययात न्यादँया अमेरिकी भिसा बिःगु दु । थौंकन्हय वयाःगु वासः प्रारम्भिक उपचार मुम्बईया कोकिलाबेन अस्पताल जुया च्वंगु दु ।
सासः ल्ह्यायेगु समस्या वःगुलि वयात निन्ह निसे लीलावती अस्पताल भर्ना याना तःगु दु । कोरोना संक्रमणया कारण समस्या उत्पन्न जुगुलि परीक्षण याःगु खः ।
तर वयागु कोरोना रिपोर्ट नेगेटिभ वःगुलि थप परीक्षण लिपा वयात क्यान्सर जुगु पत्ता लगे जूगु खः ।
थौं कन्ह्य महामारी फैलै जुयाच्वंगु कोरोनाया कारण भारतय् वासः याका स्थिति सामान्य जुलकि अमेरिका वनेगु योजना दु धका वया तिरि मय्जु मान्यतां सामाजिक सञ्जाल पाखे धाःगु दु ।
भारतय् छन्हु हे ७५ हजार संक्रमित थपे जुल
लहनान्युज | ञंलाथ्व १० ११४०,भाद्र १२ शुक्रवाः
भारतय् छन्हु हे आःतक मध्ये कोरोना सक्रमित ७५ हजार थपे जूगु दु ।
विश्व स्वास्थ्य संगठनया कथं आःतक भारतय् कोरोनाया कारण सीपिनिगु ल्याः ६० हजार ४७२म्ह स्वया अप्व जुगु दु ।
वःगु २४ घण्टाय् छन्हु हे ७५ हजार ७६० म्ह संक्रमित थपे जूगु खः । भारतय् वःगु २४ घण्टाय् १ हजार २३ म्ह कोरोना संक्रमितपि सीगु धका विश्व स्वास्थ्य संगठनया तथ्यांकय् उल्लेख याःगु दु ।
भारतय् आःतक संक्रमितपि ३३ लाख १० हजार २३४ म्ह थ्यःगु दु ।
भारत स्वया अप्व कोरोना संक्रमित जूगु देय् अमेरिका व ब्राजिल खः । भारतय् लकडाउन लिकाये धुका कोरोना संक्रमण न्हिया न्हिथं अप्वया वया च्वंगु खः ।
