Display Style:
Column Style
भारतया चर्चित गायिका लता मंगेशकर निवास सिल
लहनान्युज | ञंलाथ्व १३ ११४०,भाद्र १५ सोमवाः
![](https://www.lahananews.com/sites/default/files/Lata.Mangeshkar.jpg)
भारतया चर्चित गायिका लता मंगेशकर च्वनेगु निवास सिल याःगु दु । कोरोना भाइरसया संक्रमण जुइ फइगुलि सावधानी अपने यायते बृहन्मुम्बई नगरपालिका निगम (बीएमसी) नं मंगेशकरया छेँ सिल याःगु खः ।
गायिका व वया परिवार सुरक्षित यायेत व महामारी विरुद्ध पूर्व सावधानी स्वरुप जक भवन सिल याःगु धका मंगेशकर परिवारया विज्ञप्ति जारी याःगु दु ।
उगु विज्ञप्तिइ, “जिमिसं प्रभाकुञ्ज (भवन) सिल याःगु जिज्ञासां जाःगु फोनक वया च्वंगु दु । छेँय् जिपि ज्येष्ठ नागरिकपि जक दुगुलि बिल्डिङ सोसाइटी व बीएमसीं महामारी संक्रमण जुइ न्ह्य हे माःगु सुरक्षाया सावधानी स्वरुप भवन सिल याःगु खः । सामाजिक दूरी कायम याये माःगुलि थुगुसिया गणेश पुजा न परिवारया सदस्य दथुइ साधारण रुपं हनाःगु खः ।”
नाप उगु विज्ञप्तिइ मंगेशकर परिवारया स्वास्थ्य अवस्थाबारे म्वाःगु व मखुगु खबर फैलै मयाये इनाप याःगु दु ।
भारतीय पूर्वराष्ट्रपति मुखर्जीया स्वास्थ्य समस्या वया च्वन
लहनान्युज | ञंलाथ्व १३ ११४०,भाद्र १५ सोमवाः
![](https://www.lahananews.com/sites/default/files/pranay_1.jpg)
भारतया पूर्वराष्ट्रपति प्रणव मुखर्जीया स्वास्थ्य अवस्था झन् स्यना वना च्वंगु दु । वयात दिल्लीया सेनायाःगु अस्पतालय् भर्ना याना तःगु दु ।
अस्पतालं स्वंय् संक्रमणया कारण वयाःगु ‘सेप्टिक सक’ जुगु दु धका धाःगु दु । आर्मी रिसर्च एन्ड रेफरल हस्पिटलं जारी याःगु बयानय् छु दिंन्ह्य निसे प्रणव मुखर्जीया स्वास्थ्यय् समस्या वयाच्वंगुलि स्वंय् इन्फेक्सनया कारण ‘सेप्टिक सक’ जूगु दु धका धाःगु खः ।
अस्पतालं डाक्टरपिनिगु विशेष टोलीं वयागु वासः याना वयाच्वंगु खः । पूर्वराष्ट्रपति मुखर्जी आः कोमाय् भेन्टिलेटर ग्वाहालिं वासः याना वयाच्वंगु दु ।
अस्पतालय् वासः यायेगु झ्वलय् वयात कोरोना भाइरसया संक्रमण खनेदुगु खः ।
कोरोना संक्रमितपि हलियकं २ करोड ४८ लाख थ्यन
लहनान्युज | ञंलाथ्व १३ ११४०,भाद्र १५ सोमवाः
![](https://www.lahananews.com/sites/default/files/w%20co_0.jpg)
हलियकं कोरोना संक्रमितपि २ करोड ४८ लाख स्वया अप्वो थ्यःगु दु ।
विश्व स्वास्थ्य संगठनया कथं आःतक हलियकं कोरोना संक्रमितपि २ करोड ४८ लाख ५४ हजार १४० म्ह थ्यःगु दु धका धाःगु दु ।
कोरोनाया कारण हलियकं ८ लाख ३८ हजार ९२४ म्ह मदय् धुकल ।
भारतय् छन्हु हे ७८ हजार संक्रमित थपे जुल
लहनान्युज | ञंलाथ्व १३ ११४०,भाद्र १५ सोमवाः
![](https://www.lahananews.com/sites/default/files/in%20co%201_0.jpg)
भारतय् आःतक हे दकलय् अप्वो छन्हु हे ७८ हजार संक्रमित थपे जूगु दु ।
भारतय् वःगु २४ घण्टाय् ७८ हजार ७६१ म्ह न्हुपि कोरोना संक्रमित थपे जूगु दु ।
विश्व स्वास्थ्य संगठनया कथं भारतय् छन्हु हे दकलय् अप्वोगु थ्व न्हापागु खः ।
विश्व स्वास्थ्य संगठनया कथं भारतय् कोरोनाया कारण सीपिनिगु ल्याः ६३ हजार ४९८ म्ह थ्यःगु दु ।
भारतय् वःगु २४ घण्टाय् ९४८ म्ह कोरोना संक्रमितपि मदुगु धका विश्व स्वास्थ्य संगठनया तथ्यांकय् उल्लेख याःगु दु ।
कोरोना संक्रमण भारतय् आःतक ३५ लाख ४२ हजार ७३३ म्ह थ्यःगु दु ।
हलियकं ५ हजार ३६१ म्ह कोरोना संक्रमितपि मन्त
लहनान्युज | ञंलाथ्व १३ ११४०,भाद्र १५ सोमवाः
![](https://www.lahananews.com/sites/default/files/uu%20%2820%29_1.jpg)
वःगु २४ घण्टाय् हलियकं ५ हजार ३६१ म्ह कोरोना संक्रमितपि सी धुकुगु दु ।
विश्व स्वास्थ्य संगठनया कथं थ्व स्वया न्ह्यया २४ घण्टाय् ५ हजार ८२४म्ह कोरोना संक्रमितपि मदुगु खः ।
हलियकं २१६ गु देशय् फैलै जुया वयाच्वंगु कोरोनाया कारण आःतक ८ लाख ३८ हजार ९२४ म्ह सी धुकुगु दु ।
अथेहे संक्रमितपि २ करोड ४८ लाख ५४ हजार १४० म्ह थ्यःगु दु ।