चन्द्रमाय् बिचाः यानातःगु स्वया अप्पो लः दु। भारतीय अन्तरिक्ष अनुसन्धान संस्था (इसरो) न याःगु अध्ययन कथं चन्द्रमा न्यागु स्वया अप्पो च्यागु गुणा तक लः धका धाःगु दु।

अध्ययन क्यःगु कथं चन्द्रमाय् सतह क्वय् च्वापू दुगु व उकिया माःगु कथं पिकाय् फइगु खने दु धका भारतीय सञ्चारमाध्यम टाइम्स अफ इन्डियां धाःगु दु। अनुसन्धान संस्था इसरोया स्पेस एप्लिकेशन सेन्टर, आईआईटी कानपुर, युनिभर्सिटी अफ सदर्न क्यालिफोर्निया, जेट प्रोपल्सन ल्याबोरेटरी व आईआईटी–आईएसएम धनबादया वैज्ञानिकतय्स मंकाः कथं अध्ययन यागु खँय् उल्लेख याःगु दु।

उगु अध्ययनं चन्द्रमाय् निगु हे ध्रुवय् च्वापू न्हापा स्वया अप्पो दु धका पत्ता लगे याःगु दु। इसरोया कथं चन्द्रमाया उत्तरी ध्रुवय् दक्षिण ध्रुवया स्वया निब्बः स्वया अप्पो च्वापू दु खनेदु धका धाःगु दु।

• Read more about add-s

रुसं युक्रेनया राजधानी किभय् तधःगु विद्युत केन्द्र, ट्रिपिल्या पावर प्लान्टय् आक्रमण याना पूर्ण नष्ट याना बिउगु दु।

राजधानी किभनापं युक्रेनया तधःगु स्वंगु शहरय् मत वनिइगु विद्युत् केन्द्रय् क्षति यानाबिउगु दु। छगु तधःगु पावर प्लान्टय् आक्रमण जुगु धका ऊर्जा कम्पनी सेन्टर एनर्गो न पुष्टि याःगु दु।

आक्रमणया कारण विनाशया मात्रा ग्यानापूसे च्वंगु धका कम्पनीं धागु दु धका बीबीसीं उल्लेख याःगु दु। रुसं ताःईनिसे युक्रेनया ऊर्जा प्रणालीइ सिइक सिइक हे आक्रमणया निशाना दयका वयाच्वंगु दु।

रुसं यागु आक्रमणय् ट्रान्सफर्मर, टर्बाइन, जेनेरेटरय् क्षति यासे पावर प्लान्ट पूर्ण रूपं नष्ट याना बिउगु खः। रुसं युक्रेनया थीथी थासय् च्वंगु विद्युत् केन्द्रयात निशाना दयका ८० स्वया अप्पो मिसाइल व ड्रोन आक्रमण यायेगु यानाच्वंगु दु।

इलेक्ट्रिक भेहिकल इभी उत्पादन याइगु कम्पनी टेस्लाया मालिक एलोन मस्क थुगु लय् भारत भ्रमणय् वइगु जुगु दु।

समाचार एजेन्सी रोयटर्सया स्रोतं धाःगु दु वयकःया भ्रमण अप्रिल २२ निसे २७ तक जुइगु दु। थ्व वयकःया न्हापागु भारत भ्रमण खः।

थुगु इलय्, मस्कं भारतया टेस्लाय् उत्पादन कारखानाया घोषणा यायेफु। मोदी व मस्क दथुए आःतक निक्वः नापलाये धुकुगु दु। २०१५ य् क्यालिफोर्नियाया टेस्ला कारखानाय् व सन् २०२३ या जुनय् न्यूयोर्कय् नापलाये धुकुगु दु।

युक्रेनं दक्षिणी रुसय् ड्रोन आक्रमण याना एयरबेस पार्किङ यानातःगु खुगः रुसी विमान ध्वस्त याना बियागु धका दाबी याःगु दु।

युक्रेनी रक्षा स्रोतया कथं रोस्तोभ क्षेत्रय् याःगु आक्रमणय् मेगु च्यागः विमान बामलाक्क क्षतिग्रस्त जूगु धका दाबी याःगु दु।उगु आक्रमणय् २० म्ह सैनिक सीउगु अनुमान याःगु दु।

स्रोतया कथं युक्रेन युद्धय् छ्यगु सुखोई–२७ व सुखोई–३४ विमान मोरोजोभस्क एयरबेसय् तयातःगु खः। युक्रेन यागु थुगु दाबीइ रुसपाखे छु न प्रतिक्रिया वःगु मदुनि।

बीबीसीं यागु थुगु दाबीयात स्वतन्त्र कथं प्रमाणितयात असमर्थ दु धका धाःगु दु। मेगुपाखे, रुसी अधिकारीतय्स युक्रेननाप स्वागु सीमा क्षेत्रय् ४० स्वया अप्पो ड्रोनया निशाना यागु धका धागु दु।