क्रोएसियाया छगू नर्सिङ होमय् जूगु गोलीकाण्डय् खुम्ह मनूत सीगु दु । जाग्रेबया पूर्वी भागय् लाःगु दारुवरय् च्वंगु छगू नर्सिङ होमय् अज्ञात पुचलं दुहां वनाः गोली चलेयाःगु अन्तर्राष्ट्रिय समाचार संस्था एएफपीं जानकारी ब्यूगु दु।

न्याम्ह घटनास्थलय् हे सीगु खःसा वासः यायेगु झ्वलय् मेम्ह छम्ह सीगु खः। घटनाय् लानाः मेपिं आपालं घाःपाः जूगु दु । प्रहरीं थ्व घटनाय् दुथ्याःम्ह मनूयात ज्वने धुंकूगु धका धाःगु दु। प्रहरीया कथं गोली क्ययेकूम्ह अवकाश प्राप्त सैनिक प्रहरी अधिकृत खः।

थगुने जःलाखःला देय् सर्बियाय् गोली चलेजूगु इलय् राजधानी बेलग्रेडया छगू स्कुलय् जूगु नरसंहारय् १० म्ह मनूत सीगु खः। प्रधानमन्त्री आन्द्रेज प्लेन्कोभिचं सम्बन्धित निकाययात घटनाबारे विस्तृत छानबिन यायेत व थप घटना मजुइकेत आह्वान याःगु दु।

चिनियाँ कम्युनिष्ट पार्टीं केन्द्रीय सदस्यय् पूर्व विदेश व रक्षामन्त्रीयात बर्खास्त याःगु दु। पूर्व विदेशमन्त्री किन् झाङ व रक्षामन्त्री लि साङ्फुयात बिहीवाः च्वंगु पार्टीया केन्द्रीय बैठकं बर्खास्त यायेगु निर्णय याःगु खः।

निम्हं न्हापागु दँय् सरकारपाखे पिहावःगु खः। पार्टीं पीएलए रकेट बलया पूर्व कमान्डर लि यूचाउयात चिइकूगु खः। उमिसं पार्टीया अनुशासन व कानुन याःगु पालना मयागु धका धाःगु खः। भ्रष्टाचार याःगु धका पार्टीं शंका यागु खःसां आःतक आधिकारिक निकायपाखे पुष्टि जूगु मदुनि।

चिनियाँ राष्ट्रपति सी चिन फिङ सन् २०१२ य् पार्टीया नेतृत्वय् वने धुका भ्रष्टाचारविरुद्धय् कडा यानाच्वंगु खः। थुगु दँय् जक उच्च तहया ३६ म्ह कर्मचारी व उपमन्त्रीपिन्त अनुसन्धान याये धुकुगु दु। चीनया सत्तारुढ दल कम्युनिष्ट पार्टीय २०५ म्ह सदस्यीय केन्द्रीय कमिटी दु।

उगु कमिटीं न्ह्यावलय् न्यादँय् छकः च्वनिइगु विशेष बैठकं देय् या दीर्घकालीन सामाजिक व आर्थिक रणनीति तयार याइ। अथेहे पार्टीया उच्च तहया सदस्यपिनिगु बारेय् न निर्णय याइ।

बंगलादेशय् सरकारी जागिरय् आरक्षणया विरोधया झ्वलय् सीपिनिगु ल्याः २५ म्ह थ्यंगु दु।

विरोध प्रदर्शनय् सलंसः मनूत घाःपाः जूगु दु। बुधवाः प्रधानमन्त्री शेख हसिनां राष्ट्रया नामय् सम्बोधन यायेधुंकाः हिंसा अप्वःगु बीबीसीं जानकारी ब्यूगु दु।

प्रदर्शनकारीपिन्सं राजधानी ढाकालिसें आपालं थासय् मिँ तयाः तोडफोड याःगु दु। थाय्थासय् प्रहरीलिसे ल्वापु नं जूगु दु। हिंसा अप्वया वनेवं इन्टरनेट सेवा नं बन्द जूगु दु। स्कूल व कलेज अनिश्चितकाल तक बन्द जुयाच्वंगु दु।

आन्दोलनकारी तय्स सरकारी जागिरय् आरक्षण चीकेत माग याना वयाच्वंगु खः। छुं दिं न्ह्यः विश्वविद्यालयया विद्यार्थीपिन्सं सन् १९७१ य् पाकिस्तानविरुद्ध मुक्ति युद्ध ल्वानादीपिं सैनिकतय् मस्तय्त आरक्षण प्रणाली खारेज यायेमाःगु माग यासें विरोध प्रदर्शन न्ह्याकूगु खः। विरोध अप्वोया वन वं हिंसाय् हिगु खः।

अमेरिकी राष्ट्रपति जो बाइडेनयात कोभिड–१९ या संक्रमण जूगु दु। ह्वाइट हाउसया प्रेस सचिव करिन जिन पियरें राष्ट्रपतियात खोप बिइ धुकुगु धका धाःगु दु।

राष्ट्रपति बाइडेनयात थ्वसिबें न्ह्यः नं निक्वःतक संक्रमण जुइ धुकुगु खः। बुधवाः सुथय् लस भेगासय् जूगु चुनावी अभियानय् ८१ दँया बिडेनं ब्वति काःगु खः। बहनी थःगु चुनावी प्रचारया भाषण रद्द यागु खः।

प्रेस सचिवया कथं राष्ट्रपति डेलावेयरय् च्वंगु थःगु हे छेँ आइसोलेसनय् च्वना च्वंगु दु। वय्कःया डाक्टर केभिन ओकोनरया कथं राष्ट्रपतियात मुसु वइगु लिसेंया अपर रेस्पिरेटरी लक्षणया कारणं न्हापांगु डोज प्याक्सोलोभिड बिउगु खः।

दक्षिण अफ्रिकी समुद्री सुरक्षा प्राधिकरणं एसियापाखें फ्रान्सया उत्तरी क्षेत्रया हाभ्रेपाखे वनाच्वंगु उगु जहाजयात जुलाई ९ तारिखय् दक्षिण अफ्रिकाया डरबन लिक्क हिन्द महासागरय् खराब मौसमया सामना याःगु दक्षिण अफ्रिकी समुद्री सुरक्षा प्राधिकरणं जानकारी ब्यूगु दु।

प्राधिकरणया प्रवक्ता तेबोगे रामातजीं उगु क्षेत्रया हवाई सर्वेक्षण यानाः कन्टेनर लुइकेगु ज्या जुयाच्वंगु व मेमेगु जहाजयात नं मालेगु ज्या जुयाच्वंगु दु धका जानकारी ब्यूगु दु। वंगु वालय् दक्षिण अफ्रिकाया केप अफ गुड होप तटय् तःधंगु वाः फय् वया जहाज मालेगु ज्याय् पंगः जुयाच्वंगु दु धका धयादीगु खः।

यमनया हुथी विद्रोहीतय्सं बियाच्वंगु खतराया हुनिं जहाजत लालसागरया मार्गपाखें बचे जुइत स्वयाच्वंगु इलय् समुद्री तटपाखें जहाज छ्वयेगु ल्याः अप्वयेगु शुरु जूगु दु।