Display Style:
Column Style
विवादास्पद नेता रिजवीया रिहाइया माग याना जूगु ब्वज्याय् २म्ह सित, आपालं घाःपाः
कौलागा तृतीया ११४१, कात्तिक ६ शनिबाः
पाकिस्तानया लाहोरय् सुरक्षाकर्मी व दषिणपन्थी पुचः दथुइ जूगु ल्वापुइ निम्ह सुरक्षाकर्मी सीगु दु ।
हिंसात्मक ल्वापुइ लाना आपालं प्रदर्शनकारी घाःपाः जूगु अन्तर्राष्ट्रिय समाचार संस्थातयेसं न्ह्यथंगु दु । कट्टरपन्थी तहरिक ए लाबियाक पाकिस्तान (टीएलपी) पार्टीया ज्यासनामिं राजधानी इस्लामावादय् ब्वज्या यायेत पिकाःगु ¥यालीइ प्रहरीं हस्तक्षेप याःबलय् उगु घटनना जूगु धाःगु दु ।
टीएलपीं बन्दी दूपिं थः नेता ज्यासनामिया रिहाइया माग याना सरकारविरुद्ध ब्वज्या याःलबय् सुरक्षाकर्मीं बल छ्यगु धाःगु दु । ब्वज्यामितयते पनेत प्रहरीं न्ह्योनेलाथें अश्रु ग्यास प्रहार याःगु आन्दोलनकारीया कुँख्यना दु ।
उगु पार्टी प्रमुख साद रिजवी लिसें थः ज्यासनामिया बिना शर्त रिहाइया माग यासे टीएलपीं राजधानी इस्लमावादय् तःधंगु ब्वज्या याःगु खः । इस्लाम धर्मया पैगम्बर मुहम्मदया व्यङ्ग्य किपाः प्रकाशित याःगु द्वपनय् थगुने फ्रान्सय् जूगु ब्वज्याय् रिजवीयात ज्वंगु खः ।
हिंसा अप्वयावनेधुंका सुरक्षा व्यवस्था तच्वयेकुगु दु । सुरक्षाकर्मीं जःखःया शहरं सर्वसाधारणयात राजधानी दुहाँवयेगुलिइ रोक तःगु दु ।
कोरानाया हुनिं १गू लखः सिबें अप्वःः स्वास्थ्यकर्मीपिं सीगू अनुमान
कौलागा द्वितिया, कात्तिक ५ शुक्रबाः
हलिंमय् कोरोना महामारीं झण्डै १गू लख ८०द्वःम्ह स्वास्थ्यकर्मी लिसें कामदार सीगु जुइफइगु छगू अध्ययनं क्यंगु दु ।
विश्व स्वास्थ्य संगठनया कथं थगुनेया जनवरी निसें थुगुसिइया मे महिनातक्क म्होतिइ ८० द्वः निसें अप्वःलय् १ गू लख ८०द्वःम्ह स्वास्थ्य कामदार कोरोना संक्रमणं सीगु दु ।
कोरोना विरुद्धया ल्वापुइ अग्रपंक्तीमा खटे जूपिं स्वास्थ्यकर्मी व हेल्थकेयर स्टाफतये सुरक्षाय् गंभीर जुइत संगठनं अपिल तकं याःगु दु । अझं नं हलिंया गुलिखय् देशय् स्वास्थ्य कामदार कोरोना खोपया प्राथमिकताय् मलाःगु लुमंकुसें संगठनंथथें उमित खोपया व्यवस्था यायेत इनाप याःगु दु ।
हलिंमय् थ्यंमथ्यं १३गू क्वःति ५०गू लख स्वास्थ्यकर्मी व हेल्थकेयर स्टाफत दूगु विश्व स्वास्थ्य संगठनया तथ्यांक दु ।
सच्छि व १९गू देशय् याःगु अध्ययन कथं आः हलिंया हरेक ५म्ह मध्ये ३म्ह स्वास्थ्यकर्मी व कामदार कोरोना खोपपाखें वञ्चित दु ।
पाकिस्तानया क्वेटा सहरय् बम विस्फोटय्
कौलाथ्व चर्तुथी ११४१, कात्तिक २ मंगलबाः
पाकिस्तानया क्वेटा सहरय् बम विस्फोटय् लानाः छम्ह सुरक्षाकःमि सीगु दुसा १७ घाःपाः जूगु दु ।
दक्षिण पश्चिम पाकिस्तानया बलुचिस्तान विश्वविद्यालयया क्वेटा क्याम्पसया गेटय् विस्फोट याकूगु खः । सुरक्षाकःमि गयाच्वंगु गाडीयात लक्षित यानाः विस्फोट याकूगु प्रत्यक्षदर्शीयात उद्धृत यासें अन्तर्राष्ट्रिय समाचार संस्थातय्सं न्ह्यथंगु दु ।
विस्फोटय् १३ सुरक्षाकःमि व प्यम्ह सर्वसाधारण दुगु धाःगु दु । घाःपाः जूपिन्त सैन्य अस्पतालय् वासः यानाच्वंगु दु । बलुचिस्तान प्रान्तया राजधानी क्वेटाय् सशस्त्र जातीय पुचलं सुरक्षाकःमियात लक्षित यानाः निरन्तर विस्फोट याकावःगु दु ।
तर आःतक्क घटनाया छुं नं पुचलं जिम्मा मकाःनि । बलुचिस्तान प्रान्तया जातीय बलूच बहुल क्षेत्रया लागिं अधिकार, स्वायत्तता व स्वतन्त्रताया माग यासें छगू दशक स्वयां अप्वः इलंनिसें उगु पुचलं सुरक्षाकःमि व सर्वसाधारणयात लक्षित यासें बम बिस्फोट याकावःगु दु ।
मिसाइल परीक्षण याःगु बुखँय् सत्यता मदुगु चीनया दावी
कौलाथ्व चर्तुथी ११४१, कात्तिक २ मंगलबाः
चीनं थुगुसीया सुरुइ परमाणु क्षमता दुगु हाइपरसोनिक मिसाइल परीक्षण याःगु प्रतिवेदन अस्वीकार याःगु दु ।
थौंकन्हय् हे तिनि फाइनान्सियल टाइम्सय् पिदंगु उगु प्रतिवदेनय् सत्यता मदुगु धासें बेइजिङं खण्डन याःगु दु । वं मिसाइलया पलेसा अन्तरिक्ष यानया परीक्षण याःगु न्ह्यथंगु दु ।
फाइनान्सियल टाइम्सं वंगु अगस्टय् मिसाइल परीक्षण याःगु बुखँ पिथनेधुंकाः चीनं उकिया खण्डन याःगु खः । चिनियाँ विदेश मन्त्रालयं उगु बुखँया खण्डन यासें मिसाइल मखसें अन्तरिक्ष यान खःगु स्पष्टीकरण ब्यूगु खः ।
मन्त्रालयया प्रवक्ता झाओ लिजियानं बेइजिङय् नियमित प्रेस ब्रिफिङय् उगु परीक्षण नियति जूगु धयादीगु खः । वय्कलं उगु परीक्षण जुलाइलय् जूगु नं धयादिल । उगु घटनालिसें चीन व अमेरिका दथुइया द्वन्द्व हाकनं तच्वःगु दु ।
अमेरिकां धाःसा बेइजिङं सैन्य आधुनिकीकरणया नामय् थीथी परमाण्ुा ल्वाभः व अत्याधुनिक प्रविधिया विकास यानाच्वंगु तकं धाःगु दु ।
भारतया केरला राज्य खुसि बाः लिसे चलः वनः
कौलाथ्व द्वादशी, ११४१, आइतबाः
भारत केरला राज्यय् खुसि बाः वःगुलिसे चलःवनाः ६म्ह मनूत मन्त ।
खुसि बाः वःगुलिसे केरला राज्यया यक्व हे छेँय् क्षति जूगु दु । थ्वहे हुनिं सलंसः मनूत बिस्थापित जुइत बाध्य जूगु दु । चलः चियकेत सलंसः उद्धारकर्मी परिचालन जुयाच्वंगु दु ।
केरला राज्यया पथननथिट्टा, त्रिसुर व कोट्टयम जिल्ला दलके उप्वः प्रभावित जूगु भारतीय सञ्चारमाध्यमतय्सं धागु दु । थ्वहेदथुइ भारतय मेमेगु राज्यय् न खुसि बाः वयेफूगु धासें सचेत जुयाःच्वनेत इनाप याःगु दु ।
