जापान व अमेरिकाय् सुनामी वयेफूगु चेतावनी
लहनान्युज | थिंलागा चतुर्दशी ११४२, माघ २ आईतवाः
![](https://www.lahananews.com/sites/default/files/sunami.jpg)
जापान व अमेरिकाय् सुनामी वयेफू धका चेतावनी बिउगु दु।
प्रशान्त महासागरय् ज्वालामुखी विस्फोट जुगुलि सुनामीया जोखिम बढे जुगु धका अनया मौसम विभागं चेतावनी बिउगु दु।
जापानया मौसम विभागं ३ मिटर उचाइ तक सुनामीयन लहर वयेफूगु सम्भावना दु धका धाउगु दु। अथेहे, अमेरिकाया क्यालिफोर्निया, ओरेगन, वाशिङ्टन, अलास्का लगायत क्षेत्रय् सुनामीया खतरा दु धका बीबीसीं धाउगु दु।
अथेहे, रुसं न सुनामीय चेतावनी जारी याउगु दु।
भारतय् २४ घण्टाय् २ लाख ६८ हजार स्वया अप्पोसित कोरोना सक्रमित पुष्टि
लहनान्युज | थिंलागा त्रयोदशी ११४२, माघ १ सनिवाः
![](https://www.lahananews.com/sites/default/files/bharat-a.jpg)
भारतय् लिपागु २४ घण्टाय् २ लाख ६८ हजार ८ सय ३३ म्हेसित कोरोना संक्रमण पुष्टि जूगु दु।
थ्व न्हापागु दु दिं स्वया ४ हजार ६ सय ३१ म्ह स्वया अप्पो खः। भारतया स्वास्थ्य तथा परिवार कल्याण मन्त्रालयया कथं भारतय् सक्रिय संक्रमितपि १४ लाख १७ हजार स्वया अप्पो थ्यंगु दु।
अथेहे वंगु २४ घण्टाय् भारतय् कोरोनां ४ सय २ जम्ह सीउगु दु। भारतय् आःतक कोरोना संक्रमणं ४ लाख ८५ हजार ७ सय ५२ म्ह सी धुकुगु दु।
वंगु २४ घण्टाय् महाराष्ट्रय् ४३ हजार २ सय ११ म्ह, मुम्बईलय् ११ हजार ३ सय १७ म्ह, दिल्लीइ २४ हजार ३ सय ८३ म्ह, पश्चिम बंगालय् २२ हजार ६ सय ४५ म्ह, कर्नाटकय् २८ हजार ७ सय २३ म्ह व केरलय् १६ हजार ३ सय ३८ म्हेसित संक्रमण पुष्टि जुगु खः।
चीनय् हाकन कोरोना सङ्क्रमितपि अप्पोल
लहनान्युज | थिंलागा द्धादशी ११४२, पुष ३० शुक्रवाः
![](https://www.lahananews.com/sites/default/files/chaina.jpg)
चीनय् हाकन कोरोना सङ्क्रमण अप्पो जुगु दु। सङ्क्रमित जूपि न्हिया न्हिथं बढे जुगु दु धका चिनियाँ स्वास्थ्य अधिकारीं धाउगु दु।
हिजो हेनान व तियाजिन प्रान्तय् १४३ म्हेसित सङ्क्रमित पुष्ठ जुगु धका स्वास्थ्य अधिकारीं चिनियाँ समाचार संस्था सिन्ह्वां धाउगु ख।
सङ्क्रमण बढे जुगुलि चीनया उत्तरी सहर सियानय् न्हापा हे लकडाउन याये धुकुगु दु। डिसेम्बर दथुइ न्हि १५० म्ह स्वया अप्पो कोरोना सङ्क्रमण पुष्टि जुगुलि सरकारं लकडाउन याउगु खः।
अफगानिस्तानय् लखौंलख मनूत सिइफइगु राष्ट्रसंघया ख्याच्वः
थिंलागा द्वादशी ११४२, पुष ३० शुक्रबाः
![](https://www.lahananews.com/sites/default/files/afghan_3.jpg)
संयुक्त राष्ट्रसंघं अफगानिस्तानया लखौंलख सर्वसाधारण सिइफइगु ख्याच्वः बिउगु दु ।
राष्ट्रसंघया महासचिव एन्टोनियो गुटेरसं अफगानिस्तानया आर्थिक संकटं लखौंलख मनूया ज्यान काये फइगु अवस्था वयेफइगु ख्याच्वः बियादीगु खः ।
राष्ट्रसंघया ५ गु अर्ब डलरया मानवीय सहायता कोषय् ग्वहालि यायेत विश्व समुदाययात अपिल याना वयेकलं अफगानिस्तानया रोक्का यानातःगु खाता फुकुवा यायेत विश्व बैंक, आइएमएफ लिसेंयात इनाप यानादीगु दु ।
तसकं ख्वामूगु व सम्पतिविहिन अवस्था अफगान जनताया नितिं तसकं ग्यानापूगु जूगु नं महासचिव गुटेरसया धापू दु । दाताया ग्वहालिइ न्ह्यानावःगु अफगानिस्तानया अर्थतन्त्र तालिवानं सत्ता कजये कायेधुंका झंझं क्वन्ह्यानाच्वंगु दु ।
उकिइ नं तालिवानया शासनयात हाथ्याः बिइत अमेरिका लिसेंया विश्व समुदायं अफगानिस्तानया सम्पति व खाता रोक्का याःगुलिं अर्थतन्त्र चरम संकटय् तक्यंगु दु ।
अमेरिकां जक अफगानिस्तानया ७गू अर्ब डलर रोक्का याःगु दु । अन अस्पतालया चिकित्सक, सेना, पुलिस व सरकारी कर्मचारीं तकं तलब चूलाकाच्वंगु मदु ।
राष्ट्रसंघया महासचिव गुटेरसं ८७ गू लख अफगानीत आः नं निछा नयेखनिगु अवस्थाय् दूगु धका अनया अर्थतन्त्रया नितिं आवश्यक तरलता थथें चूमलाकेगु खःसा अवस्था ग्यानापूगु जुइगु ख्याच्वः नं बियादीगु दु ।
भारतय् २४ घण्टाय् २ लाख ४७ हजार न्हुपि संक्रमितपि थपे जुल
लहनान्युज | थिंलागा एकादशी ११४२, पुष २९ बिहीवाः
![](https://www.lahananews.com/sites/default/files/corana55_1.jpg)
भारतय् कोभिड–१९ या संक्रमितपि न्हिं झण्डै साढे २ लाख थ्यनेत्यंगु दु। भारतय् वंगु २४ घण्टाय् २ लाख ४७ हजार ४१७ म्ह न्हुपि संक्रमितपि थपे जुगु दु।
थुगु ल्याः मंगलबाःया तुलनाय् २७ प्रतिशत स्वया अप्पोगु खः। थुगु कोरोनाया कहर वंगु मे महिनाया अवस्थाय् थ्यंगु दु। भारतय् झीन्हुया दुने कोरोना संक्रमितपि खुगु गुणा स्वया अप्पोगु दु धका भारतीय समाचार माध्यमं धाउगु दु। वंगु २४ घण्टाया दुने हलियकं ८४ हजार ८२५ म्ह कोरोनामुक्त जुगु दु सा ३८० म्ह सी धुकुगु दु धका समाचारय् धाउगु दु।
ओमिक्रोन संक्रमितप मध्ये महाराष्ट्रय् दकलय् अप्पो १३६७ म्ह दु। अथेहे राजस्थानय् ७९२ म्ह दिल्लीइ ५४९, कर्नाटकय् ४७९, पश्चिम बंगालय् २९४ म्ह व उत्तर प्रदेशय् २७५ म्हेसित भेरियन्टया संक्रमण पुष्टि जुगु दु।