वंगु दँ विद्रोहमार्फत सत्ता ल्हाःतय् काःगु म्यानमारया सैनिक शासक मिन आउङ ह्लिङं थःगु शासनयात वैधानिकता चूलाकेत धर्मया लिधंसा कायेगु कुतः याःगु दु ।

वय्कलं हलिंया दकले तःधिकःम्ह फेतुनाच्वंम्ह बुद्धया मूर्ति दयेकेगु योजना सार्वजनिक यानादीगु दु । थुकियात बुद्ध धर्मया संरक्षकया रूपय् थःगु विरासत दयेकेगु कुतः याःगु खनेदु ।

वंगु ६०दँनिसें सैन्य नियन्त्रणय् दुपिं ९०गू प्रतिशत बौद्धमार्गीतय्त देशय् सत्तायात वैधानिकता बिइकेगु कुतः याःगु खनेदु । वंगु अक्टोबरय् मिनं म्यानमारया निगूगु तःधंगु शहर मण्डलेया यक्व गुम्बाय् थ्यंकाः दर्शन यानाः दान तकं यानादीगु खः । वय्कलं नापलाःपिं भिक्षुत मध्ये राज्य संघ महानायक समितिया नायः भामो सायदव न खः ।

थ्वसिवे न्ह्यः उगु हे महिनाय् सेनां उत्तरपश्चिमी चीन राज्यया थान्टलांगय् छगू अभियान न्ह्याकूगु खः । थ्वहेझ्वलय् सेनां सलंसः भवनत ध्वस्त याःबलय् द्वलंद्व नागरिकत थःथःगु थाय् व बाय् त्वःतवनेत बाध्य जूगु खः ।

उच्चपदस्थ भिक्षुतनाप सैन्य नेतृत्वं नापलाःगु खबरयात राज्यं न्ह्याकातःगु सञ्चार माध्यमय् न्हियान्हिथं प्रशारण यानाच्वंगु दु । उकियात सैनिक शासक मिनं सार्वजनिक सम्बन्ध सुधारया कुतः यानाच्वंगु कथं विश्लेषण याःगु दु ।

छगू अध्ययनं बौद्ध धर्मया सम्बद्र्धनया नितिं सैनिक सरकारं याःगु कुतःया सार्वजनिक प्रदर्शन थ्यंमथ्यं प्यदुगं अप्वःगु खनेदु । म्यानमारया सेना धर्मयात सहानुभूतिया कथं छ्यलेगु मामिलाय् अतिकं चलाख जूगु धयातःगु दु ।

तर छुंया ल्याखय् बौद्ध भिक्षुतय्सं धाःसा शासकं क्यंगु धर्मप्रतिया झुकावयात नक्कली सहानुभूति धकाः धयाच्वंगु दु । इमिसं सैनिक शासकतय्सं आः यानाच्वंगु ज्यापहः धर्मया अःखः जूगु न धागु दु ।

अमेरिकाय् पूर्वी तटीय क्षेत्रय् वःगु हिमआँधीया कारण जनजीवन प्रभावित जुगु दु।

प्यदँ लिपा वंगु थज्यागु हिमआँधी वंगु दु अनया राष्ट्रिय मौसम विभागं धाउगु दु। विभागं फयाफतले यात्रा मयायेत व यात्रा याये हे माःसा ख्वाउगुलि बचे जुया वनेत न इनाप याउगु दु।

हिमआँधी वसा दुने सुरक्षित जुइत विभागं इनाप याउगु दु। अथेहे, भारी हिमपात व फय् वउगुलि न्याउगु राज्यय् आपत्कालीन अवस्था घोषणा याउगु दु धका बीबीसीं धाउगु दु।

न्युयोर्क, न्युजर्सी, मेरिल्यान्ड, भर्जिनिया व रोड आइल्यान्डय् आपत्कालीन अवस्था घोषणा याये धुकुगु दु। अनया सरकारं सतर्कता अपने यायेत चेतावनी जारी याउगु दु।

अमेरिकाय् पूर्वी तटीय क्षेत्रय् वःगु हिमआँधीया कारण जनजीवन प्रभावित जुगु दु।

प्यदँ लिपा वंगु थज्यागु हिमआँधी वंगु दु अनया राष्ट्रिय मौसम विभागं धाउगु दु। विभागं फयाफतले यात्रा मयायेत व यात्रा याये हे माःसा ख्वाउगुलि बचे जुया वनेत न इनाप याउगु दु।

हिमआँधी वसा दुने सुरक्षित जुइत विभागं इनाप याउगु दु। अथेहे, भारी हिमपात व फय् वउगुलि न्याउगु राज्यय् आपत्कालीन अवस्था घोषणा याउगु दु धका बीबीसीं धाउगु दु।

न्युयोर्क, न्युजर्सी, मेरिल्यान्ड, भर्जिनिया व रोड आइल्यान्डय् आपत्कालीन अवस्था घोषणा याये धुकुगु दु। अनया सरकारं सतर्कता अपने यायेत चेतावनी जारी याउगु दु।

रुसया राष्ट्रपति भ्लादिमीर पुटिनं अमेरिकां रुसया सुरक्षा चिन्ताया वेवास्ता याःगु द्वपं बियादीगु दु ।

फ्रान्सया राष्ट्रपति इमानएल म्याक्रोंलिसेया टेलिफोन सम्बादय् पुटिनं युक्रेनयात एटलान्टिक ग्वहालि संगठन नेटों ग्वहालि याःगु गलत धासें अमेरिकां युक्रेनया मामिलाय् कुटनैतिक चाल म्हितूगु द्वपं बियादीगु दु ।

थ्वयां न्ह्यः, अमेरिकी राष्ट्रपति जो बाइडनं रुसं युक्रेनय् हमलाया तयारी याःगु धासें सचेत जुयाच्वनेत युक्रेनलिसें पश्चिमा राष्ट्रतय्त इनाप यानादीगु खः । ह्वाइटहाउसय् सञ्चारकःमितय्त प्रतिक्रिया ब्युसें बाइडनं रुसं युक्रेनय् वइगु फेब्रुअरीइ आक्रमण यायेफुगु चेतावनी बियादीगु खः ।

थ्व हे दथुइ, रुसं तनाव ज्यनीगु सम्भावना तसकं म्ह्वः दुगु धाःगु दु । अमेरिकां थःगु मू माग अस्वीकार याःगुलिं तनाव ज्यनीगु सम्भावना तसकं म्ह्वः जुयावंगु रुसं धाःगु खः । रुसं सैन्य गठबन्धन नेटोय् युक्रेनया प्रवेश बन्देज यायेमाःगु माग याःगु खः ।

तर अमेरिकां व माग स्पष्ट रुपं अस्वीकार याःगु खः । रुसं वंगु छुं वालय् युक्रेनलिसेया सीमा क्षेत्रय् करिब १ लख सैनिक तैनाथ याःगु दु । अमेरिकालिसेंया पश्चिमा राष्ट्रं थुकियात युक्रेनयात रुसी आक्रमणया तयारी धाःगु दु ।

शान्ति सुरक्षाय् लिच्वः लाका राष्ट्रघाती ज्या याःगु द्वपनय् क्युवाय् ७सः सिवें अप्वःसित मुद्दा दायर याःगु दु ।

थगुने सरकारया  विरोधय् ब्वज्या याःपिं उमित सार्वजनिक प्रशासन ज्याकुथिं मुद्दा दायर याःगु खः । थ्वयान्ह्यः नं थुगु विषययात कया सच्छि व ७२म्हसित मुद्दा न्ह्याका कसा न्यंकुगु खः ।

थुखे मानव अधिकारवादी अभियन्तातयेसं धाःसा मुद्दा पक्षपातपूर्ण जूगु धका कुँख्यंगु दु  । मुद्दा दायर याःपिं १६ दँ निसें ५५ दँ वैंशयापिं जूगु अन्तर्राष्ट्रिय समाचार संस्थातयेसं न्ह्यथंगु  दु ।

दँबदँलिपा जूगु क्युवाया दक्वःलय् तःधंगु विरोध ब्वज्याया झ्वलय् सलंसःम्ह सर्वसाधरणया ज्वंगु खः ।

थगुनेया जुलाईलय् कम्युनिस्ट टापु देय् क्युवाय् खाद्यान्न व वासःया अभाव, मूल्युवृद्धि व कोरोना महामारी नियन्त्रण लिसें रोकथामया नितिं जूगु सरकारी कुतः प्रति असन्तुष्टि न्ह्यथसें द्वलंद्वःम्ह जनतां सतक ब्वज्या याःगु खः ।