अम्बानीसिबे तःमिम्ह जुयादिल अडानी
सिल्लाथ्व अष्टमी ११४२, माघ २६ बुधवाः
![](https://www.lahananews.com/sites/default/files/Gautam-Adani.jpg)
युक्रेन मामिलाय् रुसयात अमेरिकी दबाब अप्वःल
सिल्लाथ्व सप्तमी ११४२, माघ २५ मंगलवाः
![](https://www.lahananews.com/sites/default/files/putin_3.jpg)
रुसं युक्रेनय् हताः याःसा जर्मनी वनिगु रुसी ग्यास पाइपलाइन बन्द यायेगु ख्याच्वः अमेरिकां बिउगु दु ।
अमेरिकी राष्ट्रपति जो बाइडेनं जर्मन चान्सलर ओलाफ स्कोल्जलिसे वाशिङटनय् सहलह यायेधुंका थुकथं ख्याच्वः बियादीगु खः ।
नापलायेज्या लिपा पत्रकार सम्मेलन याना राष्ट्रपति बाइडेनं युक्रेन मामिलाय् जर्मनी व अमेरिका छधि जूगु प्रतिक्रिया बिउसें थुगुखँय् बिचार बिमर्स यायेत रुसयात सचेत याकादील ।
थ्वयान्ह्यः फ्रान्सया राष्ट्रपति इमानुएल म्याक्रोनं रुसी राष्ट्रपति भ्लादिमिर पुटिनलिसे मस्कोय् जूगु नापलाय्ज्याया झ्वलय् युक्रेनय् हताः मयायेत इनाप यानादीगु खः ।
रुसं युक्रेनयात हताः याइगु आशंकाय् पश्चिमा देय्त चिन्तित जूगु दु । अयेसां रुसं धाःसा युक्रेनयात हताः यायेगु थःपिनि योजना मदूगु धयावःगु दु । तर युक्रेनया सीमानाय् रुसं छगू लख सिवें अप्वः सेना तैनाथी अवस्थाय् तयेधुंकुगु दु ।
एटलान्टिक सैन्य संगठन नेटोय् युक्रेनयात आवद्ध जुइके मबिइत रुसं सः थनावःगु लिसें पूर्वी युरोपय् नेटोया ल्याः क्वपालेत याःगु माग नेटों अस्वीकार यायेधुंक रुस क्रुद जूगु खः ।
अफ्रिकी देय् मदागास्करय् शक्तिशाली धाकु फये, द्वलंद्वःम्ह विस्थापित
सिल्लाथ्व पंचमी ११४२, माघ २३ आईतवाः
![](https://www.lahananews.com/sites/default/files/madagaskar.jpg)
अफ्रिकी देय् मादागास्करय् तच्वकं वःगु वाः व धाकु फयेया हुनिं द्वलंद्वःम्ह नागरिक प्रभावित जूगु दु ।
प्रतिघौ २सः व ५०गू किलोमिटरया दरं वःगु ‘बातसिराई’ नाँया धाकुफसं द्वलंद्वःम्हसित विस्थापित याःगु दु । धाकु फसं द्वलंद्वः छेँया पौ पुइकुगु लिसें थाय् थासय् मतया पोल व सिमा क्वथःगुलिं अनया जनजीवन ठप्प जूगु दु ।
समुद्रय् १५गू मिटर तःजाःगु छाल वयेफइगु आँकलन याःगु दु । मदागास्करय् निवाया ई दुने वःगु थुगु निगूगु शक्तिशाली धाकु फये खः । अफ्रिकाया दक्षिणी लागाया हिन्द महासागरय् दूगु टापु देय् मदागास्करय् निवा न्ह्यःया धाकुफसय् लाना ५५म्ह सीगु खः ।
थ्वहे दथुइ संयुक्त राष्ट्रसंघया बिश्व खाद्य ज्याझ्वलं मदागास्करया जनताया नितिं खाद्यान्नया व्यवस्था यायेत लिसें उद्धारया नितिं विमानत तयारी अवस्थाय् तःगु दु ।
तच्वकं वाः वयाच्वंगुलिं धाकु फये अझं छुं दिं कायम जुइगु धका मौसमबिदतयेसं मदागास्करय् थप क्षति जुइगु ताकं याःगु दु ।
लता मंगेशकर मन्त
लहनान्युज | सिल्लाथ्व पंचमी ११४२, माघ २३ आईतवाः
![](https://www.lahananews.com/sites/default/files/lata.jpg)
भारतया लोकह्वाम्ह गायिका लता मंगेशकर ९२ दँय् मन्त।
‘स्वर कोकिला’ उपनामं म्हस्यूम्ह लताया थौं सरस्वती पूजाया दिं हे मदुगु खः। मुम्बईया ब्रीच क्याण्डी अस्पतालय् उपचारया झ्वलय थौं सुथय् मदुगु धका प्रेस ट्रष्ट अफ इण्डिया न धाउगु दु।
कोरोना संक्रमण जूया वयात अस्पतालय् भर्ना याउगु खः। छु दिं निसे वयात भेन्टिलेटरय् तया उपचार याना तःगु खः। वयकलं ३६ गु भाषाय् द्धःछि मल्याक म्ये हालातःगु दु धका भारतीय मिडियां धाउगु दु।
वयकलं नेपाली म्येन हालातःगु दु। वयकः न भारतया प्रतिष्ठित भारत रत्न, दादा साहेब फाल्के लगायतया सम्मान व अवार्ड कयातःगु दु।
इस्लामिक स्टेटया नेता कुरेसीयात स्यात
सिल्लाथ्व तृतीया ११४२, माघ २१ शुक्रबाः
![](https://www.lahananews.com/sites/default/files/kurecy.jpg)
आतंकवादी पुचः इस्लामिक स्टेट आई.एस.या नेता अबु इब्राहिम अल–हासिमी अल–कुरेसीयात स्याःगु दु ।
सिरियाय् अमेरिकी सेनां याःगु विशेष कारबाहीलय् अल कुरेसी सीगु खः । अल कुसेरी सुचुकाच्वंगु सुचंया लिधंसाय् अमेरिकी सेनां थ्यंमथ्यं चच्छि तक गोलाबारी याःगु खः ।
अनलिं सेनां घेरा तयेवं अल कुरेसी थःम्हं थःम्हेसित विष्फोट याकूगु धागु दु । थः बिस्यु वने मफइगु पक्का जुइवं कुरेसीं थः छेँजःलिसे आत्माघाति विष्फोट याकूगु खः ।
उत्तरी सिरियाया छगू शहरय् अल कुसेरी सुलाच्वंगु गोप्य सूचंया लिधंसाय् अमेरिकी सेनां हताः याःगु अमेरिकी राष्ट्रपति जो बाइडेनं पुष्टि यानादीगु दु ।
घटनाय् आईएसया मेम्ह छम्ह वरिष्ठ नेता न सीगु अमेरीकां दाबी याःगु दु । अतिवादी पुचः आई.एसं धाःसा घटनाबारे आःतक औपचारिक कथं प्रतिक्रिया मब्यूनि ।