पाकिस्तानी प्रधानमन्त्री इमरान खानं संसद भंगया सिफारिस याउगु दु।

थःविरुद्ध वःगु अविश्वासया प्रस्तावयात संसदं पनाबीधुंकाः खानं संसद भंग यायेत सिफारिस आः चुनावया तयारी न्ह्याकेगु घोषणा याउगु दु।

पाकिस्तानी संसदं अविश्वासया प्रस्ताव खारेज यायेवं प्रधानमन्त्री खानं राष्ट्रया नामय् संशोधन यासें राष्ट्रपति समक्ष संसद भंग यायेत सिफारिस यानागु जानकारी बिउगु खः।

प्रधानमन्त्री बुइगु खनेदुगु अविश्वासया प्रस्तावय् मतदान याकेत संसदया उपसभामुखं अस्वीकार याःगु खः।

विपक्षीतय्सं धाःसा खानया द्वपं हास्यास्पद जूगु व खानविरुद्ध अविश्वासया प्रस्ताव हयेगु निंतिं अमेरिकाया ल्हाः दु धयागु द्वपं असत्य खः धाःगु दु।

विपक्षीत प्रधानमन्त्री खानया गठबन्धन दुनेया तःम्ह हे सांसदतय्त थःपाखे सालेत ताःलायेवं खान अविश्वासया प्रस्तावय् पराजित जुइगु खनेदुगु खः।

रुसी फौजं पश्चिमी युक्रेनी सहर लभिभय् आक्रमण लक्षित याउगु दु। आइतबाः रुसी रक्षा मन्त्रालयं अन अत्याधुनिक क्रुज क्षेप्यास्त्र प्रहार याउगु पुष्टि जुगु दु।

रुसी फौजं लभिभनजिक युक्रेनी फौजं प्रयोग यानाच्वंगु इन्धन भन्डारय् क्षेप्यास्त्र प्रहार याउगु खः। अथेहे, विमानभेदक प्रणाली, रडार स्टेसन्स व टैंकया दृष्टि मर्मत याइगु कारखानाय् क्रुज क्षेप्यास्त्र प्रहार याउगु धका रक्षा मन्त्रालयं पुष्टि याउगु दु।

मन्त्रालयया प्रवक्ता इगोर कोनासेनकोभं रुसी महासंघया सशस्त्र फौजं विशेष सैनिक अभियानकथं आक्रमण यायेगु ज्या जुयाच्वंगु दु। रक्षा मन्त्रालयं लभिभ सहरय् क्षेप्यास्त्र प्रहार जुयाच्वंगु भिडियो न सार्वजनिक याउगु दु।

नेटो सदस्य राष्ट्र पोल्यान्डनिसे ६० किमि तापाक्क लभिभया अधिकारीपिन्स क्षेप्यास्त्र आक्रमणय् मनूत घाइते जुगु दु धका धाउगु दु।

उत्तर पूर्वी जापानाय् बुधबाः चान्ह्यः शक्तिशाली भुखाय् ब्बःगु दु।

अन भुखाय् ब्बया प्यम्हेसिगु ज्यान वंगु दु सा ९०  म्ह स्वया अप्पो घाइते जुगु दु। राजधानी टोकियोया भवन तक महसुश जुगु खः।

टोकियोमा ७ लाख छेँ व मेमे थाय् व १ लाख ५६ हजार छेँय विद्युत् अवरुद्ध जुगु दु।

पाकिस्तानया प्रधानमन्त्री इमरान खानविरुद्ध अविश्वासया प्रस्ताव पेस याउगु दु। विपक्षी दलया गठबन्धनं पाकिस्तान डेमोक्रेटिक मुभमेन्ट (पीडीएम) न प्रधानमन्त्री खानविरुद्ध अविश्वास प्रस्ताव पेस याउगु खः।

लाहोरय् छु वाः न्ह्यः मुभमेन्टया बैठकय् प्रमुख फजजुर रहमानं वर्तमान सरकारयात अवैध धासे अविश्वास प्रस्ताव पेस याउगु दु। उकिया लागि दक्को सहयोगी दलपि नाप सम्पर्क याना व सरकारया समर्थन लित कायेत आह्वान याउगु दु। पाकिस्तानया संविधान कथं अविश्वास प्रस्ताव पारित यायेत संसदय् साधारण बहुमत दःसा गाः।

पाकिस्तानया संसदय् ३४२ सदस्यपि दु। अविश्वास प्रस्ताव पारित यायेत १७२ भोट दःसा गाः। उकि विपक्षी गठबन्धन अविश्वासया प्रस्तावया पक्षय् बहुमत दयकेगु निति सक्रिय जुयाच्वंगु खः। इमरान खानया पार्टी पीटीआई नाप संसदय् १५५ सिट दु।

पूर्व राष्ट्रिय क्रिकेट कासामि इमरान खानं सन् २०१८ या अगष्ट निसे पाकिस्तानया प्रधानमन्त्री जुयाच्वंगु खः।

आक्रमण सुरू जुगु निन्हुया दुने हे रूसी सैनिक युक्रेनया राजधानी किएभय् थ्यंगु दु।

द न्युयोर्क टाइम्सया कथं शुक्रबाः बहनि जक रूसी सैनिकपि किएभ सहरया उत्तरी जिल्लाय् थ्यःगु खः।अधिकारीपिन्स रूसी सैनिक थ्यःगु दु धका सुरक्षित जुइत इनाप याउगु दु।

छिमेकी बेलारूसपाखे वया रूसी सैनिकपि किएभ न्ह्यने थ्यकूगु खः। अथेहे युक्रेनी राष्ट्रपति भोलोदिमिर जेलेन्स्की न रूसी राष्ट्रपति भ्लादिमिर पुटिनयात युद्ध द्धिका वार्ताया लागि आह्वान याउगु दु।

वयकःया खँयात कया मस्को न तपिकं हे अस्वीकार याउगु दु। शुक्रबाः मस्कोय् पत्रकार सम्मेलन यासे विदेश मन्त्री सर्जेई लाभरोभ न थःपि जेलेन्स्कीया सरकारनाप वार्ता व सम्झौता याये मखु धका धाउगु दु।