Display Style:
Column Style
डिएमके नेता करुणानिधि मन्त
लहनान्युज | दिल्लागा द्धादशी ११३८ ( अगष्ट ८ २०१८ )
तमिलनाडुया पुलाम्ह मुख्यमन्त्री नाप डिएमके (द्रविड मुनेत्र कडगम) या नेता करुणानिधि म्हिगः चेन्नाइया कावेरी अस्पतालय् मन्त ।
मदुम्ह करुणानिधिं दक्षिण भारतय् ६० दँ तक मदिक्क थी थी पदय् च्वना ज्यानादीगु खः ।
करुणानिधीं न्याकः तक तमिलनाडुया मुख्यमन्त्री व १२ क्वःतक विधानसभा सदस्य जुगु खः ।
अथेहे २००४ य् लोकसभा चुनावय् तमिलनाडु व पुदुचेरीं डिएमकेया नेतृत्व याना डीपीएं (युपीए व वाम दल) नेतृत्व याःगु खः ।
उगु इलय् लोकसभाया ४० गु सिट हे त्योकेत ताःलागु खः ।
मदुम्ह करुणानिधि न्हापां १९६९ य् तमिलनाडुया मुख्यमन्त्री जुगु खः ।
नेवाः अर्गनाइजेसन अमेरिकाया १७ क्वःगु दँमुँज्या क्वःचाल
लहनान्युज | अनलाथ्व दुतिया ११३८ ( मे ३१ २०१८ )
नेवाः अर्गनाइजेसन अफ अमेरिकाया १७ क्वःगु दँ मुँज्या २६ मे कुन्हु वाशिंगटन डिसिइ क्वचाःगु दु । पर्यटन व्यवसायी मयजु अम्बिका श्रेष्ठया मूपाहाजुया झायादीगु उगु ज्याझ्वलय् नेपाःया पूर्व अमेरिकी राजदूत भाजु स्कट एच डेलिसि, अमेरिकाया लागि नेपाःया राजदूत भाजु अर्जुन कुमार कार्की, वल्र्ड नेवाः अर्गनाइजेसनया नायः भाजु सिजन श्रेष्ठ व वरिष्ठ साहित्यकार प्रतिसरा सायमिं पाँहा कथ ब्वतिकयादीगु खः ।
नेपाली राजदूत व मूपाहाँ मयजु अम्बिका श्रेष्ठपिसं मंकाः कथं त्वाःदेवाय् मत च्याकाः उलेज्या यानादिइगु खः । न्हापांम्ह न्वकू भाजु पुष्कर प्रजापतिं लसकुस न्वचु तयादिइगु उगु ज्याझ्वलय् मूछ्याञ्जे भाजु महिन्द्र प्रधानं वार्षिक प्रतिवेदन न्ह्यब्वयादिगु खःसा दांभरिं राजेश लाल श्रेष्ठं आर्थिक प्रतिवेदन न्ह्यब्वया दिगु खः ।
नेवाः अर्गनाइजेसन अफ अमेरिकाया ख्वाःपौ “लसकुस” पाहाँपिसं मंकाः कथं बिमोचन जुगुु खः ।
नेवाः अर्गनाइजेसन अफ अमेरिकाय् बबिता प्रधान श्रेष्ठया नेतृत्वय् न्हुधाः न जुगु दु । उगु ज्यासना पुचलय् पुष्कर बि. प्रजापतियात न्हापांम्ह न्वकू, सुशीललाल श्रेष्ठयात निम्हम्ह न्वकू कथं ल्यःगु दु ।
अथेहे, महेन्द्र प्रधान मूछ्याञ्जे, दिवाकर धौभडेल छ्याञ्जे, राजेशलाल श्रेष्ठ दांभरी कथं ल्यःगु खःसा मू दुजलय् यज्ञमान शाक्य, उदय श्रेष्ठ व मीना प्रधानयात ल्यःगु खः ।
थुगु ज्यासना पुचः स्वदँतकया सन् २०२० तक ज्या याइगु खँ नेवाः अर्गनाइजेशन अफ अमेरिका जानकारी ब्यूगु खः ।
हलिं नेवाः दिवसया लसताय् बोस्टनय् लिपि स्यनेज्या
लहनान्युज | चौलागा तृतिया ११३८ (अप्रिल ३ २०१८)
नेवाः अर्गनाइजेशन अफ न्यू इंगल्याण्डया ग्वसालय् हलिं नेवाः दिवस लसताय् बोस्टनय् अर्गनाइजेशनया जःपिं मुनाः तःजिक आर्लिङ्टन सेन्टरय् थीथी ज्याझ्वः यासें हंगु दु ।
उगु अर्गनाइजेशनया छ्याञ्जे समन्त श्री बज्राचार्येंं नेवाःतय्गु तःजिगु संस्कृतिया महत्वया विषयस नुगःखँ तयादीगु खः ।
लिसें उगु ज्याझ्वलय् समन्त श्री बज्राचार्यं झी नेवाः जुयाः झीसं झीगु नेवाः भाषा, साहित्य, संस्कृतियात म्वाकाः तयेमाःगु खँय् बः बियादीगु खः ।
उगु ज्याझ्वलय् नेपाः पाखें झायादीम्ह सह–प्राध्यापक मय्जु प्रेमहिरा तुलाधरं गुथिया २५ म्ह जःपिन्त प्रचलित नेपाल लिपि स्यनेज्या यानादीगु खः ।
उगु लिपि स्यनेज्या मेगु वालय् नं जुइगु जानकारी ब्यूगु दु । उगु ज्याझ्वलय् उपस्थित सकसितं अर्गजनाइजेशनया न्वकू भाजु संजीव तुलाधरं सुभाय् देछानादीगु खः ।
शिकागोय् हलिं नेवाः दिं हन
लहनान्युज | चौलागा तृतिया ११३८ (अप्रिल ३ २०१८)
नेवाः अमेरिकन दबू शिकागोया ग्वसालय् हलिं नेवाः दिं लसताय्ं शिकागोय् छगू तजिक हलिं नेवाः दिवस न्यायेकेगु दु ।
शिकागोया इभान्सटन लाइब्रेरीया छगू कक्षय् जूगु उगु ज्याझ्वलय् सच्छिम्ह मल्याक मनूतसें ब्वति काःगु खः ।
नेवाः अमेरिकन दबूया नायः उदय महर्जनं लसकुस न्वचू बियाः खः । उगु ज्याझ्वलय् इच्छा श्रेष्ठ, नूर महर्जन, रमा गोपाली आयुषा सिंह, विनय श्रेष्ठ व श्रवण श्रेष्ठपिन्स सास्कृतिक ज्याझ्वः न्ह्यब्बयादीगु खः ।
हलिं नेवाः दिवस ज्याझ्वः भाजु सिम्रिकमान तुलाधर व मय्जु सनम महर्जनपिन्सं न्ह्याकादीगु खः ।
बन्दुक नियन्त्रण यायेगु माग
लहनान्युज | लहनान्युज अष्टमी ११३८ (मार्च २५ २०१८)
बन्दुक नियन्त्रण यायेगु माग यासे अमेरिकाय् तःधकं प्रदर्शन याःगु दु ।
‘मार्च फर आवर लाइभ्स’ नारा बिया दकलय् तःधकः प्रदर्शन राजधानी वाशिङ्टन डिसी जुगुु दु । राजधानी वाशिङ्टन डिसी न्यागु लाखं मल्याक मनू तयेस सतकय् वया प्रदर्शन याःगु खः ।
थुज्यागु प्रदर्शन च्यासः स्वया मयाक थी थी थासय् याःगु खः ।
उग् प्रदर्शनय् ब्बति काःपिन्सं ‘प्रोटेक्ट किड्स नट गन’ अर्थात् ‘मस्ततय्त रक्षा या, बन्दुकया मखु’ धका नारा च्वया तःगु प्लेकार्ड ज्वना तःगु खः । गुलि ब्बति कापिन्सं ‘बन्दुक स्वया विद्यार्थी
महत्वपूर्ण खः’ धकाः च्वया तःगु प्लेकार्ड नं ज्वना वःगु खः ।
एडिनबर्ग, लण्डन, जेनेभा, सिड्नी व टोकिया तकः थज्यागु प्रदर्शन जुगु खः ।
बन्दुक नियन्त्रण यायेगु माग
