Display Style:
Column Style
विरोध प्रदर्शनया खबर ’फेक न्यूज’ : अमेरिकी राष्ट्रपति ट्रम्प
लहनान्युज | तछलाथ्व तृतिया ११३९ (जुन ६ २०१९)
स्वन्हु यकं बेलायत भ्रमणय् वय च्वम्ह अमेरिकी राष्ट्रपति डोनाल्ड ट्रम्पं बेलायतया वरिष्ठ नेतापिं नाप भेटघाट याःगु दु ।
राष्ट्रपति ट्रम्पं बेलायत भ्रमणय् थः विरुद्ध द्धःलद्ध मनू तयेस प्रदर्शन याःगु धयादिगु खँ झुठ खः धाःगु दु । थ्व स्वया न्ह्यः अन्तर्राष्ट्रिय सञ्चारमाध्यमं अमेरिकी राष्ट्रपति ट्रम्पया विरोधय् द्धःलद्ध मनु तयेसं प्रदर्शनं बेलायतय् प्रदर्शन याःगु धका धाःगु खः ।
अमेरिकी राष्ट्रपति ट्रम्पं ब्रेक्जिट (यूरोपियन युनियनपाखे पिहा वनिगु प्रकिया) सम्झौता लिपा बेलायत व अमेरिकाया व्यापारय् अप्वो जुगु धका न धाःगु खः ।
‘ब्रेक्जिट सम्झौतां बेलालयत व अमेरिकाया व्यापार स्वंगु गुना अप्वोइगु सम्भावन दु धका,’ राष्ट्रपति ट्रम्पं धागु खः ।
अष्ट्रेलियाय् लाथेपाथे कयेकूगु गोलिं लानाः ४म्ह सित
लहनान्युज | ने.सं. ११३९ तछलाथ्व दुतिया (५ जुन, २०१९)
अष्ट्रेलियाया डार्बिन शहरया छगू होटेलय् लाथेपाथे गोलिं कयेकूगु इलय् ४म्ह सीगु दु । अथे हे २म्ह घाःपाः जूगु दु ।
प्रत्यक्षदर्शीयाकथंं डार्विनय् च्वंगु पाल्म्स होटेलय् छम्ह मनुखं होटलया प्रत्येक कोथाय् गोलिं कयेकाः वनाच्वंगु खः ।
अष्ट्रेलियाया सञ्चारमाध्यमकथं थ्यंमथ्यं ४५दँ दुम्ह यूरोपियन मूलया उम्ह मनूयात प्रहरीं ज्वनेधुंकूगु दु ।
डार्विनय् थ्यंमथ्यं ५द्वः म्ह नेपाःमित दु । उगु घटनाय् सुं नं नेपाःमि मलाःगु धाःगु दु ।
इण्डोनेसियाय् कार्गो जहाज दुर्घटना जूगु इलय् १७म्ह बेपत्ता
लहनान्युज | ने.सं. ११३९ तछलाथ्व दुतिया (५ जुन, २०१९)
इण्डोनेसियाया मध्य सुलावेसी प्रान्तय् कार्गो जहाज दुर्घटना जूगु इलय् म्होतिं १७म्ह चालक दलया दुजःपिं वेपत्ता जूगु इण्डोनेसियाया सरकारी श्रोतं थौं बुधवाः जानकारी ब्यूगु दु ।
सञ्चरवाः जूगु थुगु घटना चालक दलया छम्ह दुजःयात भारतीय जहाजं उद्धार यायेधुंकाः जक खुलासा जूगु खः । दुर्घटनाय् लाःम्ह याकोव नांया छम्ह चालक दलया दुजःयात म्हिगः मंगलवाः उद्धार याःगु खः ।
थुगु कार्गो जहाजय् १८म्ह दुगु व उपिं फुक्कं चालकदलया दुजः जूगु नं न्ह्यथनातःगु दु । उगु डुङ्गा बन्दरगाह शहर वितुङपाखें उत्तरी सुलावेसी प्रान्तया लिक्क मरोवाली सहरपाखे वनाच्वंगु खः ।
चालक दलया दुजःपिं तनाच्वंगु सूचं मंगलवाः प्राप्त जुइधुंकाः उद्धारया ज्या न्ह्यानाच्वंगु खँ धाःगु दु ।
अमेरिकापाखें मेक्सिकोपाखें दुहां वइगु हलंज्वलनय् कर थकाल
लहनान्युज | ने.सं. ११३९ बछलागा द्वादशि (३१ मे, २०१९), शुक्रवाः
अमेरिकां मेक्सिकोपाखें आयात जुइगु फुक्क हलंज्वलनय् ५गू प्रतिशत कर अप्वयेकेगु क्वःछ्यूगु दु ।
अमेरिकी राष्ट्रपति डोनाल्ड ट्रम्पं माइक्रो ब्लडिङ साइट ट्वीटरपाखें मेक्सिकोपाखें आयात जुइगु फक्क हलंज्वलनय् कर अप्वयेकेगु धयादीगु खः । उगु क्वःछिना वइगु जुन १० तारिखनिसें लागू जुइगु व हरेक महिना ५गू प्रतिशतया दरं थकाइ । नापं अक्टोबर १ निसें २५ प्रतिशत थ्यंकी ।
अवैध आप्रवासीया समस्या मज्यंतलय् कर बृद्धि निरन्तकथं अप्वया वनीगु राष्ट्रपति ट्रम्पया धापू खः । मेक्सिकों बर्षौंनिसें अमेरिकालिसे बांलाःगु व्यवहार मयागुलिं आः धाःसा स्वायत्त सरकारया अधिकारयात कयाः म्हसीका बीगु पाः वःगु नं राष्ट्रपति ट्रम्पं धयादीगु बिबिसीं न्ह्यथंगु दु ।
अवैधकथं अमेरिकाय् दुहां वइपिं आप्रवासीया मू नाका मेक्सिकोय् हलंज्वलनय् याःगु कर बृद्धिया क्वःछिनायात कयाः सीमा सुरक्षाकःमितसें लसकुस याःगु दु । समालोचकतसें धाःसा अप्रवासीयात अन्यायपूर्ण व्यवहार याःगु धकाः टिप्पणी याःगु दु ।
उत्तर अमेरिकाया नितिं मेक्सिकन वरिष्ट कुटनीतिज्ञ जिसस सेइडें अमेरिकी क्वःछिनायात विनाशकारी पलाःकथं ब्याख्या यानादीगु दु । कर अप्वयेकेगु क्वःछिना कार्यान्वयन जूसा मेक्सिकों प्रतिकारया नितिं कडा पलाः छीगु वय्कःया धापू खः ।
चुनावी अभियाननिसें हे मेक्सिकोलिसेया सीमा सुरक्षाया विषय ल्ह्वना वयाच्वनादीम्ह राष्ट्रपति ट्रम्पं पःखालं ग्वयेगु नितिं फ्याःगु धेबा थ्व स्वयां न्ह्यः संघीय न्यायाधीसपिन्सं रोक्का यानाब्यूगु खः ।
नरेन्द्र मोदीं भारतीय प्रधानमन्त्रीया सपथ काल
लहनान्युज | बछलागा द्धादशी ११३९ (मे ३१ २०१९)
नरेन्द्र मोदीं भारतीय प्रधानमन्त्रीया सपथ छगु ज्याझ्वः दथुइ काःगु दु । लोकसभा चुनावय् भाजपा याकचां बहुमत व एनडीए गठबन्धनं प्रचण्ड बहुमत हया मोदी निक्वःगु पटक प्रधानमन्त्री जुगु खः ।
राष्ट्रपति कार्यालय् जुगु उगु सपथ ग्रहण ज्याझ्वलय् प्रधानमन्त्री केपी शर्मा ओलीया न सहभागी दुगु खः ।
मोदीया ५९ सदस्यीय मन्त्रिपरिषद न्हुपि १९ म्ह दुथ्याकुगु दु ।
२५ क्याबिनेट मन्त्रीं भारतीय जनता पार्टी (भाजपा) अध्यक्ष अमित शाह न दुथ्या ।
कांग्रेस अध्यक्ष राहुल गान्धीयात चुनावय् बुकुम्ह स्मृती इरानीयात न मन्त्री दयेकुगु दु ।
