भारतया चन्द्रयान–३ चन्द्रमाय् अवतरण
लहनान्युज | गुंलाथ्व सप्तमी ११४३, भदौ ६ बुधवाः
![](https://www.lahananews.com/sites/default/files/chandra-yan.jpg)
भारतं छ्वंगू चन्द्रयान–३ चन्द्रमाय् सफलतापूर्वक अवतरण जूगु दु। भारतीय ई कथं ६ बजे जूया ४ मिनेटय् चन्द्रयान–३ चन्द्रमाय् अवतरण जूगु खः।
थ्व नाप भारत चन्द्रमाय् ’सफ्ट ल्यान्डिङ’ याउगु प्यगुगू व चन्द्रमाय् दक्षिणी ध्रुवपाखे अवतरण याःगु न्हापागु देय् जूगु खः। थ्व स्वया न्ह्यः भारतया चन्द्रयान–३ स्वया छु दिं न्ह्यः चन्द्रमाय् दक्षिणी ध्रुवय् अवतरण यायेत तयारी याःगु रुसया यान लुना–२५ दुर्घटना जुइवं भारत न्हापागु देय् जूगु खः।
अमेरिका, रुस व चीनं चन्द्रमाया भूमध्य रेखा नापं यान अवतरण याये धुकुगु दु सा दक्षिणी ध्रुवय् अवतरण याये फुगु मदुगु खः । चन्द्रयान–३ या मू आज्जू धइगु लःया आधारये बरफ मालेगु ज्या याइ।
उकिइ भविष्यय् चन्द्रमाय् मानव बसोबास जुइगु खँय् ग्वाहालि याइ धका वैज्ञानिकपिन्स धाःगु दु। वंगु जुलाई १४ तारिखय् भारतीय ई कथं न्हिनसिया २ बजे जूया ३५ मिनेटय् हरिकोटापाखे उडान याना चन्द्रयान–३, ४० दिं लिपा चन्द्रमाय् थ्यःगु खः।
भारतया अन्तरिक्षय् थौं चन्द्रमाय् अवतरण जुइगु
लहनान्युज | गुंलाथ्व सप्तमी ११४३, भदौ ६ बुधवाः
![](https://www.lahananews.com/sites/default/files/indian-iia.jpg)
भारतं अन्तरिक्षय् छ्वंगु चन्द्रयान–३ थौ बहनि ६ बजे जूया ४ मिनेटय् चन्द्रमाय् अवतरण जुइगु दु। भारतीय अन्तरिक्ष अनुसन्धान सङ्गठन (इसरो) नं चन्द्रयान–३ थौं न्हिनय् अवतरण जुइ धका धाःगु दु।
सकुशल अवतरण जुलकि चन्द्रयान–३ चन्द्रमाय् दक्षिणी ध्रुवय् अवतरण जुइगु न्हापागु यान जुइ।
चन्द्रमाय् दक्षिणी ध्रुवपाखे अवतरण जुइगु झ्वलय् रुसी यान लुना–२५ आइतवाः दुर्घटना जुइवं चन्द्रयान–३ य् न्हापागु जुइगु दु।
रुसं युक्रेनय् याःगु आक्रमणय् न्ह्यम्हेसीगु ज्यान वनं
लहनान्युज | गुंलाथ्व चतुर्थी ११४३, भदौ ३ आईतवाः
![](https://www.lahananews.com/sites/default/files/ukka.jpg)
रुसं युक्रेनया उत्तरी सहर चेर्निहाइभया सेन्ट्रल स्क्वायरय् मिसाइल आक्रमण याःगुलि खुदँ दुम्ह मचा नाप न्ह्यम्हेसिगु ज्यान वःगु दु।
अथेहे उगु घटनाय् सच्छिम्ह मल्याक घाःपाः जूगु दु। युक्रेनया आन्तरिक मामिला मन्त्रालयं छगु विज्ञप्ति पिकाया रुसं सीमा क्षेत्र न्ह्यने च्वंगु सहरया विश्वविद्यालय व नाटक क्यनेगु छेँय् म्हिगः आक्रमण याःगु धका धाःगु दु।
उगु आक्रमण जुयाच्वंगु इलय् युक्रेनी राष्ट्रपति भोलोदिमिर जेलेन्स्की धाःसा स्वीडेनया भ्रमणय् वनाच्वंगु खः। गुंलाथ्व चतुर्थी ११४३, भदौ ३ आईतवाः
प्रधानमन्त्री प्रचण्डं संयुक्त राष्ट्र सङ्घया महासचिवयात नापलात
लहनान्युज | अनलाथ्व षष्ठी ११४३, साउन ८ सोमवाः
![](https://www.lahananews.com/sites/default/files/default_images/default-image.jpg)
प्रधानमन्त्री पुष्पकमल दाहाल प्रचण्डं संयुक्त राष्ट्र सङ्घया महासचिव एन्टोनियो गुटेर्रेसयात नापलात दु।
संयुक्त राष्ट्र सङ्घीय खाद्य लिसे कृषि सङ्गठनया मुख्यालय इटालीया रोमय् न्ह्यानाच्वंगु ’युनाइटेड नेसन्स फुड सिस्टम २०२३ स्टकिङ मोमेन्ट’ यात सम्बोधन याये धुका प्रधानमन्त्री प्रचण्डं महासचिव गुटेर्रेसयात नापालागु खः।
नापलायेगु झ्वलय् पर्यावरण, खाद्य सुरक्षा, नेपाल व राष्ट्र सङ्घ दथुइ सम्बोधनयात अझ बलाकेगु निति सहलह जूगु धका प्रधानमन्त्रीया निजी सचिवालयं धाःगु दु।
अमेरिकी सहायक विदेशमन्त्री डोनाल्ड लु कन्ह्यः नेपाः वइगु
लहनान्युज | दिल्लागा एकादशी ११४३, असार २८ बिहीवाः
![](https://www.lahananews.com/sites/default/files/ju.jpg)
दक्षिण नाप मध्य एसिया स्वइम्ह अमेरिकी सहायक विदेशमन्त्री डोनाल्ड लु कन्ह्यः शुक्रवाः नेपाः वइगु जुगु दु।
अमेरिकी दूतावासं थौं बिहीवाः छगु सूचं जारीयासे लु या नेपाः भ्रमणबारे जानकारी बियादीगु खः।
नेपाः भ्रमणया झ्वलय् लु नं नेपाःया राजनीतिक दलया नेतापि व दूतावासया कर्मचारीपिन्त नाललाइगु जूगु दु। लु अमेरिकां तःपिकं नेपाः वइगु व छु ई दक्षिण एसियाया मेगु छगू देशय् वनिइगु जूगु दु।
लु नेपालय् एमसीसी कार्यान्वयनया अवस्थाबारे जानकारी कायेगु उद्देश्यं नेपालय् वयेत्यःगु धका परराष्ट्र मन्त्रालयया स्रोतं धाःगु दु।
लु अमेरिकी विदेश मन्त्रालयया प्रभावशाली सहायक मन्त्री मध्येय् छम्ह खः।