अफ्रिकी देय् मोरक्काय् भुखाय् ब्बया सीपिनिगु ल्याः आःतक निद्धः स्वया अप्पो थ्यने धुकुगु दु। गृह मन्त्रालयया कथं १४ सय स्वया अप्पो तसकं घाःपाः जूगु दु।

भुखाय् ब्बया विनासलिपा स्वन्हु तक राष्ट्रिय शोक घोषणा याःगु दु। वंगु शुक्रवाः चान्ह्यः मराकेसया दक्षिण पश्चिम क्षेत्रय् हाई एटलस पहाडी क्षेत्र केन्द्रविन्दु जूया ६.८ म्याग्निच्युडया भुखाय् ब्बःगु खः।

मोरक्कोय् म्हिगः चान्ह्यः ११ बजे जूया ११ मिनेटय् शक्तिशाली भुखाय् ब्बःगु दु। उगु भुखाचं सीपिनिगु ल्याः आःतक २९६ म्ह थ्यःगु दु।

६.८ म्याग्निच्युडया भुखाय् ब्बःगु दु धका धाःगु दु। १८.५ किलोमिटर क्वय् केन्द्रबिन्दु जूया भुखाय् ब्बःगु ३१.११ डिग्रि उत्तर अक्षांश व ८.४४ डिग्रि पश्चिम देशान्तरय् व माराकेसया लगभग ७० किलोमिटर दक्षिणपश्चिम केन्द्रबिन्दुइ जूया वंगु अन्तर्राष्ट्रिय सञ्चार माध्यमं धाःगु दु।

भारतया न्हुगु दिल्लीइ थौंनिसे जी–२० सम्मेलन सुरु जूगु दु। उगु सम्मेलनय् ब्बति कायेगु निति अमेरिकी राष्ट्रपति जो बाइडेन, बेलायती प्रधानमन्त्री ऋषि सुनक, अर्जेन्टिनाया राष्ट्रपति नापं मेगु १७ देय् या प्रमुख नाप प्रतिनिधिपिन्स ब्बति काःगु दु।

थुगु सम्मेलन ९ व १० सेप्टेम्बर याना निन्हु तक न्ह्याइ। थौं जुगु सम्मेलनय् २० देय् नेतापि छगु हे मञ्चय् खने दइगु जुगु दु।

जी–२० य् अस्ट्रेलिया, अर्जेन्टिना, ब्राजिल, क्यानडा, चीन, फ्रान्स, जर्मनी, भारत, इण्डोनेसिया, इटली, जपान, मेक्सिको, रुस, साउदी अरब, दक्षिण अफ्रिका, दक्षिण कोरिया, टर्की, युनाइटेड किंगडम, संयुक्त राज्य अमेरिका आबद्ध दु।

अमेरिकाया डि.सि. मेट्रो क्षेत्रय् वंगु ३२ दँ न्ह्यः स्थापित जूगु नेपाः पासा पुचः अमेरिकां व)गु शनिवाः साया नखः हंगू दु।

वंगु दँय् छेँ जः मदुपिनिगु लुमन्तिइ उगु नखः हंगु खः। नेपाः पासा पुचः अमेरिकां वंगु ई.सं. २०१६ य् नेपाःपिने न्हापागु पटक साया नखः हंगु खः।

संस्थाया अध्यक्ष मनोहर श्रेष्ठं लहनान्युजयात बिःगु जानकारी कथं थुगुसी च्याःगु परिवारपिनिगु ब्बति दुगु खः। उगु ज्याझ्वलय् स्वसः स्वया अप्पो स्थानिय नेपाःमि व अमेरिकी मूलया जन समुदायपिनिगु ब्बति दुगु खः।

भारत सरकारं ग्यास (एलपीजी) या भाः छगः सिलिन्डरय् २०० भारु घटे याःगु दु।

बुधवाः च्वंगु मन्त्रिपरिषदया बैठकय् रक्षाबन्धन नखःया ध्यानय् तया अज्यागु निर्णय यानागु खः धका बिहीवाः छगू पत्रकार सम्मेलनयासे सूचना लिसे प्रसारणमन्त्री अनुराग ठाकुरं धाःगु खः।

आः दिल्ली ग्यास छगः सिलिन्डर (१४.२ किलो) ९०३ भारु (करिब ११ अमेरिकी डलर) य् उपलब्ध याउगु दु। उगु निर्णय न ३३ करोड स्वया अप्पो उपभोक्तापिन्त फाइदा जुइ धका धाःगु दु।