इजिप्ट व फ्रान्सं इजरायल–हमास द्वन्द्व दिकेगु उपायबारे सहलहयात
लहनान्युज | कौलाथ्व तृतीया ११४३, असोज ३० मंगलवाः
![](https://www.lahananews.com/sites/default/files/iss-ha.jpg)
इजिप्टया राष्ट्रपति अब्देल फत्ताह अल सिसी व अन भ्रमणय् वयाच्वंम्ह फ्रान्सेली विदेशमन्त्री क्याथरिन कोलोनां इजरायल–हमास द्वन्द्व दिकेगु उपायबारे सहलह याःगु दु।
सोमवाः कायरोय् निगु देय् दथुइ जुयाच्वंगु द्वन्द्वयात कया सहलह याःगु खः । गाजा पट्टीइ स्यना च्वंगु मानवीय अवस्था व गाजाय् च्वनाच्वपिन्त तत्काल मानवीय व राहत ग्वाहालि यायेगु खँ जुगु धका धाःगु दु ।
नागरिकतय्त घेराबन्दी, भोकमरी व विस्थापन थे जाःगु सजाय मयायेत न इनाप याःगु दु । फ्रान्सं गाजापट्टीइ मानवीय ग्वाहालिया लागि १० मिलियन युरो यायेगु न जानकारी बिःगु दु।
इजरायलं दक्षिण लेबनानय् हवाई आक्रमणयात
लहनान्युज | कौलाथ्व तृतीया ११४३, असोज ३० मंगलवाः
![](https://www.lahananews.com/sites/default/files/iss_0.jpg)
इजरायलं दक्षिण लेबनानय् हवाई आक्रमण सुरु याःगु दु । इजरायली लडाकु विमानं दक्षिणी लेबनानया मारवाहिन सहरया पिनेपाखे हवाई आक्रमण याःगु दु ।
लक्षित याःगु थासं कुँत्याः पिहावया च्वंगु खनेदु । इजरायलं दक्षिणपश्चिमी लेबनानया मारवाहिन व ब्लिडाया सीमावर्ती सहरपिने पाखे ४५ पटक आक्रमण याःगु धका धाःगु दु।
भारतीय प्रधानमन्त्री नरेन्द्र मोदीं कालापानीइ
लहनान्युज | यंलागा त्रयोदशी ११४३, असोज २५ बिहीवाः
![](https://www.lahananews.com/sites/default/files/kalapani-modi.jpg)
भारतीय प्रधानमन्त्री नरेन्द्र मोदीं कालापानी क्षेत्रय् भ्रमण याःगु दु। मोदी हेलिकप्टरं कालापानीइ वःगु खः।
वयकलं थःगु सामाजिक सञ्जाल ट्विटरय् थः कैलाश व पार्वतीकुण्डया दर्शन यानागु दु धका धासे उगु तस्बिर तःगु खः।
मोदीं कालापानी क्षेत्रमा तैनाथ भारतीय सेना, इन्डो–तिब्बत बोर्डर पुलिस, सशस्त्र सीमा बल व सुरक्षा अधिकारी तय्त नापलानां सहलह याःगु खः। भारतीय प्रधानमन्त्री मोदी वःगु उगु थाय् नेपाल–भारत सीमा क्षेत्रय् लाः। मोदीं भ्रमण याःगु बारेय् नेपाःयात छु न औपचारिक जानकारी मदु धका जिल्ला प्रशासन कार्यालय दार्चुलां धाःगु दु।
सरकारं २०७७ साल जेठय् सार्वजनिक याःगु नेपाःया न्हुगु नक्साय् लिम्पियाधुरा, कालापानी, लिपुलेक क्षेत्र तक दुथ्याका तःगु खः। भारतं धाःसा उगु थाय् थःपिनिगु धका दाबी याना च्वंगु खः।
सिक्किमया टिस्टा खुसिइ चुइकां २३ म्ह सैनिक तनाच्वन
लहनान्युज | यंलागा पंचमी ११४३, असोज १७ बुधवाः
![](https://www.lahananews.com/sites/default/files/sssae.jpg)
भारतया सिक्किम टिस्टा खुसिइ चुइकां २३ म्ह सैनिक तंगू जूगु दु। तंपि सैनिक तयेत मालिइगु ज्या जुयाच्वंगु दु धका सिक्किमया मुख्यमन्त्री प्रेमसिंह तामाङं धाःगु दु।
सेनां जारी याःगु विज्ञप्ति कथं सिक्किमय् तसकं वाः वया व चुङथाङ बाँधं लः त्वःतूगु कारण तटीय क्षेत्रय् १५–२० फिटतक लः थहावःगु खः।
बारदाङय् च्वपि सैनिकपि खुसिइ बाः वःगुलि व चान्ह्यः करिब साढे १ बजेतिं २३ म्ह सैनिक तय्त चुइका यकां तःगु दु धका सेनां जारी याःगु विज्ञप्तिइ धाःगु दु।
प्रधानमन्त्री प्रचण्ड व चिनियाँ प्रधानमन्त्री ली छ्याङ दथुइ भेटवार्ता
लहनान्युज | यंलाथ्व दशमी ११४३, असोज ८ सोमवाः
![](https://www.lahananews.com/sites/default/files/pra-chi.jpg)
चीन भ्रमणय् वनाच्वम्ह प्रधानमन्त्री पुष्पकमल दाहाल प्रचण्ड व वयकःया चिनियाँ समकक्षी ली छ्याङ दथुइ द्विपक्षीय भेटवार्ता याःगु दु।
स्थानीय ई कथं थौं सुथय् ११ बजे ग्रेट हल अफ द पिपुलय् नापलाये त्यःगु दु। थौं नापलायेगु निति नेपाःपाखे परराष्ट्रमन्त्री एनपी साउद, भौतिक पूर्वाधार नापं यातायात मन्त्री प्रकाश ज्वाला, खानेपानी लिसे सरसफाइ मन्त्री महिन्द्र राय यादव लगायत मन्त्रीपि सहभागी जूगु दु।
उगु निगु पक्षीय भेटवार्ता लिपा निगु पक्षीय हित व च्यूताया विषय सहलह यायेत्यःगु खः। उगु भेटवाता लिपा निगु पक्षीय ग्वाहालि व नापं सम्झौताय् ल्हाःचिं तइगु ज्याझ्वः दु। निगु पक्षीय भेटवार्ता थ्व स्वया न्ह्यः प्रधानमन्त्री प्रचण्डयात चिनियाँ प्रधानमन्त्री ली न ग्रेट हल अफ दि पिपुलय् लसकुस याःगु खः।
वया लिपा चिनियाँ जनमुक्ति सेनां प्रधानमन्त्री प्रचण्डयात सम्मान कथं गार्ड अफ अनर लःल्हाःगु खः।