Display Style:
Column Style
मेक्सिकोय् ७.० रेक्टर स्केलया भुखाय् ब्बल
लहनान्युज | ञंलाथ्व द्धितीया ११४१, भाद्र २३ बुधवाः
मेक्सिकोय् वंगु चान्ह्य ७.० रेक्टर स्केलया भुखाय् ब्बःगु दु।
उगु भुखाचं गुलि क्षति जुगु धका सिइमदुनि। मेक्सिकोया दक्षिण पश्चिम एकापुल्को समुद्री तटीय क्षेत्रय् वंगु शक्तिशाली भुखाय्या कारण मेक्सिको सिटीया भवन तसकं सकूगु दु धका धाउगु दु।
यूएस जिअलजिकल सर्भे (यूएसजीएस) नं एकापुल्को गुएरेरोको ११ माइल (१७.७किमी) उत्तरपूर्वय् ७.० म्याग्निट्यडया भुखाय् ब्बःगु धका धाउगु दु।
तालिवानं नियन्त्रणय् काःगु धाःगु पञ्जशीरय् हाकनं ल्वापू
गुंलागा चतुर्दशी ११४१, भाद्र २२ मंगलबाः
तालिबानं पूवंक नियन्त्रण काःगु धका दाबी याःगु अफगानिस्तानया पञ्जशीर उपत्यकाय् वंगु चान्हय् ंसंघर्ष तच्वगु बुखँ दु ।
वंगु चान्हय् सैन्य विमातयेसं तालिवानया अखडाय् हताः याःगु व आपालं लडाकुत सीगु दाबी याःगु खः । म्हिगः तालिवानं पञ्जशीरया प्रान्तीय गभर्नरया ज्याकुथिइ ध्वाँय् ब्वयेका उगु प्रान्त नं पूवंक थःगु नियन्त्रणय् वःगु घोषणा याःगु खः ।
उखे, तालिबान विरुद्ध पञ्जशीर क्षेत्रय् ल्वानाच्वंगु नर्दन एलायन्स धाइगु नेशनल रेसिस्टेन्स फ्रन्टं थःगु हार अस्वीकार याःगु दु । एनआरएफया लडाकुतयेसं अझं नं रणनीकि रुपय् महत्वपूर्ण क्षेत्रय् थःगु उपस्थिति दूगु धका युद्ध न्ह्यानाच्वंगु धाःगु दु ।
एनआरएफया नेता अहमद मसूदया अडियो हसना सामाजिक सञ्जालं सार्वजनिक यासें तालिवान विरुद्ध देय्यंकपाखें प्रतिरोध यायेत आह्वान याःगु दु । मसुदं तालिवानयात मान्यता बिउगु धका अन्तर्राष्ट्रिय समुदायया नं कुँख्यंगु दु ।
पहाडी उपत्यका पन्जशिरय् छगू लख ५० द्वः निसें निगू लख मनतये बसोबास दु ।
तालिवानं गर्भवती मिसा स्याःगु द्वपं लात
गुंलागा त्रयोदशी ११४१, भाद्र २१ सोमबाः
अफगानिस्तानय् सत्ता कःघानाच्वंगु तालीवानी बिद्रोहीयात छम्ह मिसा प्रहरी स्याःगु द्वपं लाःगु दु ।
च्यालाया गर्भवती उम्ह मिसा सुरक्षाकःमिया छेँय् हे दुहांवनाः बन्दुकधारी पुचलं वय्कःया भाःत व काय्म्ह्याय्या न्ह्यःने हे स्यानाब्यूगु खः । उम्ह मिसाया पारिवारिक श्रोत व प्रत्यक्षदर्शीतय्सं धाःसा तालीवानं हे हत्या याःगु दाबी याःगु दु ।
गोलिं कयेकाः स्यानाब्यूम्ह उम्ह मिसाया म्ह व ख्वाः तकं क्षतबिक्षत यानाब्यूगु धाःगु दु । स्थानीय कारागारय् ज्या यानाच्वंम्ह उम्ह मिसा सुरक्षाकःमियात छाय् स्यात धइगु सीमदुनि ।
अफगानिस्तानय् लिपांगु इलय् अधिकार माग यासें मिसातय्सं याःगु प्रदर्शनय् वय्कलं ब्वति काःगु आशंकाय् स्यानाब्यूगु जुइफुगु धाःगु दु । उम्ह मिसाया सीम्हया भिडियो सामाजिक सञ्जालय् भाइरल जूगु दु ।
तालीवानं धाःसा घटनाबारे अनुसन्धान यायेगु धाःगु दु । थ्व हे दथुइ, तालीवानं मिसा अधिकारया समर्थनय् जूगु प्रदर्शनय् ब्वति काःपिन्त मालाः मालाः हे कारबाही यायेगु न्ह्याकूगु दु ।
फिलिपिन्सं यात्रा प्रतिबन्ध चिइकल
गुंलागा द्वादशी ११४१, भाद्र २० आइतबाः
फिलिपिन्सं नेपाः लिसें १०गू एशियाली देय्यात तयावःगु यात्रा प्रतिबन्ध चिइकुगु दु ।
कोभिड महामारी नियन्त्रणया धका नेपाल, भारत, पाकिस्तान, बंगलादेश, श्रीलंका, संयुक्त अरब इमिरेट्स (यूएई), ओमान, थाइल्याण्ड, मलेसिया व इन्डोनेसियायात प्रतिबन्ध तःगु खः ।
कोरोना संक्रमण नियन्त्रण मजूसा नं खोपया हुनिं ग्यानापूगु अवस्था मजुइगु निश्कर्ष लिसें सेप्टेम्बर ६ निसें यात्रा प्रतिबन्ध चिइकेगु निर्णय जूगु फिलिपिन्स सरकारं न्ह्यथंगु दु ।
फिलिपिन्सया राष्ट्रपति रोड्रिगो डुटेर्तें यात्रा प्रतिबन्ध चिइकेत अन्तर निकाय कोभिड–१९ कार्यदलया सिफारिस स्वीकृत जूगु जानकारी बियादील ।
अयेसां फिलिपिन्स वइपिं अन्तर्राष्ट्रिय यात्रुतयेसं प्रवेश, परीक्षण व क्वारेन्टिनसम्बन्धी नियम धाःसा पालना यायेमाःगु न्ह्यथंगु दु । फिलिपिन्सं १०गू एशियाली देय्यात वंगु अप्रिल निसें प्रतिबन्ध तःगु खः ।
न्युजिल्याण्डय् कडा कानुन वइगु
गुंलागा द्वादशी ११४१, भाद्र २० आइतबाः
न्युजिल्याण्ड सरकारं आतंकवाद विरोधी कानूनयात हिलेत्यंगु दु ।
प्रधानमन्त्री जसिन्डा आर्डर्नं वंगु शुक्रबाः अकल्याण्डय् प्रहरीया निगरानीइ दूम्ह छम्ह मनूखं चक्कुं हताः यायेधुंका आतंकवाद विरोधी कानुनयात हिला कडाई यायेगु जानकारी बियादीगु खः ।
वयेकलं देशय् थप आतंककारी घटना जुइके मबिइत कडा कानुन हयेगु जानकारी बियादील । श्रीलंकाली मूलया छम्ह मनूखं सुपरमार्केटय् ७म्हसित चक्कुं हताः याःगु खः ।
उपिं मध्ये ३ म्हसिया अवस्था गम्भीर दु । उगु घटनायात आतंकवादी हताःया छुमां बिउसें प्रधानमन्त्री आर्डर्नं वइगु सेप्टेम्बरया अन्त्य तक्क आतंकवाद विरोधी कानुन हिलेगु धयादील ।
