Display Style:
Column Style
जापानया प्रधानमन्त्रीं थ्व हे महिनाय् राजीनामा बिइगु
लहनान्युज | गुंलागा द्धादशी ११४१, भाद्र १८ शुक्रवाः
जापानया प्रधानमन्त्री योशिहिदे सुगां थ्व हे महिनाय् राजीनामा बिइत्यंगु दु।
दँच्छि न्ह्यः सिन्जो आबे न राजीनामा बिइ धुका प्रधानमन्त्रीया जिम्मेवारी कयादीम्ह सुगां थ्व हे महिनाय् राजीनामा बिइ धका बीबीसीं धाउगु दु।
सुगां सत्तारुढ दल लिबरल डेमोक्रेटिक पार्टी (एलडीपी) या अध्यक्षय् लागि न प्रतिस्पर्धा मयायेगु धका धाउगु दु। एलडीपीया अध्यक्ष लागि सेप्टेम्बर ३० य् चुनाव जुइत्यंगु खः। जापानय् थ्व हे नोभेम्बरय् संसदीय चुनाव जुइत्यंगु दु।
जापानया संवैधानिक व्यवस्था कथं थ्व हे नोभेम्बर २८ वा व स्वया न्ह्यः चुनाव यायेमाः। कोरोना महामारी रोकथाम व नियन्त्रणया लागि प्रभावकारी ज्या मजुगु धका जापानया प्रधानमन्त्री सुगाया आलोचना जुयाच्वंगु खः।
अमेरिकाय् वाःफय् वया ४१ म्ह मन्त
लहनान्युज | गुंलागा द्धादशी ११४१, भाद्र १८ शुक्रवाः
अमेरिकाय् वाःफय् वया ४१ म्ह सीउगु दु।
अमेरिकी राष्ट्रपति जो बाइडनं जलवायु परिवर्तनया समस्या नाप ल्वात ऐतिहासिक लगानी आवश्यक दु धका धागु दु। जलवायु सम्बन्धी संकटया सामना यायेगु धइगु जीवन व मरणया सवाल जुगु धका बाइडनं धागु दु।
समुद्री आँधी आइडाया प्रभावं न्यूयोर्क व न्यूजर्सी राज्यय् मदिक्क वाः वयाच्वंगु दु। थ्व अस्वाभाविक जुगु धका मौसमविदपिन्स धाउगु दु। न्यूजर्सीइ २३ म्ह, न्यूयोर्कय् १४ म्ह, पेन्सलभेनियाय् स्वम्ह व कनेटिकटय् छम्ह सीउगु दु धका बीबीसीं धाउगु दु।
न्यूयोर्कया सतकय् डुबानय जूगु दु।
बलिउड कलाकार सिद्धार्थ शुक्ला ह्रदयघात जुया मन्त
लहनान्युज | गुंलागा एकादशी ११४१, भाद्र १७ बिहीवाः
बलिउड कलाकार सिद्धार्थ शुक्ला ह्रदयघात जुया मन्त। बिग बोस–१३ या विजेता तक जुयादीम्ह शुक्ला मुम्बईया कुपर अस्पतालय् मदुगु धका द हिन्दुस्तान टाइम्सं उल्लेख याउगु दु।
अस्पतालया कथं ४० दँ दुम्ह शुक्लां द्यन्य न्ह्यः नगु खः। वया लिपा मदनं। अस्पतालं वयागु ह्रदयघातया कारण मदुगु धका उल्लेख याउगु दु।
शुक्लां मोडलिङ जुया थःगु करिअर सुरु याउगु दु। शुक्लां टेलिशृंखला ’बबुलका आगन छुटे ना’, ’जाने पेहेचाने से ये अजनवी’, ’लभ यु जिन्दगी’ य् अभिनय याउगु दु। तर ’बालिका बधु’ पाखे धासा यक्को चर्चा जुगु खः।
रियालिटी सो बिग बोस–१३ बाहेक ’झलक दिखलाजा–६’, ’फियर फ्याक्टरः ’ खत्रोंका खिलाडी ७’य् ब्बति काउगु खः। शुक्लां सन् २०१४ य् ’हम्टी शर्माकी दुल्हनियाँ’य् सहायक अभिनेताया भूमिकाय् म्हितूगु खः।
जापानं काबुलस्थित दूतावास चिइकीगु
गुंलागा एकादशी ११४१, भाद्र १७ बिहीवाः
जापानं अफगानिस्तानया काबुलस्थित दूतावास चिइकीगु, फुक्कं ज्या दोहां याइगु, मेमेपिन्सं न राजनीतिक अस्थिरताया हुनिं नियोगत अस्थायी रुपय् चिइकाच्वन ।
जापान सरकारं अफगानिस्तानय् दुगु दूतावासया ज्या कतारं यायेगु निर्णय याःगु दु । जापानया विदेश मन्त्री तेशिमित्सु मोतेगीं अफगानिस्तानय् दुगु जापानीे दूतावासया ज्या आवलिं कतारया राजधानी दोहां न्ह्याकेगु तयारी जूगु पुष्टि यानादीगु दु ।
तालिवान विद्रोहीतय्सं अफगानिस्तानया सत्ता कब्जा यायेवं राजनीतिक अन्यौल ब्वलंगु जुयाः विदेशी कूटनीतिक नियोगतय्सं थःथःगु दूताबास अफगानिस्तानं चिइकाच्वंगु दु । अफगानिस्तानं यक्व हे देशं थः नागरिक लित यंकाच्वंगु ईलय् जापानं न दूतावासया ज्या मेगु हे देशं न्ह्याकेगु तयारी याःगु खः ।
आः न अफगानिस्तानस्थित दूतावासया ज्या अस्थायी रुपय् टर्कीया स्तानबुलस्थित कन्सुलेट जनरलपाखें यानाच्वंगु दु ।
भारतय् नं सायात राष्ट्रिय जनावर घोषणा यायेत अदालतया आदेश
गुंलागा एकादशी ११४१, भाद्र १७ बिहीवाः
भारतया इलाहावाद उच्च अदालतं सायात राष्ट्रिय जनावर घोषणा यायेत आदेश ब्यूगु दु । गौहत्याया द्वपं फयाःवःम्ह जावेद नांया मनूया मुद्दायात सुनुवाइ यायेगु झ्वलय् इलाहावाद उच्च अदालतं थन्यागु आदेश जारी यानाब्यूगु खः ।
अथेहे सायात संरक्षण बीमाःगु मौलिक अधिकारदुने तयेत न अदालतं धागु दु । देय्या संस्कृतिइ आघात लाइबलय् देय् कमजोर जुइ धइगु यथार्थ खँयात मनन यानाः सायात राष्ट्रिय जनावर घोषणा यानाः संरक्षण यायेत उच्च अदालतं धागु खः । अदालतं गौहत्याया द्वपं फःम्ह जावेदयात जमानतय् मत्वःतेत न धागु दु ।
अदालतं सा स्यानाः नयेदयेमाःगु धइगु विषयया विरुद्धय् आदेश न्यंकूसें थन्यागु ज्यापहः जूसा साया मौलिक अधिकार हनन जुइगु ठहर याःगु दु । बरु स्यायेगु थासय् अधिकार संरक्षण यायेमाः धकाः धागु दु । हिन्दुतय्गु जक मखु मुस्मांतयेगु शासनकालय् न भारतय् साया महत्व स्वीकार याःगु धासें गौहत्यायात छुं न त्वहलय् जायज धाये मफइगु अदालतया ठहर दु ।
