Display Style:
Column Style
अमेरिका मास्क छ्यलिगु मयासा प्यलाया दुने ४ लाख स्वया अप्वइ नाघ्ने
लहनान्युज | ञंलागा ५ ११४०,भाद्र २२ सोमवाः
![](https://www.lahananews.com/sites/default/files/co%201%20%283%29_2.jpg)
सावधानी अपने मयासा जनवरी १ तक अमेरिकाय् कोरोनाया कारण सीपि निगु गुणा अप्वोया ४ लाख थ्यनिगु धका वरिष्ठ स्वास्थ्य विद् पिन्स धाःगु दु ।
कोभिड–१९ सम्बन्धी तयार याःगु न्हुगु मोडलया कथं मेगु प्यलाया दुने अमेरिकाय् थप २ लाख २४ हजार मनूपि सी फुगु धका धाःगु दु ।
तर आवश्यक सावधानी, अथे धइगु मास्क तयेगु अनिवार्य यात धाःसा उगु क्षति जुइगुलि बच्छि कम जुइ फइगु युनिभर्सिटी अफ वासिङटन इन्सटिटिउटया हेल्थ मेट्रिक्स व मूल्यांकन विभागं पेश याःगु मोडलय् उल्लेख याःगु दु । तर थुकिया अःखः दक्को कडा मयासे त्वःतल धाःसा संक्रमण दर व सीपि अनुमान स्वया अप्वोइ धका चेतावनी बिःगु दु ।
कोभिड विरुद्ध सरकारं छु न रणनीति मयात धाःसा जनवरी १ तक सीपि ६ लाख २० हजार थ्यनिगु थ्व स्वया न्ह्यः आइएसएमइया रिपोर्टय् दुथ्याका तःगु दु । उग रिपोर्टया कथं मास्क तयेगु अस्वीकार याःु थाय् संक्रमण दर अप्वोगु धका धया तःगु दु । थ्व हे डिसेम्बर तक जुया च्वन धाःसा न्हि ३ हजार स्वया अप्वो मनू सी धका आइएचएमइ न धाःगु दु ।
वःगु छु दिं न्ह्यः अमेरिकाय् न्हुपि संक्रमित जुया वना च्वपि १८ निसे २४ दँयापिन्त स्कुल कलेज चायेवः अझ अप्वोया वःगुलि विज्ञपिन्स च्युता काःगु दु । अथेहे अगस्ट महिनाय् मिसोउरीय् जक उगु दँया मनू तयेत ७ हजार स्वया अप्वो कोरोना पोजेटिभ खने दुगु खः ।
हलियकं २४ घण्टाय् २ लाख ९६ हजार कोरोना संक्रमित
लहनान्युज | ञंलागा ५ ११४०,भाद्र २२ सोमवाः
![](https://www.lahananews.com/sites/default/files/p%20corona_1.jpg)
हलियकं वःगु २४ घण्टाय् २ लाख ९६ हजार ३२म्ह कोरोना संक्रमित थपे जूगु दु ।
अथेहे ६ हजार २७म्ह संक्रमितपि सी धुकुगु दु धका विश्व स्वास्थ्य संगठनया तथ्यांकय् उल्लेख याःगु दु ।
कोरोनाया कारण आःतक ८ लाख ७१ हजार १६६म्ह संक्रमितपि सी धुकुगु दु ।
संक्रमितपिनिगु ल्याः २ करोड ६४ लाख ६८ हजार ३१ म्ह थ्यःगु दु।
भारतय् छन्हुु ९० हजार कोरोना संक्रमित जूल
लहनान्युज | ञंलागा ५ ११४०,भाद्र २२ सोमवाः
![](https://www.lahananews.com/sites/default/files/uu%20%2821%29_0.jpg)
कोरोना संक्रमित जूगु देय् मध्ये दकलय् अप्वो जूगु देशया धलखय् भारत निगु थासय् थ्यःगु दु। ब्राजिलयात ल्युने लाका भारत अमेरिका धुका ल्युने लागु दु।
भारतय् कोरोना संक्रमण न्हिया न्हिथं अप्वोया वना च्वंगु दु । वःगु २४ घण्टाय् आःतक दकलय् अप्वो ९० हजार ६३२ म्ह कोरोना संक्रमित थपे जूगु दु । भारतय् कोरोना संक्रमितपि ४१ लाख १३ हजार ८११ म्ह थ्यःगु दु।
वःगु २४ घण्टाय् जक भारतय् संक्रमितपि १ हजार ६५म्ह सी धुकुगु दु धक विश्व स्वास्थ्य संगठनया तथ्यांकमा उल्लेख याना तःगु दु । आःतक भारतय् ७० हजार ६२६म्ह कोरोना संक्रमित जूया सी धुकुगु दु।
थ्व नाप,भारतय् कोरोनाया कारण सीपिनिगु धलखय् अमेरिका व ब्राजिल लिपा लियाल्यू थासय् थ्यःगु दु। लकडाउनयात छ्वाःसुके धुका कोरोना संक्रमण झन अप्वोगु खः।
९० हजार ६३२म्ह कोरोना संक्रमित छन्हु अप्वो थ्व हलिमय् न्हापागु खः।अमेरिकाय् छन्हु हे आःतक ७४ हजार व ब्राजिलय् ६९ हजार तक जूगु रिकर्ड दुगु खः।
युएईलय् छवाः दुने न्याम्ह नेपाली कोरोनां मन्त
लहनान्युज | ञंलागा ४ ११४०,भाद्र २१ आइतवाः
![](https://www.lahananews.com/sites/default/files/uae.jpg)
हलियकं महामारी कोरोना भाइरस (कोभिड १९) संक्रमणपाखे विदेशय् न्याम्ह नेपाली मदुगु दु धका गैरआवासीय नेपाली संघ (एनआरएनए) नं धाःगु दु ।
एनआरएनए स्वास्थ्य समितिया संयोजकया कथं युएईलय् न्याम्ह नेपाली मन्त धका धाःगु दु ।
थ्व नाप शनिवाः बहनि तक विदेशया थीथी थासय् १६ गु देशय् संक्रमणया कारण नेपालीपि निसः न मल्याक सी धुकुगु दु धका एनआरएनए नं धाःगु दु ।
स्वास्थ्य समितिया कथं थुगु वाःय् जक दक्षिण कोरियाय् न्हापां छम्ह नेपाली कोरोना भाइरसया संक्रमण मदुगु दु ।
जापान, अष्ट्रेलिया कतार लगायतया देशय् थुगु वाःय् कोरोना संक्रमणया दरय् सामान्य रुपं अप्वोगु दु ।
आःतक हलियक ४० गु देशय् नेपालीपिन्ति कोरोना भाइरसपाखे संक्रमित जूयाच्वंगु दु ।
आःतक नेपाल बाहेक विदेशय् जक ३४ हजार ९३९म्हेसिके कोरोना संक्रमण खने दये धुकुगु दु । ३२ हजार ९८९ म्ह कोरोना संक्रमणपाखे मुक्त जुइ धुकुगु दु धका समितिं धाःगु दु ।
२४ घण्टाया दुने भारतय् ८६ हजार संक्रमित, १०८९ मन्त
लहनान्युज | ञंलागा ४ ११४०,भाद्र २१ आइतवाः
![](https://www.lahananews.com/sites/default/files/corna11_1.jpg)
वःगु २४ घण्टाय् जक भारतय् ८६ हजार ४३२म्ह न्हुपि संक्रमित थपे जुया वना च्वंगु दु ।
भारतय् लकडाउन लिपा न्हिया न्हिथं न्हुपि सक्रमितपि थपे जुया वना च्वंगु दु ।
वःगु २४ घण्टाय् छन्हु हे आःतक भारतय् छक्वलं ८६ हजार ४३२म्ह न्हुपि संक्रमित थपे जुगु दु ।
विश्व स्वास्थ्य संगठनया कथं भारतय् वःगु २४ घण्टाय् थःथे ८६ हजार ४३२म्हेसित कोरोना संक्रमित जुगु खः ।
थ्व स्वया निन्हु न्ह्यः ८३ हजार ८८३म्हेसित कोरोना संक्रमित थपे जुगु खः । भारतय् आःतक संक्रमितपि ४० लाख २३ हजार १७९ म्ह थ्यःगु दु ।
अथेहे ६९ हजार ५६१म्ह कोरोना संक्रमितपि सी धुकुगु दु । वःगु २४ घण्टाय् जक १ हजार ८९म्ह संक्रमितपि सी धुुकुगु दु ।