Display Style:
Column Style
बीएमसीं कंगनाया मुम्बईया ज्याकू सिल यात
लहनान्युज | ञंलागा ६ ११४०,भाद्र २३ मंगलवाः
![](https://www.lahananews.com/sites/default/files/kangana.jpg)
टर मुम्बई नं वयागु अफिस सिल याना ‘ज्या यायेगु रोक’ धका च्वया तःगु नोटिस टाँसे याःगु दु ।
बीएमसी स्रोतया कथं छु दिं न्ह्यः तयार याःगु व उगु कथं कारबाही याये त्यःगु खः । कंगना आःथःगु छेँय् हिमाञ्चल प्रदेशय् दु ।
वयात सोमवाः छगु ट्विट यासे बीएमसीया छु अधिकारीपिन्स जबरजस्ती वयागु ज्याकुथि वना व पूर्वसूचं मविसे मंगलवाः वयाःगु ज्याकू तोडफोड याःगु आरोप बिःगु खः ।
कंगनां थुगु बन्द याःगु ज्याकु वं १५ दँनिसे खःगु म्हगसः खः नाप बीएमसीं वयागु म्हगस चकनाचुर याःगु धका सोमवाः ट्विट याःगु खः ।
बीएमसीया अधिकारीं धाःसा कंगनाया ज्याकु जाँचया लागि वनेगु कानुन कथं जुगु धका धाःगु दु ।
तेलेगु अभिनेता जयप्रकाश रेड्डीे ७४ दँय् मन्त
लहनान्युज | ञंलागा ६ ११४०,भाद्र २३ मंगलवाः
![](https://www.lahananews.com/sites/default/files/jya.jpg)
तेलेगु अभिनेता जयप्रकाश रेड्डी थौं मंगलवाः सुथय् ७४ दँय् मन्त । वयागु गुन्टरय् थःगु हे छेँय् हृदयाघातं मदुगु खः ।
रेड्डी ४० दँय् संकिपा ख्यलय् दुहा वःगु खः । सेनाय् ज्या यानाच्वम्ह १९८८ य् ‘ब्रह्मा पुद्रुडू’ पाखे संकिपाख्यलय् दुहा वःगु खः । वयात खलनायक पात्रय् स्थापित जुम्ह खः ।
वयात डायलगया मास्टर कथं न म्हसिकेगु याः । वं तेलुगु डायलग याउक न्ववाये फुम्ह खः । तेलुगु संकिपाय् चर्चित खलनायक पात्र नाप कमेडी रोलय् म्हसिम्ह खः ।
करिब १०० गु संकिपाय् ज्या याये धुकुम्ह वयागु दकलय् लिपागु संकिपा ‘सरिलरु निकेवरु’ खः ।
भारतय् २४ घण्टाय् ९० हजार ८०२म्ह कोरोना संक्रमित
लहनान्युज | ञंलागा ६ ११४०,भाद्र २३ मंगलवाः
![](https://www.lahananews.com/sites/default/files/ina_0.jpg)
कोरोना संक्रमितपि दकलय् अप्वो जुगु देय् मध्ये निगु थासय् लानाच्वंगु भारत कोरोना संक्रमण न्हिया न्हिथं अप्वोया वना च्वंगु दु ।
वःगु २४ घण्टाय् आःतक दकलय् अप्वो ९० हजार ८०२म्ह कोरोना संक्रमित थपे जुगु दु । थ्व नाप भारतय् कोरोना संक्रमितपि ४२ लाख ४ हजार ६१३म्ह थ्यःगु दु ।
वःगु २४ घण्टाय् भारतय् १ हजार १६म्ह संक्रमितपि सी धुकुगु दु विश्व स्वास्थ्य संगठनया तथ्यांकय् उल्लेख याःगु दु । आःतक भारतय् ७१ हजार ६४२ म्ह कोरोना संक्रमितपि सी धुकुगु दु ।
आः हलियकं दकलय् अप्वो कोरोना संक्रमण जूगु देय् या धलखय् निगु थासय् थ्यःगु दु ।
आःतक छन्हु हे छक्वलं ९० हजार ६३२म्ह कोरोना संक्रमित जूगु देय् भारत जक जुगु दु । अमेरिकाय् छक्वल ७४ हजार व ब्राजिलय् ६९ हजार तक संक्रमित पिहा वःगु दु ।
लिपाःगु तथ्यांक कथं अमेरिकाय् न्हि ४५ हजार संक्रमित पिहा वःगु दु सा ब्राजिलय् न वःगु २४ घण्टाय् ३० हजार संक्रमित पिहा वःगु दु ।
हलियकं छन्हुया दुने ४ हजार ८२०म्ह मन्त
लहनान्युज | ञंलागा ६ ११४०,भाद्र २३ मंगलवाः
![](https://www.lahananews.com/sites/default/files/co%201%20%284%29_0.jpg)
हलियकं कोरोनाया कारणं न्हिया न्हिथं अप्वोया वना च्वंगु दु ।
विश्व स्वास्थ्य संगठनया कथं हलियकं २४ घण्टाय् कोरोनाया कारणं ४ हजार ८२०म्ह सी धुकुगु दु ।
विश्व स्वास्थ्य संगठनया कथं हलियकं थगु महामारी २१६ गु दय् थ्यःगु दु । कोरोनाया कारण आःतक सीपि ८ लाख ८१ हजार ४६४म्ह थ्यःगु दु ।
अथेहे संक्रमितपि २ करोड ७० लाख ३२ हजार ६१७म्ह थ्यःगु दु । अथेहे हलियकं कोरोना संक्रमितपि २ करोड ७० लाख ३२ हजार ६१७ म्ह थ्यःगु दु।
वःगु २४ घण्टाय् जक २ लाख ६५ हजार ८१८म्ह संक्रमित थपे जुगु दु ।
कोरोनाया कारण हलियकं आःतक ८ लाख ८१ हजार ४६४म्ह सी धुकुगु दु ।
हलियकं कोरोना संक्रमितपि २ करोड ७० लाख थ्यन
लहनान्युज | ञंलागा ६ ११४०,भाद्र २३ मंगलवाः
![](https://www.lahananews.com/sites/default/files/wco2_4.jpg)
हलियकं कोरोना संक्रमितपिनिगु ल्याः आः २ करोड ७० लाख स्वया अप्वो जुइ धुकुगु दु ।
विश्व स्वास्थ्य संगठनया कथं आःतक विश्वय् कोरोना संक्रमितपि २ करोड ७० लाख ३२ हजार ६१७ म्ह थ्यःगु दु ।
वःगु २४ घण्टाय् २ लाख ६५ हजार ८१८म्ह संक्रमितपि थपे जुगु दु ।
कोरोनाया कारण विश्वय् आःतक ८ लाख ८१ हजार ४६४ सी धुकुगु दु ।