Display Style:
Column Style
हलिमय् २४ घण्टाय् २ लाख १८ हजार कोरोना संक्रमित
लहनान्युज | ञंलागा ८ ११४०,भाद्र २५ बिहीवाः
हलिमय् २४ घण्टाय् दुने २ लाख १८ हजार १४९म्ह कोरोना संक्रमित थपे जुगु दु ।
विश्व स्वास्थ्य संगठनया कथं वःगु २४ घण्टाय् जक २ लाख हजार ८९७म्ह कोरोना संक्रमित थपे जुगु दु ।
विश्व स्वास्थ्य संगठनया कथं कोरोनाया कारण आःतक ८ लाख ९४ हजार ९८३ म्ह संक्रमितपि सी धुकुगु दु ।
आःतक संक्रमितपि २ करोड ७४ लाख ८६ हजार ९६० म्ह थ्यने धुकुगु दु ।
रुसं स्वगु करोड २० लाख डोज कोरोना विरुद्ध खोप मेक्सिकोयात मिइगु
लहनान्युज | ञंलागा ७ ११४०,भाद्र २४ बुधवाः
रुसया सार्वभौम सम्पत्ति कोषं स्वगु करोड २० लाख डोज सम्भावित कोरोना विरुद्ध खोप मेक्सिकोयात मिइत्यःगु दु ।
रुसं कोभिड १९ या सम्भावित ’स्पुतनिक भी’ खोप मेक्सिकोया छगु मुख्य फर्मासिटिकल कम्पनीयात मिइगु लागि सम्झौता जुगु धका रोयटर्सयात जानकारी बिःगु दु । थ्व रुसया खोप निर्यातया निगुगु सम्झौता जुगु धका धाःगु दु ।
थ्व स्वया न्ह्य रुसी प्रत्यक्ष लगानी कोष (आरडीआईएफ) नं न्हापागु सम्झौता अगस्तय् काजकस्तान नाप याःगु खः ।
रुसं थ्व स्वया न्ह्य अगस्त ११ य् हलियकं न्हापागु कोरोना विरुद्धया खोप दर्ता याःगु धका दाबी याःगु दु । तर, युरोप अमेरिका लगायतया पश्चिम राष्ट्रं खोप विकासया दक्को मापदण्ड पालना याःगु मयाःगु धका आशंका व्यक्त याःगु खः ।
रुसं धाःसा उगु खोप आपतकालीन प्रयोगय् हये धुकागु दु धका याःगु दु ।
भारतय् कोरोनां आःतक ७२ हजार ७७५म्ह मन्त
लहनान्युज | ञंलागा ७ ११४०,भाद्र २४ बुधवाः
भारतय् कोरोनाया कारण सीपिनिगु ल्याः ७२ हजार ७७५ म्ह थ्यःगु दु ।
वःगु २४ घण्टाय् जक भारतय् १ हजार १३३ म्ह संक्रमितपिनिगु ज्यान वःगु दु धका विश्व स्वास्थ्य संगठनया तथ्यांकय् उल्लेख याना तःगु दु ।
अथहे भारतय् वःगु २४ घण्टाय् ७५ हजार ८०९म्हेसित कोरोना संक्रमित जूगु दु ।
भारतय् म्हिगः जक आःतकया हे दकलय् अप्वो छन्हु ९० हजार ८०२म्ह संक्रमित थपे जुगु खः ।
भारतय् आःतक ४२ लाख ८० हजार ४२२म्हेसित कोरोना संक्रमण खनेदुगु दु ।
हलियकं २ लाख ३ हजार कोरोना संक्रमित
लहनान्युज | ञंलागा ७ ११४०,भाद्र २४ बुधवाः
वःगु २४ घण्टाय् हलियकं २ लाख ३ हजार ८९७म्ह कोरोना संक्रमित थपे जुगु दु ।
विश्व स्वास्थ्य संगठनया कथं कोरोनाया कारण आःतक ८ लाख ९१ हजार ३१म्हेसिया संक्रमित जुया ज्यान वःगु दु ।
अथेहे संक्रमितपि २ करोड ७२ लाख ३६ हजार ९१६म्ह थ्यःगु दु ।
कोरोनां हलियकं सीपि ८ लाख ९१ हजार थ्यन
लहनान्युज | ञंलागा ७ ११४०,भाद्र २४ बुधवाः
हलियकं महामारी कथं जुया च्वंगु कोरोना भाइरसको संक्रमणया कारण आःतक सीपि ८ लाख ९१ हजार ३१ म्ह थ्यःगु दु ।
विश्व स्वास्थ्य संगठनया तथ्यांक कथं आःतक संक्रमितपि २ करोड ७२ लाख ३६ हजार ९१६म्ह थ्यःगु दु ।
वःगु २४ घण्टाय् जक हलिमय् ९ हजार ५६६ संक्रमितपिनिगु ज्यान वने धुकुगु दु ।
