ओली ज्ञानेन्द्र शाहया लँय् वना च्वःगु दु, योगेश भट्टराई
थिंंलागा सप्तमी ११४१, मंगलवाः २१ गते | थिंंलागा सप्तमी ११४१, मंगलवाः २१ गते
![](https://www.lahananews.com/sites/default/files/yoges.jpg)
नेकपा प्रचण्ड–माधव समूहया नेता योगेश भट्टराई न प्रधानमन्त्री केपी शर्मा ओली पूर्वराजा ज्ञानेन्द्र शाहया लँय् वना च्वःगु दु धका धाःगु दु।
थौं मंगलवाः बानेश्वरय् पत्रकारपि नाप भट्टराई न पश्चगामी कदम ल्ह्वनाच्वम्ह ओली ज्ञानेन्द्रया पथय् वना च्वंगु आरोप बिःगु दु। ज्ञानेन्द्रया लँय् वनिगु झ्वलय् संघीयता खारेज यायेगु व लोकप्रिय जुइ स्वयेगु स्वया च्वंगु दु धका थःम्ह न्यना च्वनागु दु धका भट्टराई न धाःगु खः। प्रतिक्रान्ति व पश्चगमनपाखे वना च्वम्ह ओलीं नेतृत्व यानाच्वंगु धका धाःगु खः ।
संसद विघटनया विरुद्धय्, संघीयता, गणतन्त्र व संधिवानया पक्षय् जिपि दनाच्वनागु दु धका धाःगु द। ओली आः प्रेस, नागरिक अगुवा व बुद्धिजिवपि विरुद्ध दनाच्वंग् धका धाःसे भट्टराई न आशंका याःगु खः । नेपाली कांग्रेस व जनता समाजवादी पार्टी नाप याकन हे मोर्चा दयेका वनेगु धका भट्टराई न धागु दु।
Categorized in राजनीति