मेयर कप मिसा च्याम्पियनसिप क्रिकेट धेँधेँबल्लाखय् एपीएफयात लगातार निगूगु जित
चिल्लागा सप्तमी ११४१, चैत्र २२ गते आइतबाः
![](https://www.lahananews.com/sites/default/files/EqJ3CZ2VgAAScWu-scaled.jpg)
म्हिगःनिसें येँ न्ह्यनाच्वंगु मेयर कप मिसा च्याम्पियनसिप क्रिकेट धेँधेँबल्लाखय् एपीएफ क्लवं लगातार निक्वःखुसी त्याय्त ताःलाःगु दु ।
किपूया त्रिवि क्रिकेट ख्यःलय् जूगु न्हापांगु कासाय् एपीएफं सुदूरपश्चिम प्रदेशयात ३७गू रनं बुकूगु खः । एपीएफं बिउगु सच्छि व २८गू रनया हाथ्यायात सुदूरपश्चिमं १९गू ओभर ९०गू रन दयेका अलआउट जुल ।
सुदूरपश्चिमया सुनिता लुहारं थपूयागु २३गु रन बाहेक मेपिन्सं बाँलागु प्रदर्शन यायेमफुत । एपीएफया बिनु बुढां ३गू व सिता रानामगर व सुमन विष्टं समान २ विकेट काल ।
थ्वयांन्ह्यः टस त्याका न्हापां ब्याटिङ याःगु एपीएफं क्वछिनातःगु २०गू ओभरय् निगू छ्वयाः सच्छि व २७गू रनया योगफल दयेकल । एपीएफया ज्योती पाण्डें ५९गू रनया अर्धसतकिय इनिङस् म्हितल ।